ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⴷ-ⵢⵉⵍⵉ ⵓⵚⴻⴳⴳⴻⵎ ⴷⴻⴳ ⵓⵃⵔⵉⵛ ⵏ ⵓⵎⴻⵙⵏⵉ ⵏ ⵍⴽⵉⵕⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵓⵎⴻⵙⵏⵉ ⴱⵧⵓⴷⵊⴻⵎⴰⴰ ⵜⴰⵍⴰⵉ ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵍⴻⵜⵏⵉⵢⴻⵏ ⴰⴽⴽⴻⵏ ⴰⴷ ⵉⵄⴰⵡⴻⴷ ⴰⴷ ⵜⴻⵜⵜⵡⴰⵚⴻⴳⴳⴻⵎ ⵓⵎⴻⵙⵏⵉ ⵏ ⵜⴻⵎⴷⵉⵏⵉⵏ ⴷ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏⵜ (ⴻⵜⵓⵙ) ⴰⴽⴽⴻⵏ ⴰⴷ ⵜⴻⴼⵔⵓ ⵜⴻⴳⵏⵉⵜ-ⴰ ⵏ « ⵜⵡⴰⵖⵉⵜ » ⵏ ⵓⵎⴻⵙⵏⵉ ⵏ ⵍⴽⵉⵕⴰⵏ ⴷⴻⴳ ⵍⴻⵣⵣⴰⵢⴻⵔ.

« ⵏⵓⴹⴻⵏ ⵙⴻⴳ ⵓⵎⴻⵙⵏⵉ ⵏ ⵜⵎⴰⵛⵉⵏⵜ ⴷ ⵓⵎⴻⵙⵏⵉ ⴰⴳⴻⵏⵡⴰⵏ, ⵎⴰⵛⴰ ⴰⵎⴻⵙⵏⵉ ⵏ ⵍⴽⵉⵕⴰⵏ ⴷ ⵜⴰⵡⴰⵖⵉⵜ (…) » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴰⵍⴰⵉ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵢⵉⵏⴻⵎⵀⴰⵍⴻⵏ ⵏ ⵓⵎⴻⵙⵏⵉ ⵏ ⵜⵡⵉⵍⴰⵢⵜ ⴷ ⵡⵉⴷ ⵏ ⵢⵉⵖⵙⵓⵔⴻⵏ ⵏ ⵓⵎⴻⵙⵏⵉ ⵏ ⵜⴻⵎⴷⵉⵏⵉⵏ ⴷ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷ ⴰⴽⴽⴻⵏ ⵓⴳⵓⵔ-ⴰ ⵢⴻⴽⴽⴰ-ⴷ ⵙⴻⴳ ⵍⵇⴻⵍⵍⴰ ⵏ ⵓⵙⵙⵓⴷⴷⴻⵙ ⴷ ⵍⴻⵅⵚⴰⵚ ⵏ ⵢⵉⵍⵓⴳⴰⵏ ⵏ ⵓⵃⴽⵉⵎ.

« ⴳⵔⴻⵖ ⵜⴰⵎⴰⵡⵜ ⴷ ⴰⴽⴽⴻⵏ ⵢⴰⵍ ⵜⴰⵎⴻⵀⵍⴰ ⵏ ⵓⵎⴻⵙⵏⵉ ⵏ ⵜⵡⵉⵍⴰⵢⵜ ⵜⴻⵙⵙⵓⴷⴷⴻⵙ ⵍⴻⵛⵖⴰⵍ-ⵏⵏⴻⵙ ⴰⴽⴽⴻⵏ ⴰⵢ ⴰⵙ-ⵢⴻⵀⵡⴰ, ⴰⵙⴻⵇⵇⴰⵎⵓ-ⵏⵏⴻⵙ ⵏ ⵜⴻⴷⴱⴻⵍⵜ ⵓⵔ ⵢⴻⵙⵄⵉ ⴰⵔⴰ ⴰⵀⵉⵍ ⵢⴻⵔⵏⴰ ⵓⵍⴰⵛ ⴰⵙⵙⴻⵎⵢⵓⴷⴷⴻⵙ ⴳⴰⵔ ⵜⵎⴻⵀⵍⵉⵡⵉⵏ ⵢⴻⵎⴳⴻⵔⵔⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

Ɣⴻⴼ ⵍⴻⵃⵙⴰⴱ ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵃⴻⴷⵕⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ, ⴰⵙⵙⵓⴷⴷⴻⵙ ⵏ ⵜⵎⴻⵀⵍⵉⵡⵉⵏ-ⴰ ⵓⵔ ⴷ-ⵢⴻⵜⵜⵇⴰⵎ ⴰⵔⴰ ⴰⴽⴽⴻⵏ ⴰⴷ ⵢⴻⵃⴽⴻⵎ ⴰⵎⴹⴰⵏ ⴰⵎⴻⵇⵔⴰⵏ ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵍⴰ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ-ⴰ.

ⵉ ⵍⵎⴻⵏⴷ ⵏ ⵡⴰⵢⴰ, ⴰⵏⴻⵖⵍⴰⴼ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⵄⴰⵡⴷⴻⵏⵜ ⴰⴷ ⵜⵜⵡⴰⵙⵙⵓⴷⴷⵙⴻⵏⵜ ⵜⵎⴻⵀⵍⵉⵡⵉⵏ ⵏ ⵓⵎⴻⵙⵏⵉ ⵏ ⵜⵡⵉⵍⴰⵢⵜ ⴷ ⵢⵉⵖⵙⵓⵔⴻⵏ ⵏ ⵓⵎⴻⵙⵏⵉ ⵏ ⵜⴻⵎⴷⵉⵏⵉⵏ ⴷ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏⵜ ⴰⴽⴽⴻⵏ ⴰⴷ ⵉⵄⴰⵡⴻⴷ ⴰⴷ ⴷ-ⵢⴻⵔⴼⴻⴷ ⵓⵃⵔⵉⵛ-ⴰ ⵉⵎⴰⵏ-ⵏⵏⴻⵙ ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵙⴻⵍⵀⵓ ⵏ ⵓⴽⴰⵜⴰⵔ ⵏ ⵜⵎⴻⴷⴷⵓⵔⵜ ⵏ ⵓⵖⴻⵔⵎⴰⵏ ⴷ ⵜⵏⴻⴼⵍⵉⵜ ⵏ ⵜⴷⴰⵎⵙⴰ ⵏ ⵜⵎⵓⵔⵜ.

« ⴷⴻⴳ ⵜⴰⵣⵡⴰⵔⴰ, ⴰⴷ ⵏⴻⵄⵔⴻⴹ ⴰⴷ ⴷ-ⵏⴻⴳ ⵢⵉⵡⴻⵏ ⵏ ⵓⵙⵙⵓⴷⴷⴻⵙ ⵉ ⵡⴰⴽⴽ ⵜⵉⵎⴻⵀⵍⵉⵡⵉⵏ ⵏ ⵓⵎⴻⵙⵏⵉ ⵏ ⵜⵡⵉⵍⴰⵢⵜ ⵢⴻⵔⵏⴰ ⴰⴷ ⴰⵙⴻⵏ-ⵏⴻⵙⴷⵓⴽⴽⴻⵍ ⵍⴻⵛⵖⴰⵍ-ⵏⵙⴻⵏⵜ, ⴰⵙⵍⴰⴳⴻⵏ-ⵏⵙⴻⵏⵜ ⴰⴳⴻⵏⵙⵉ ⴷ ⵜⵙⴻⴽⴽⵉⵔⵉⵏ-ⵏⵙⴻⵏⵜ ⴰⴽⴽⴻⵏ ⴰⴷ ⵏⴻⵣⵎⴻⵔ ⴰⴷ ⴷ-ⵏⴰⴼ ⴰⵢⴻⵏ ⴷⴻⴳ ⵅⵓⵚⵚⴻⵏⵜ ⴷ ⵡⵓⴳⵓⵔⴻⵏ-ⵏⵙⴻⵏⵜ ⵏ ⵜⵉⴷⴻⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴰⵍⴰⵉ.

