ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵇⴻⴱⵟⴰⵏ ⴱⵧⵓⴰⵍⴳⴰ ⵢⵓⵡⴻⴹ ⵍⴻⵄⴼⵓ ⵏ ⵕⴻⴱⴱⵉ – ⴷ ⵏⴻⵜⵜⴰ ⴰⵢ ⴷ-ⵢⴻⵙⴱⴻⴷⴷⴻⵏ ⴰⵙⵓⴷⵓ ⴰⵖⴻⵍⵏⴰⵡ ⵏ ⵜⴳⴻⵔⵜⴰⵍ
ⵍⴻⵣⵣⴰⵢⴻⵔ – ⵢⵓⵡⴻⴹ ⵓⵇⴻⴱⵟⴰⵏ ⵎⵧⵀⴰⵎⴻⴷ ⴱⵧⵓⴰⵍⴳⴰ ⵍⴻⵄⴼⵓ ⵏ ⵕⴻⴱⴱⵉ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⵔ 76 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵡⴰⵛⵓⵍⵜ-ⵏⵏⴻⵙ. ⴰⵇⴻⴱⵟⴰⵏ ⴱⵧⵓⴰⵍⴳⴰ ⴷ ⵏⴻⵜⵜⴰ ⴰⵢ ⴷ-ⵢⴻⵙⴱⴻⴷⴷⴻⵏ ⴰⵙⵓⴷⵓ ⴰⵖⴻⵍⵏⴰⵡ ⵏ ⵜⴳⴻⵔⵜⴰⵍ (ⵍⵅⴰⵔⵉⵟⴰⵜ) ⴷ ⵓⴽⵛⴰⴼ ⵙ ⵍⴱⴻⵄⴷ ⵢⴻⵇⵇⵏⴻⵏ ⵖⴻⵔ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.
ⵜⴰⵎⴹⴻⵍⵜ-ⵏⵏⴻⵙ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⵎⴻⵇⴱⴻⵔⵜ ⵏ ⵍⵄⴰⵍⵢⴰ, ⵙⴷⴻⴼⴼⵉⵔ ⵜⵥⴰⵍⵍⵉⵜ ⵏ ⵍⵄⴰⵚⴻⵔ.
ⴰⵇⴻⴱⵟⴰⵏ ⴱⵧⵓⴰⵍⴳⴰ ⵉⵍⵓⵍ ⴷⴻⴳ ⵜⴻⵎⴷⵉⵏⵜ ⵏ ⴼⵔⴻⵏⴷⴰ, ⴷⴻⴳ ⵜⵡⵉⵍⴰⵢⵜ ⵏ ⵜⵉⵀⴻⵕⵜ. ⵢⵓⵡⴻⵢ-ⴷ ⴰⴳⴻⵔⴷⴰⵙ (ⴷⴷⵉⵒⵍⵓⵎ) ⴷⴻⴳ ⵜⵇⴻⵏⵟⵢⴰⵔ ⴷ ⵢⵉⴱⵔⵉⴷⴻⵏ ⵙⴻⴳ ⵜⴻⵙⴷⴰⵡⵉⵜ ⵏ ⵛⵧⵍⵓⵎⴱⵓⵙ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ), ⵢⴻⵔⵏⴰ ⵢⴻⵎⵎⵓⵣⵣⴻⴳ (ⵢⴻⵜⵅⴻⵚⵚⴻⵚ) ⴷⴻⴳ ⵜⴼⵓⵟⵓⴳⵕⴰⵎⵉⵜⵔⵉⵜ ⵜⴰⴳⴻⵏⵡⴰⵏⵜ (ⴰⵚⴻⵡⵡⴻⵔ ⵏ ⵡⴰⴽⴰⵍ ⵙⴻⴳ ⵢⵉⴳⴻⵏⵏⵉ) ⴷ ⵓⴽⵛⴰⴼ ⵙ ⵍⴱⴻⵄⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⵓⵡⴻⵢ ⴰⴷⵓⴽⵜⵓⵕⴰ ⴷⴻⴳ ⵓⵏⵔⴰⵔ-ⴰ ⵏ ⵜⵎⵓⵙⵙⵏⵉ.
ⴰⵎⴻⵕⵃⵓⵎ ⵢⴻⵅⴷⴻⵎ ⴷ ⴰⵏⴻⵎⵀⴰⵍ ⵏ ⵜⵇⴻⵏⵟⵢⴰⵔ ⴷ ⵢⵉⴱⵔⵉⴷⴻⵏ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵙⴰⴽⴽⵉⵏ ⵢⴻⵖⵔⴰ-ⴰⵙ-ⴷ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴰⴽⴽⴻⵏ ⴰⴷ ⴷ-ⵢⴻⵙⵙⴻⴱⴷⴻⴷ ⴷⴻⴳ 1967 ⴰⵙⵓⴷⵓ ⴰⵖⴻⵍⵏⴰⵡ ⵏ ⵜⴳⴻⵔⵜⴰⵍ ⴷ ⵓⴽⵛⴰⴼ ⵙ ⵍⴱⴻⵄⴷ. ⴷⴻⴳ 1971 ⵢⴻⵔⵏⴰ ⵢⴻⵙⵙⴻⴱⴷⴻⴷ-ⴷ ⴰⵙⵓⴷⵓ ⵏ ⵜⵜⴻⴽⵏⵉⵢⵉⵏ ⵏ ⵜⵟⵓⵒⵓⴳⵕⴰⴼⵉⵜ ⴰⵢ ⵢⴻⵇⵇⵍⴻⵏ, ⵙⴰⴽⴽⵉⵏ, ⴷ ⴰⵎⵎⴰⵙ ⵏ ⵜⴻⴽⵏⵓⵙⵙⵏⵉⵡⵉⵏ ⵜⴰⵍⵍⵓⵏⴰⵏⵉⵏ ⵏ ⴰⵔⵣⴻⵡ.
ⵙⵉⵏ-ⴰ ⵏ ⵢⵉⵙⵓⴷⴰ ⴷ ⵉⵎⴻⵣⵡⵓⵔⴰ ⵙⴻⴳ ⵚⵚⴻⵏⴼ-ⵏⵙⴻⵏ ⴰⵎⴰ ⴷⴻⴳ ⵜⴻⴼⵔⵉⵇⵜ, ⴰⵎⴰ ⴷⴻⴳ ⵓⵎⴰⴹⴰⵍ ⴰⵄⵕⴰⴱ.
