ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴳⴰⵢⴻⵜ: ⴳⵀⵧⵓⵍ ⵉⴳⴻⵔ-ⴷ ⵜⵉⵖⵔⵉ ⵉ ⵓⵙⵙⵉⴼⵙⴻⵙ ⵏ ⵓⵙⵙⴻⴼⵜⵉ ⴷⴻⴳ ⵓⵃⵔⵉⵛ ⵏ ⵓⵃⴻⵡⵡⴻⵙ

ⴱⴳⴰⵢⴻⵜ – ⴰⵏⴻⵖⵍⴰⴼ ⵏ ⵓⵙⵙⴻⵇⵄⴻⴷ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ, ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴱⴳⴰⵢⴻⵜ ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⵉⴼⵙⴻⵙ ⵛⵛⵖⴻⵍ ⵏ ⵓⵙⵙⴻⴼⵜⵉ ⵏ ⵢⵉⴷⵔⵉⵎⴻⵏ ⴷⴻⴳ ⵓⵃⵔⵉⵛ ⵏ ⵜⵎⴻⵔⵔⵉⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵏⵏⴰ ⵉ ⵢⵉⵎⴹⴻⴱⴱⵔⴻⵏ ⵉⴷⴻⴱⵍⴰⵏⴻⵏ ⴰⴷ ⴽⴽⵙⴻⵏ ⵓⵏⵊⵓⴳⴻⵏ ⵙⴻⴳ ⵓⴱⵔⵉⴷ ⵏ ⵡⵉⴷ ⵢⴻⴱⵖⴰⵏ ⴰⴷ ⵙⵙⵙⴻⴼⵜⵉⵏ ⴷⴻⴳ ⵡⴰⵢⴰ. «ⵢⴻⵙⵙⴻⴼⴽ ⴰⴷ ⵜⵜⵡⴰⴽⴽⵙⴻⵏ ⵢⵉⴽⵎⴰⵔⴻⵏ, ⵉⵎⵉ ⵜⵉⴽⴽⴰⵍ, ⵉⴽⵎⴰⵔⴻⵏ-ⴰ ⵓⵔ ⵙⵄⵉⵏ ⴰⵔⴰ ⵍⵎⴻⵄⵏⴰ ⴰⵎ ⵡⴰⴽⴽⴻⵏ ⴰⵢ ⵃⴻⴱⴱⵙⴻⵏ ⴰⵙⵙⴻⴼⵜⵉ (ⴷⴻⴳ ⵜⵎⴻⵔⵔⵉⵜ), ⵢⴻⵔⵏⴰ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵏⵄⴻⴷⴷⵉ ⵙ ⵜⵖⴰⵡⵍⴰ ⵖⴻⵔ ⵍⴻⴱⵏⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵉⵙⵡⵉ ⵏ ⵡⴰⵢⴰ ⵏⴻⵜⵜⴰ ⴷ « ⴰⴼⵔⴰⵙ ⵏ ⵡⴰⴽⴰⵍ » ⴰⵔⴰ ⵢⴻⵜⵜⵓⵏⴻⴼⴽⴻⵏ ⵉ ⵡⴰⵢⴰ. ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵙⴻⴼⴽ ⴰⴷ ⴼⵔⵓⵏⵜ ⵡⵓⴳⵓⵔⴻⵏ ⵢⴻⵔⵣⴰⵏ ⴰⴽⴰⵍ ⴷⴻⴳ ⵜⴻⵎⵏⴰⴹⵜ-ⴰ, ⵎⴰ ⵓⵍⴰⵛ, ⴰⴷ ⵜⵜⵓⵏⴻⴼⴽⴻⵏⵜ ⵜⴻⵎⵙⴰⵍ-ⴰ ⵉ ⵓⵖⵍⵉⴼ ⴰⵔⴰ ⵢⴻⴷⴷⵎⴻⵏ ⵕⵕⴰⵢ ⵉⵡⴰⵜⴰⵏ. ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⴰⴽⴽⴻⵏ ⴰⴷ ⵜⵜⵡⴰⵖⴻⵍⵍⵜⴻⵏⵜ ⵜⴻⵎⵏⴰⴹⵉⵏ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ, ⵢⴻⵔⵏⴰ ⴰⵙⵙⴻⴼⵄⴻⵍ ⵏ ⵓⵙⴻⵏⴼⴰⵔ-ⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵔ ⵍⴻⵄⴹⵉⵍ ⵢⴻⵔⵏⴰ ⴰⴷ ⴷ-ⵉⴱⴰⵏ ⴷⴻⴳ ⵓⵏⵔⴰⵔ ⵙ ⵍⴻⴱⵏⵉ ⵏ ⵜⴷⵓⵎⵚⵓⴽⵉⵡⵉⵏ ⴰⵔⴰ ⴷ-ⵢⴻⵙⵙⵉⴷⵉⴼⴻⵏ ⵉⴷⵔⵉⵎⴻⵏ ⵢⴻⵔⵏⴰ ⴰⴷ ⴷ-ⵅⴻⵍⵇⴻⵏⵜ ⵉⵎⵓⴽⴰⵏ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ). ⵉ ⵍⵎⴻⵏⴷ ⵏ ⵡⴰⵢⴰ, ⵎⴰⵙⵙ ⴳⵀⵧⵓⵍ ⵉⴳⴻⵔ-ⴷ ⵜⵉⵖⵔⵉ ⵉ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ ⴰⴽⴽⴻⵏ ⴰⴷ ⴱⴷⵓⵏⵜ ⵉⵙⴻⵏⴼⴰⵔⴻⵏ-ⵏⵙⴻⵏⵜ ⵡⴰⵔ ⵍⴻⵄⴹⵉⵍ ⵢⴻⵔⵏⴰ ⵡⴰⵔ ⵎⴰ ⵕⴵⴰⵏⵜ ⵜⵉⵙⴻⴽⴽⵉⵔⵉⵏ ⵢⴻⵇⵇⵏⴻⵏ ⵖⴻⵔ ⵓⵀⴻⵢⵢⵉ ⵏ ⵡⴰⴽⴰⵍ, ⵉⵎⵉ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵜⵉⵙⴻⴽⴽⵉⵔⵉⵏ-ⴰ « ⵜⵜⵄⴻⴹⴹⵉⵍⴻⵏⵜ ⴰⵟⴰⵙ », ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴱⵖⴻⵙ ⵜⵉⴽⴻⴱⴱⴰⵏⵉⵢⵉⵏ-ⴰ ⴽⴽⴻⵏ ⴰⴷ ⵙⵇⴻⵄⴷⴻⵏⵜ ⴰⴽⴰⵍ ⵉ ⵢⵉⵎⴰⵏ-ⵏⵙⴻⵏⵜ, ⵢⴻⵔⵏⴰ ⴰⵡⴰⵏⴰⴽ (ⴷⴷⵓⵍⴰ) ⵉⵄⵓⵀⴻⴷ-ⵉⵜⴻⵏ ⴰⴷ ⵜⴻⵏ-ⵉⵄⴰⵡⴻⵏ ⴷⴻⴳ ⵡⴰⵢⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵔⴻⴹⴹⴰⵍ ⵏ ⵢⵉⴷⵔⵉⵎⴻⵏ. « ⵓⵍⴰⵢⵖⴻⵔ ⵎⴰ ⵕⴵⴰⵏ ⴰⵔⵎⴰ ⵜⴻⵜⵜⵡⴰⵀⴻⵢⵢⴰ ⵜⴻⵎⵏⴰⴹⵜ-ⵏⵏⵉ ⵙ ⵍⴻⴽⵎⴰⵍ-ⵏⵏⴻⵙ ⴰⴽⴽⴻⵏ ⴰⴷ ⴱⴷⵓⵏ ⴰⵙⵙⴻⴼⵜⵉ. ⵢⴻⵙⵙⴻⴼⴽ ⴰⴷ ⵖⵉⵡⵍⴻⵏ ⵢⴻⵔⵏⴰ ⴰⴷ ⴼⴻⵔⵙⴻⵏ ⵉⵎⵓⴽⴰⵏ ⵙ ⵓⵙⵙⵉⴼⵙⴻⵙ ⵏ ⵓⵙⵙⴻⴼⵄⴻⵍ ⵏ ⵢⵉⵙⴻⵏⴼⴰⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵢⵉⵎⴹⴻⴱⴱⵔⴻⵏ ⵉⴷⵉⴳⴰⵏⴻⵏ ⵏ ⵓⵃⵔⵉⵛ-ⴰ, ⵍⴰⴷⵖⴰ ⵡⵉⴷ ⴰⵢ ⴷ-ⵢⴻⵍⵀⴰⵏ ⵙ ⵜⴻⵎⵏⴰⴹⵉⵏ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ ⵏ ⴰⴳⵔⵉⵡⴻⵏ ⴷ ⵓⵡⴻⵇⵇⴰⵙ ⴰⵢ ⴷ-ⵢⵓⵙⴰⵏ ⴷⴻⴳ ⵓⴳⵎⵓⴹ (ⵛⵛⴻⵔⵇ) ⵏ ⵜⵡⵉⵍⴰⵢⵜ ⵏ ⴱⴳⴰⵢⴻⵜ, ⴷ ⵙⵏⴰⵜ ⵏ ⵜⴻⵎⵏⴰⴹⵉⵏ ⴰⵔⴰ ⵢⴻⵜⵜⵡⴰⵙⵇⴻⵄⴷⴻⵏ ⵢⴻⵔⵏⴰ ⴰⴷ ⴱⵏⵓⵏ ⴷⴻⴳ-ⵙⴻⵏⵜ ⵜⵜⴰⵡⵉⵍⴰⵜ ⵏ ⵜⵎⴻⵔⵔⵉⵜ. ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ, ⵜⵉⴽⵍⵉ-ⴰ ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⵙ ⵚⵚⵡⴰⴱ ⴷ ⵓⵎⴻⵢⵢⴻⵣ ⵙ ⵓⵇⴰⴷⴻⵔ ⵏ ⵓⵖⴰⵡⴰⵙ ⵏ ⵓⵙⵙⴻⵇⵄⴻⴷ ⵏ ⵜⵡⵉⵍⴰⵢⵜ ⴷ ⵓⵣⴻⵏⵣⵉⵖ ⴰⵖⴻⵍⵏⴰⵡ ⵏ ⵓⵙⵙⴻⵇⵄⴻⴷ ⵏ ⵡⴰⴽⴰⵍ (ⵙⵏⴰⵜ). ⴰⵏⴻⵖⵍⴰⴼ ⵉⴼⵓⵕⴻⵙ ⴷⴰⵖ ⴰⴽⴽⴻⵏ ⴰⴷ ⵢⴻⵔⵣⵓ ⵖⴻⴼ ⴽⵔⴰ ⵏ ⵢⵉⵙⴻⵏⵙⴰ ⴰⵢ ⵢⴻⵜⵜⵡⴰⴱⵏⴰⵏ ⵙⴻⴳ ⵎⴻⵍⵎⵉ ⴽⴰⵏ ⵢⴻⵔⵏⴰ ⵙⵄⴻⴷⴷⴰⵏ-ⴰⵙ-ⴷ ⴷⴰⵖ ⴽⵔⴰ ⵏ ⵢⵉⵙⴻⵏⴼⴰⵔⴻⵏ ⵙ ⵜⴻⵥⵔⴰⵡⵉⵢⵉⵏ ⵏ 3ⴷ (3 ⵏ ⵜⵙⴻⴽⵜⵉⵡⵉⵏ). ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵢⴻⵙⵄⴰ ⵍⴰⵎⴰⵏ ⴷ ⴰⴽⴽⴻⵏ ⴰⵃⵔⵉⵛ ⵏ ⵜⵎⴻⵔⵔⵉⵜ ⴰⴷ ⴷ-ⵢⴻⵔⴼⴻⴷ ⵉⵎⴰⵏ-ⵏⵏⴻⵙ ⴷⴻⴳ ⵜⴻⵎⵏⴰⴹⵜ-ⴰ ⵉⵎⵉ ⴰⵟⴰⵙ ⵏ ⵜⴷⵓⵎⵚⵓⴽⵉⵡⵉⵏ ⴰⵢ ⵍⴰ ⵙⵙⴻⴼⵔⴰⵢⴻⵏ ⴰⴷ ⵜⴻⵏⵜ-ⴱⵏⵓⵏ: ⴰⵣⴰⵍ ⵏ 20.000 ⵏ ⵡⵓⵙⵓⵜⴻⵏ ⴰⵔⴰ ⴷ-ⵢⴻⵔⵏⵓⵏ ⵏⵏⵉⴳ 4.000-ⵏⵏⵉ ⴰⵢ ⵢⴻⵍⵍⴰⵏ ⵉⵎⵉⵔ-ⴰ, ⵢⴻⵔⵏⴰ ⵉⵙⴻⵏⵙⴰ ⵉⵎⴰⵢⵏⵓⵜⴻⵏ ⴰⴷ ⵙⵄⵓⵏ ⵜⴰⵙⴻⴳⴷⴰ ⴷ ⵙⵙⵔⴰⴱⴻⵙ ⵏ ⵜⵖⴰⵔⴰ. ⴰⵏⴻⵖⵍⴰⴼ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵢⴻⵥⵔⴰ ⵜⴰⵎⴻⵔⵔⵉⵜ ⵏ ⵢⵉⵔⵉ ⵏ ⵍⴻⴱⵃⴻⵕ ⵎⴰⵣⴰⵍ ⵜⴻⵊⵎⴻⵄ ⵍⵅⵉⵔ ⵖⴻⵔ ⵙⴷⴰⵜ, ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵏⴻⵡⵡⴻⵄ ⴷⴻⴳ ⵜⵎⴻⵔⵔⵉⵜ ⵢⴻⵔⵏⴰ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⴷⴰⵖ ⵉ ⵜⵎⴻⵔⵔⵉⵜ ⵏ ⵓⴷⵔⴰⵔ ⴰⵢ ⵢⵓⴽⵍⴰⵍⴻⵏ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵇⴻⵢⵢⴻⵎ ⵏ ⵜⵉⴷⴻⵜ. « ⵎⴰⵛⵉ ⴰⵍⴰ ⴷ ⵍⴻⴱⵃⴻⵕ ⴰⵢ ⵢⴻⵍⵍⴰⵏ. ⵢⴻⵙⵙⴻⴼⴽ ⴰⴷ ⵏⵏⴰⴷⵉ ⵖⴻⴼ ⵡⴰⴽⴽ ⵍⴻⵚⵏⴰⴼ ⵏⵉⴹⴻⵏ ⵏ ⵜⵎⴻⵔⵔⵉⵜ, ⴰⵎⴰ ⴷ ⵜⴰⵎⴻⵔⵔⵉⵜ ⵏ ⵍⵃⴻⵎⵎⴰⵎⴰⵜ, ⵜⵉⵏ ⵏ ⵓⴷⴰⵡⵉ, ⵜⵉⵏ ⵏ ⵜⵡⴻⵏⵏⴰⴹⵜ, ⵜⵉⵏ ⵏ ⵜⴼⴻⵍⵍⴰⵃⵜ, ⵏⴻⵖ ⵜⵉⵢⴰⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⵍⵍⴰⵏⵜ ⵜⵣⴻⵎⵎⴰⵔ ⵢⴻⵔⵏⴰ ⴰⵢⴰ ⵓⵔ ⵢⴻⵃⵡⴰⴵ ⴰⵔⴰ ⴰⵙⵙⴻⴼⵜⵉ ⴰⵎⴻⵇⵔⴰⵏ ».