« ⵎⴰ ⵏⴻⵙⵙⴰⵡⴻⴹ ⴰⴷ ⵏⴻⴼⵔⵓ ⵓⴳⵓⵔ ⵏ ⵓⵙⵙⵓⴷⴷⴻⵙ, ⵉⴳⵎⴰⴹ ⴰⴷ ⴷ-ⴱⴰⵏⴻⵏ ⴷⵉⵏⴷⵉⵏ (…). ⵙⴻⴳ ⵢⵉⴷⵉⵙ ⵏⵉⴹⴻⵏ, ⵍⵍⴰⵏⵜ ⴽⵔⴰ ⵏ ⵜⵖⴰⵡⵙⵉⵡⵉⵏ ⵜⵉⵃⴻⵔⴼⵉⵢⵉⵏ ⴰⵔⴰ ⵏⴻⴳ ⵢⴻⵔⵏⴰ ⵣⴻⵎⵔⴻⵏⵜ ⴰⴷ ⴰⵖ-ⴵⴵⴻⵏⵜ ⴰⴷ ⵏⴻⴼⵔⵓ 50% ⵙⴻⴳ ⵡⵓⴳⵓⵔⴻⵏ ⵙ ⵓⴹⴼⴰⵔ ⵏ ⵢⵉⴱⴻⴷⴷⵉⵍⴻⵏ-ⴰ ⴰⴽⴽⴻⵏ ⵉⵡⴰⵜⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵜⴰⵍⴰⵉ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵢⵉⵍⵉ ⵓⵎⴰⵀⵉⵍ (ⴰⵅⴻⴷⴷⵉⵎ) ⴷⴻⴳ ⵜⴻⵖⴱⴰⵍⵓⵜ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵡⵓⴳⵓⵔ ⵏ ⵜⵓⴽⵛⵉ ⵏ ⵢⵉⵣⵉⵔⵉⴳⴻⵏ ⵏ ⵓⵎⴻⵙⵏⵉ, ⵉⵎⵉ ⵉⵣⵉⵔⵉⴳⴻⵏ ⵍⴰ ⵜⵜⵡⴰⴼⵔⴰⵇⴻⵏ ⵙ « ⵓⵔⵡⴰⵢ » ⵉⵎⵉ ⴰⵢ ⵓⵍⴰⵛ ⴰⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵎⴻⵙⵏⵉ, ⵢⴻⵔⵏⴰ ⵢⴻⵙⵙⴻⴼⴽ ⴷⴰⵖ ⴰⴷ ⵢⴻⴼⵔⵓ ⵡⵓⴳⵓⵔ ⵏ ⵜⵓⴽⵛⵉ ⵏ ⵜⵜⴻⵙⵔⵉⵃⴰⵜ ⵏ ⵜⴻⵏⵀⴰⵕⵜ, ⴰⵎ ⵡⴰⴽⴽⴻⵏ ⴰⵔⴰ ⵜⵜⵡⴰⵔⴻⵥⵎⴻⵏ ⵢⵉⵖⴻⵔⴱⴰⵣⴻⵏ ⵉⵎⴰⵢⵏⵓⵜⴻⵏ ⵏ ⵓⵙⵙⴻⵍⵎⴻⴷ ⵏ ⵜⴻⵏⵀⴰⵕⵜ.

