ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵍⵉ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵄⴰⵙⵙⴻⵏ ⵜⴰⵎⵏⴰⴹⵜ ⵏ ⵓⴳⴰⴼⴰ ⵏ ⵡⴰⴽⴰⵍ-ⵏⵏⴻⵙ
ⵉƔⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ) – ⵎⴰⵍⵉ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵜⵜ-ⵜⵄⴰⵡⴻⵏ ⴰⴷ ⴷ-ⵜⴻⵔⵔ ⴰⴷⴰⴱⵓ-ⵏⵏⴻⵙ ⵖⴻⵔ ⵓⴳⴰⴼⴰ ⵏ ⵜⵎⵓⵔⵜ, ⴰⵏⴷⴰ ⴰⵢ ⵎⴰⵣⴰⵍ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⵓⵜⴻⵔ ⵍⴻⵎⵄⴰⵡⵏⴰ ⴰⴽⴽⴻⵏ ⴰⴷ ⵜⵃⴰⵕⴻⴱ ⴰⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ. ⵜⴻⵍⵍⴰ-ⴷ ⵜⴻⵖⵔⵉ-ⴰ ⴽⵔⴰ ⵏ ⵡⵓⵙⵙⴰⵏ ⵙⴷⴻⴼⴼⵉⵔ ⵎⴰ ⵉⴼⵓⴽ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ ⴳⴰⵔ ⵓⵏⴰⴱⴰⴹ ⴰⵎⴰⵍⵉ ⴷ ⵜⴻⴳⵔⴰⵡⵉⵏ ⵜⵉⵙⴻⵔⵜⵉⵢⵉⵏ-ⵜⵉⵙⴻⵔⴷⴰⵙⵉⵢⵉⵏ ⵏ ⵓⴳⴰⴼⴰ.
« ⵜⵓⵣⵡⵉⵔⵜ ⵏ ⵜⵓⵣⵡⵉⵔⵉⵏ ⵏⴻⵜⵜⴰⵜ ⴷ ⴰⵄⴰⵡⴻⵏ ⵉ ⵓⵙⵙⴻⴱⴷⴻⴷ ⵏ ⵓⴷⴰⴱⵓ ⵏ ⵓⵡⴰⵏⴰⴽ (ⴰⵎⴰⵍⵉ) ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵢⵉⵔⵉⵔⵉ ⵏ ⵢⵉⵎⴻⵥⵍⴰ ⵉⵏⵎⴻⵜⵜⵉⵢⴻⵏ ⵏ ⵍⵍⵙⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴰⵍⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⵧⵓⵍⴰⵢⴻ ⴷⵉⵧⵒ, ⵙⴷⴰⵜ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵉⵎⵉ ⵍⴻⵡⵚⴰⵢⴰ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ (ⵎⵉⵏⵓⵙⵎⴰ) ⴰⴷ ⵜⵜ-ⵜⴻⵜⵜⵡⴰⵄⴰⵡⴻⴷ ⵉ ⵜⴰⵍⵍⵉⵜ ⵏⵉⴹⴻⵏ, ⵎⴰⵙⵙ ⴷⵉⵧⵒ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰ ⵡⵉⵏ ⵢⵓⴼⴰⵏ ⴰⴷ ⵜⵜⵡⴰⵣⵏⴻⵏ 10.000 ⵏ ⵢⵉⵙⴻⵔⴷⴰⵙⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⵔ ⵎⴰⵍⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⴽⴽⴻⵏ « ⴰⴷ ⵢⴻⴼⴽ ⵜⵜⴻⵙⵔⵉⵃ ⵉ ⵜⵉⴽⴽⴻⵍⵜ ⵏⵉⴹⴻⵏ ⵉ ⵎⵉⵏⵓⵙⵎⴰ ⴰⴽⴽⴻⵏ ⴰⴷ ⵜⵄⴰⵡⴻⵏ ⴰⵏⴰⴱⴰⴹ ⴰⵎⴰⵍⵉ ⴰⴷ ⵢⴻⵙⵙⴻⵔⴽⴻⴷ ⵜⵉⵎⴷⵉⵏⵉⵏ ⵜⵉⴳⴻⵊⴷⴰⵏⵉⵏ, ⵍⴰⴷⵖⴰ ⵜⵉⴷ ⵏ ⵓⴳⴰⴼⴰ ⵏ ⵎⴰⵍⵉ ».
« ⵢⴻⵙⵙⴻⴼⴽ ⴰⴷ ⴷ-ⵏⴳⴻⵔ ⵜⵉⵖⵔⵉ ⵉ ⵎⵓⵏⵓⵙⵎⴰ ⴰⴽⴽⴻⵏ ⴰⴷ ⵜⴻⵙⵙⴻⵎⵖⴻⵔ ⵜⵉⵎⵏⴰⴹⵉⵏ ⴷⴻⴳ ⵜⵅⴻⴷⴷⴻⵎ ⴷⴻⴳ ⵓⴳⴰⴼⴰ ⵏ ⵎⴰⵍⵉ ⵢⴻⵔⵏⴰ ⴰⴷ ⵜⴻⵙⵄⵓ ⵜⵜⴰⵡⵉⵍ ⴰⵢⵢⴻⵙ ⴰⵔⴰ ⵜⴻⵙⵙⴻⴵⵀⴻⴷ ⵍⴻⵛⵖⴰⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⵉⵧⵒ.
« ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵢⴻⵙⵙⴻⴼⴽ ⴰⴷ ⵢⴻⵛⵔⴻⴹ ⴷ ⴰⴽⴽⴻⵏ ⴰⵍⴰ ⴷ ⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⵎⴰⵍⵉⵢⴻⵏ ⴰⵔⴰ ⵢⴻⵙⵄⵓⵏ ⴰⵣⵔⴻⴼ ⴰⴽⴽⴻⵏ ⴰⴷ ⴹⴹⴼⴻⵏ ⵜⵉⵎⴷⵉⵏⵉⵏ ⵏ ⵡⴰⴽⴰⵍ ⴰⵖⴻⵍⵏⴰⵡ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴰⵍⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
ⴰⵏⴻⵖⵍⴰⴼ ⴷⵉⵧⵒ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « ⵢⴻⵙⵙⴻⴼⴽ ⵍⴻⵎⵄⴰⵡⵏⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⴷ-ⵢⴻⴷⴷⵓ ⵢⵉⴷ-ⵙ ⵍⴻⴱⵖⵉ ⵉⴵⴻⵀⴷⴻⵏ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ».
« ⵜⴰⵊⵔⵉⵎⵜ ⵢⵓⴷⴷⵙⴻⵏ, ⵍⴰⴷⵖⴰ ⴰⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ, ⴷ ⵏⴻⵜⵜⴰⵜ ⴰⵢ ⴷ-ⵢⴻⵜⵜⴰⴽⴼⴻⵏ ⵉⴷⵔⵉⵎⴻⵏ ⵉ ⵜⴰⵍⵓⴼⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵎⴰⵙⵙ ⴷⵉⵧⵒ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ ⴷ ⴰⴽⴽⴻⵏ ⴱⴰⵎⴰⵍⵧ ⵜⵄⴻⵡⵡⴻⵍ ⴰⴽⴽⴻⵏ « ⴰⴷ ⵜⴻⵙⵙⴻⴼⵄⴻⵍ ⴰⴽⴽ ⴰⵢⴻⵏ ⴰⵢⵖⴻⴼ ⵜⴻⴼⴽⴰ ⵍⵄⴰⵀⴻⴷ », ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⵓⵜⴻⵔ ⵙⴻⴳ « ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴰⵢ ⵢⴻⵙⵜⴻⵏⵢⴰⵏ (ⴰⵎⵜⴰⵡⴰ) ⴰⴷ ⴱⴻⵄⴷⴻⵏⵜ ⴰⴽⴽⴻⵏ ⵉⴱⴰⵏ ⵖⴻⴼ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴷ ⵜⴻⴳⵔⴰⵡⵉⵏ ⴰⵢ ⵢⴻⵙⵙⴻⵜⵜⴰⵢⴻⵏ ⵜⵉⵀⵢⵓⴼⵉⵏ ».
ⴰⵙⴻⴳⵙⴰⵙ ⵓⵣⵣⵉⴳ ⵏ ⵢⵉⵖⵍⴰⵏⴻ ⵢⴻⴷⴷⵓⴽⴽⵍⴻⵏ ⵉ ⵎⴰⵍⵉ, ⵎⵧⵏⴳⵉ ⵀⴰⵎⴷⵉ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⴷⴻⴼⴼⵉⵔ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ, « ⵢⴻⵙⵙⴻⴼⴽ ⴰⴷ ⴷ-ⵢⴻⴱⴷⵓ ⵓⵎⴰⵀⵉⵍ (ⴰⵅⴻⴷⴷⵉⵎ) ⵏ ⵜⵉⴷⴻⵜ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⵎⴻⵣⴷⴰⵖⴻⵏ ⵏ ⵎⴰⵍⵉ ⴰⴷ ⵥⵔⴻⵏ ⵍⴼⴰⵢⴷⴰ ⵏ ⵜⴰⵍⵡⵉⵜ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔ-ⴷ ⵜⵉⵖⵔⵉ ⵉ ⵜⵙⵓⴷⴰ ⵜⵉⴷⵔⵉⵎⴰⵏⵉⵏ ⵜⵉⴳⵔⴰⵖⵍⴰⵏⵉⵏ « ⴰⴽⴽⴻⵏ ⴰⴷ ⴱⴷⵓⵏⵜ ⵜⵓⴽⵛⵉ ⵏ ⵢⵉⴷⵔⵉⵎⴻⵏ ⵡⴰⵔ ⵍⴻⵄⴹⵉⵍ ⵉ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ ».
« ⴷⴻⴳ ⵜⵉⴷⴻⵜ, ⵉⵎⴻⵣⴷⴰⵖⴻⵏ ⵏ ⵎⴰⵍⵉ, ⵍⴰⴷⵖⴰ ⵡⵉⴷ ⵏ ⵜⴻⵎⵏⴰⴹⵉⵏ ⵏ ⵓⴳⴰⴼⴰ, ⵙⵙⵓⵜⵓⵔⴻⵏ-ⴷ ⴽⴰⵏ ⵢⵉⵡⴻⵜ ⵏ ⵜⵖⴰⵡⵙⴰ: ⵜⴰⵖⴻⵍⵍⵉⵙⵜ ⴷ ⵜⵓⵇⵇⵍⴰ ⵏ ⵢⵉⵎⴻⵥⵍⴰ ⵉⵏⵎⴻⵜⵜⵉⵢⴻⵏ ⵏ ⵍⵍⵙⴰⵙ, ⵍⴰⴷⵖⴰ ⵉⵎⴻⵥⵍⴰ ⵏ ⵜⴷⴰⵡⵙⴰ ⴷ ⵓⵙⵙⴻⴳⵎⵉ ».
