Asebter amenzawi

Ṭṭuṛk snemren asenyi ger yidisan imaliyen n wemtawi n talwit d wemsuɣal

LEZZAYER - Ṭṭuṛk yesnemmer ass n ttlata asenyi ger yidisan imaliyen n wemtawi n talwit d wemsuɣal di Mali u yerna yerra tajmilt i Lezzayer ɣef wayen akk taxdem s timmad-is d tamselḥut n tebdammat tageraɣlant yessawḍen ɣer wemsefhem ɣef wemtawi.

"ad nesnemmer asenyi n wemtawi n talwit d wemsuɣal, yellan yettwasenyan yakan sɣur anabaḍ amali d kra seg trebbuyaɛ timselḥin di Bamako ass n 15 mayu, akk d yak idisan ass n 20 yunyu 2015", id-iwekked unabaḍ aṭuṛki deg yiwen n wulɣu, I teṭṭef tnegga n isallen n Lezzayer.

"ad nesnemmer tikkelt-nniḍen akk idisan, ladɣa anabaḍ amali akk d Lezzayer akk d wid d-yefkan afus ama d imnaḍiyen neɣ d igeraɣlanen yessawḍen ɣer yiswi-yagi", id-bedren deg wulɣu-yagi.

Anabaḍ aṭuṛki yenna d akken "asurrif-agi d win yesɛan azal i tuṭṭfa n tdukkli n wakal d yiseɣ aɣelnaw n Mali".

Asenyi n wemtawi n Lezzayer, ɣef laḥsab unabaḍ atuṛki, "ad iḥettem ibeddi ibanen i yakk idisan ladɣa deg wayen yeṛǧan Mali", u yenna daɣen belli " aṭabbaq-ines s lekmal ad yili d awellih iwatan i unegmu d temɣeṛ n tmurt".