ⴰⵔⵥⴰⵎ ⵏ ⵢⵉⵖⴻⵔⴱⴰⵣⴻⵏ ⵏ ⵜⴻⵏⵀⴰⵕⵜ ⴷ ⵡⵉⵏ ⴰⵢ ⴷ-ⵉⵃⵓⵣⴰ ⵍⵇⴰⵏⵓⵏ 12-110 ⵏ 6 ⵎⴻⵖⵔⴻⵙ 2012 ⴰⵢ ⴷ-ⵢⴻⵙⴱⴻⵢⵢⵏⴻⵏ ⵛⵛⵓⵔⵓⴹ ⵏ ⵓⵙⵙⵓⴷⴷⴻⵙ ⴷ ⵓⵙⵙⴻⴼⵇⴻⴷ ⵏ ⵢⵉⵖⴻⵔⴱⴰⵣⴻⵏ ⵏ ⵜⴻⵏⵀⴰⵕⵜ ⴰⵢ ⵢⴻⵜⵜⵃⴻⵜⵜⵉⵎⴻⵏ ⵉⵙⴻⴼⵔⴰⴽⴻⵏ ⵏ ⵢⵉⵖⴻⵔⴱⴰⵣⴻⵏ-ⴰ ⴰⴷ ⵙⵄⵓⵏ ⵜⵓⵔⴰⴳⵜ ⵏⴻⵖ ⴰⴷ ⴷ-ⵙⵙⵉⴷⴼⴻⵏ ⴰⵙⴷⴰⵡⴰⵏ ⴰⴽⴽⴻⵏ ⴰⴷ ⵢⴻⵅⴷⴻⵎ ⴷⴻⴳ ⵚⵚⴻⵏⵄⴰ-ⴰ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⴳⴻⵏⵙⴰⵙⴻⵏ ⵏ ⵢⵉⵖⴻⵔⴱⴰⵣⴻⵏ ⵏ ⵜⴻⵏⵀⴰⵕⵜ ⵓⴳⵉⵏ ⵍⵇⴰⵏⵓⵏ-ⴰ ⴰⵢ ⵢⴻⵜⵜⵡⴰⵙⴼⴻⵄⵍⴻⵏ ⴷⴻⴳ ⵎⴻⵖⵔⴻⵙ ⵢⴻⵣⵔⵉⵏ.

Ɣⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⴰⵔⵥⴰⵎ ⵏ ⵓⵖⴻⵔⴱⴰⵣ ⵏ ⵜⴻⵏⵀⴰⵕⵜ ⵢⴻⵃⵡⴰⴵ ⴰⵙⵙⵉⵍⴻⵖ ⴷⴻⴳ ⵓⵏⵔⴰⵔ-ⴰ ⵢⴻⵔⵏⴰ ⵎⴰⵛⵉ ⴷ ⴰⴳⴻⵔⴷⴰⵙ ⴽⴰⵏ ⴰⵙⴷⴰⵡⴰⵏ ⵓⵔ ⵢⴻⵙⵄⵉⵏ ⴰⵔⴰ ⴰⵙⵙⴰⵖ ⴷ ⵚⵚⴻⵏⵄⴰ-ⴰ, ⴷⵖⴰ ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵜⵙⴻⴽⴽⵉⵔⵜ-ⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ.

ⵜⵓⴽⵛⵉ ⵏ ⵜⵜⴻⵙⵔⵉⵃⴰⵜ ⵉ ⵢⵉⵟⴰⴽⵙⵉⵢⴻⵏ ⴷ ⵓⵙⵙⵉⵍⴻⵖ ⵏ ⵢⵉⵏⴻⵀⵀⴰⵕⴻⵏ ⵏ ⵍⴽⵉⵕⴰⵏ (ⵍⴰⴷⵖⴰ ⵡⵉⴷ ⵏ ⵓⵎⴻⵙⵏⵉ ⵓⵙⵍⵉⴳ) ⴷ ⵙⵉⵏ ⵏ ⵢⵉⵏⵓⵔⴰⵔ ⴰⵢ ⵢⴻⵃⵡⴰⴵⴻⵏ ⴰⵚⴻⴳⴳⴻⵎ ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ.

ⴰⵎⴻⵙⵏⵉ ⵏ ⵜⴻⵎⴷⵉⵏⵉⵏ ⴷ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏⵜ ⴷⴻⴳ ⵍⴻⵣⵣⴰⵢⴻⵔ ⵅⴻⴷⴷⵎⴻⵏⵜ ⴷⴻⴳ-ⵙ 90% ⵙⴻⴳ ⵜⴽⴻⴱⴱⴰⵏⵉⵢⵉⵏ ⵜⵓⵣⵣⵉⴳⵉⵏ ⵏ ⵓⵎⴻⵙⵏⵉ ⵖⴻⵔ ⵢⵉⴷⵉⵙ ⵏ ⵢⵉⵖⵙⵓⵔⴻⵏ ⵏ ⵓⵎⴻⵙⵏⵉ ⵏ ⵜⴻⵎⴷⵉⵏⵉⵏ ⵏ ⵜⵡⵉⵍⴰⵢⵜ, ⵖⴻⴼ ⵍⴻⵃⵙⴰⴱ ⵏ ⵢⵉⵙⴻⴼⴽⴰ ⴰⵢ ⴷ-ⵢⴻⴼⴽⴰ ⵓⵏⴻⵖⵍⴰⴼ ⴷⴻⴳ ⵜⴻⵎⵍⵉⵍⵉⵜ-ⴰ.

