ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴳⴰⵔⵓ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴰⵏⵒ ⵉⵡⴻⴽⴽⴻⴷ-ⴷ ⴰⵄⴻⵣⵣⴻⵎ-ⵉⵏⴻⵙ ⴰⴽⴽⴻⵏ ⴰⴷ ⵉⵃⴰⴷⴻⵔ ⵖⴻⴼ ⵜⵍⵉⵙⴰ ⵏ ⵜⵉⵖⴻⵍⵏⴰⵡⵉⵏ ⴰⴷ ⵢⴻⵚⴼⴻⴹ ⵔⵔⴻⴱⵔⴰⴱ
ⵍⴻⵣⵣⴰⵢⴻⵔ- ⴰⵎⴳⴰⵔⵓ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵏⵒ) ⵉⵄⵉⵡⴻⴷ ⵉⵡⴻⴽⴽⴻⴷ-ⴷ ⵍⴻⴱⵖⵉ-ⵙ ⴷ ⵓⵄⴻⵣⵣⴻⵎ-ⵉⵏⴻⵙ ⴰⴽⴽⴻⵏ ⴰⴷ ⵜⵃⴰⴷⴻⵔ ⵎⴻⴱⵍⴰ ⴰⵃⴱⴰⵙ ⵜⵉⵍⵉⵙⴰ ⵜⵉⵖⴻⵍⵏⴰⵡⵉⵏ ⴷ ⵓⴽⴻⵎⵎⴻⵍ ⵓⵎⴻⵏⵏⵓⵖ-ⵉⵏⴻⵙ ⵎⴳⴰⵍ ⵔⵔⴻⴱⵔⴰⴱ ⴰⵍⵎⴰ ⵢⴻⵜⵜⵡⴰⴽⴽⴻⵙ ⵎⴰⴹⵉ. "ⴰⵎⴳⴰⵔⵓ ⵢⴻⵙⵅⴻⴷⵎⴻⵏ ⴰⴽⴽ ⵜⵜⴰⵡⵉⵍⴰⵜ ⵎⴰⵣⴰⵍ-ⵉⵜ ⵉⴱⴻⴷⴷ, ⵢⴻⵡⵊⴻⴷ, ⴰⴽⴽⴻⵏ ⴰⴷ ⵢⴻⵙⵙⴰⵖⵍⵉ ⴰⴽⴽ ⵜⵉⵅⴰⵣⴰⴱⵉⵢⵉⵏ ⴷ ⵓⵏⴻⵄⵔⵓⴹ ⵓⴽⴻⵞⵞⵓⵎ ⵏ ⵉⵕⴻⵎⵎⴰⵖⴻⵏ ⵙⵉ ⵜⵍⵉⵙⴰ-ⵏⵏⴻⵖ ⴰⵔⵎⵉ ⵢⴻⴽⴼⴰ ⵎⴰⴹⵉ ⴰⵢⴻⵏ ⴷ-ⵢⴻⵇⵇⵉⵎⴻⵏ ⵙⴻⴳ ⵔⵔⴻⴱⵔⴰⴱ", ⵉⴷ-ⵜⴻⵏⵏⴰ ⵜⴻⵙⵖⵓⵏⵜ "ⴻⵍ ⴷⵊⴻⵉⵛⵀ" ⴷⵉ ⵜⴳⴻⵊⴷⵉⵜ ⵏ ⵢⵓⵏⵢⵓ. ⵉⵅⴻⴷⴷⵉⵎⴻⵏ ⵉⵎⵓⵇⵇⵔⴰⵏⴻⵏ ⵏ ⵓⵎⴳⴰⵔⵓ ⴰⵏⵒ ⵓⵔ ⵢⴻⵙⵙⵉⵏ ⴼⴰⵛⴰⵍ ⴰⴽⴽⴻⵏ ⴰⴷ ⵉⵃⴰⴷⴻⵔ ⵖⴻⴼ ⵢⵉⵙⴻⵖ ⵏ ⵜⵎⵓⵔⵜ ⴷ ⵜⴻⵎⵃⴰⴷⴷⵉⵜ ⵏ ⵜⵍⵉⵙⴰ ⵢⴻⵍⵍⴰⵏ ⴷ ⵍⵡⴰⴵⴻⴱ ⴰⵖⴻⵍⵏⴰⵡ ⵖⴻⴼ ⵜⵡⴻⴽⴽⴻⴷ ⵜⵎⴻⵏⴷⴰⵡⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵡⴻⵍⵍⵉⵀⴻⵏ ⵏ ⵡⴻⵎⴳⴰⵔⵓ",ⵉⴷ-ⵜⴻⵏⵏⴰ ⵜⴻⵙⵖⵓⵏⵜ ⴷ-ⵉⵜⴻⴱⵜⴻⵏ ⴱⴻⵍⵍⵉ " ⴷ ⴰⵣⵔⴻⴼ ⵖⴻⴼ ⵍⴵⵓⵏⵓⴷ-ⵏⵏⴻⵖ ⵉⵃⵓⵔⵔⵉⵢⴻⵏ ⴰⴽⴽⴻⵏ ⴰⴷ ⵣⵓⵅⵅⴻⵏ ⵙ ⵍⵇⴻⴷⴷ ⵉⵄⴻⵍⵍⴰⵉⵍ". ⵢⴻⵙⵎⴻⴽⵜⴰ-ⴷ ⴰⴽⴽ ⵉⵖⴻⴱⵍⴰⵏ ⵜⴻⴷⴷⴻⵔ ⵜⵎⵓⵔⵜ ⴷ ⵓⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ, "ⴻⵍ ⴷⵊⴻⵉⵛⵀ" ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ "ⵜⵓⵖⴰⵍ ⴷ ⵜⴰⵣⴰⵎⵓⵍⵜ", ⵢⴰⵍ ⵜⵉⴽⴽⴻⵍⵜ ⵜⴻⵜⵜⴱⴻⴳⴳⵉⵏ-ⴷ ⵜⵉⴳⵏⴰⵜⵉⵏ ⵉⵡⴰⵄⵕⴻⵏ ⵢⴻⵔⵣⴰⵏ ⴰⴽⴽ ⵎⴻⴷⴷⴻⵏ ⴰⵢⴰⴳⵉ ⵙ ⵡⴻⴱⴷⴰⵔ ⵏ ⵡⴰⵢⴻⵏ ⴰⴽⴽ ⵜⴻⵣⵎⴻⵔ ⴰⴷ ⵜⴻⵅⴷⴻⵎ ⴷⴻⴳ ⵡⴻⵃⵔⵉⵛ-ⴰⴳⵉ ⵏ ⵓⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ.(ⴰⵒⵙ)