ⵚⵚⴻⵏⴼ-ⴰ ⵏ ⵓⵎⴻⵙⵏⵉ ⴷ ⵡⵉⵏ ⴷⴻⴳ ⵔⵡⵉⵏⵜ ⵜⵖⴰⵡⵙⵉⵡⵉⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴼⵔⴰⵇ ⵏ ⵢⵉⵣⵉⵔⵉⴳⴻⵏ ⵏ ⵓⵎⴻⵙⵏⵉ, ⵉⵎⵉ ⵓⵍⴰⵛ ⴰⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵎⴻⵙⵏⵉ, ⴷⵖⴰ ⵖⴻⴼ ⵡⴰⵢⴰ ⴰⵢ ⵞⵞⵓⵕⴻⵏ ⴽⵔⴰ ⵏ ⵢⵉⵣⵉⵔⵉⴳⴻⵏ ⴷⴻⴳ ⵡⴰⴽⵓⴷ ⴷⴻⴳ ⴽⵔⴰ ⵏⵉⴹⴻⵏ ⵅⵓⵚⵚⴻⵏ-ⵜⴻⵏ ⵍⴽⵉⵕⴰⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵍⵇⴰⵏⵓⵏ ⵢⴻⵍⵍⴰⵏ ⴷⴻⴳ ⵍⴼⴻⵄⵍ ⵉⵎⵉⵔ-ⴰ ⴰⵍⴰ ⴰⵃⵔⵉⵛ ⵙⴻⴳ-ⵙ ⴰⵢ ⵢⴻⵜⵜⵡⴰⵙⴼⴻⵄⵍⴻⵏ ⵉⵎⵉ ⴰⵢ ⵅⵓⵚⵚⴻⵏ ⴽⵔⴰ ⵏ ⵢⵉⴹⵔⵉⵙⴻⵏ ⵏ ⵓⵙⵙⴻⴼⵄⴻⵍ, ⵢⴻⵔⵏⴰ ⴷ ⴰⵢⴰ ⴰⵢ ⵉⵃⴻⴱⵙⴻⵏ ⵜⴰⵏⴻⴼⵍⵉⵜ ⵏ ⵚⵚⴻⵏⴼ-ⴰ ⵏ ⵓⵎⴻⵙⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⴼⴻⵀⵎⴻⵏ.

ⵏⵏⵉⴳ ⵡⴰⵢⴰ, ⵓⵍⴰ ⴷ ⵜⵉⴷⵓⵎⵚⵓⴽⵉⵡⵉⵏ ⵏ ⵓⵎⵎⴰⴳⴻⵔ ⵏ ⵢⵉⵎⵙⵉⴽⵍⴻⵏ (ⴰⵎ ⵜⴻⵖⵙⴰⵔ ⵏ ⵍⴽⵉⵕⴰⵏ) ⵅⵓⵚⵚⴻⵏⵜ, ⵢⴻⵔⵏⴰ ⵍⴽⵉⵕⴰⵏ ⴰⵢ ⵍⴰ ⵢⴻⵜⵜⴻⴷⴷⵓⵏ ⴷⴻⴳ ⵜⵎⵓⵔⵜ ⴷ ⵜⵉⵇⴱⵓⵔⵉⵏ. ⵜⵉⵎⵙⴰⵍ-ⴰ ⴰⴽⴽ ⵙⵇⴻⴷⵛⴻⵏ ⴼⴻⵍⵍ-ⴰⵙⴻⵏⵜ ⴷⴻⴳ ⵓⵎⵢⴰⴳⴻⵔ-ⴰ.