Asebter amenzawi

Takurt n uḍar: Redouane Cherifi d amarir amaynut wis 5 n ES Sṭif deg unebdu-a

LEZZAYER– Amḥaddi n USM Belɛebbas, Redouane Cherifi, d netta ay d amarir amaynu wis 5 ara d-yadfen ɣer ES Sṭif i lmend n tsemhuyt ara d-yetteddun, ɣef wakken ay d-tenna teɣlamt-a i Tnegga n Yisalan n Lezzayer.

Ayeffus-a azelmaḍ (22 n yiseggasen) yella yesɛa leɛqedf ay d-mazal ad ikemmel arma d 2017 ɣer USM Belɛebbas, d acu kan, taɣlamt n Belɛebbas tessuter lexlaṣ akken ad as-tefk tabṛat n uslelli i umarir-a ara yeddun ad yurar ɣer teɣlamt n ES Sṭif s leɛqed n sin n yiseggasen, ɣef wakken ay d-tenna teɣbalut-a.

Uqbel Cherifi, ES Sṭif tessadef-d daɣ Walid Chenine, Adam Tobal, Fares Hachid d Miloud Rebai.

Seg yidis niḍen, alemmas n unrar amenṭag El Hadi Belameiri (umi ara ifak leɛqed deg 2016) yugi ad as-rnun leɛqed niḍen deg teɣlamt-a yerna yessuter ad yeddu ad yurar deg yiwet n teɣlamt n Lekwit.

Seg yidis niḍen, Farid Mellouli, Abdelghani Demou, Mohamed Lagraa d Agabuni Zee Ondo ttaxren akk seg teɣlamt n Sṭif.

ES Sṭif teqqel ɣer usleɣmu ass n 7 Yunyu, yerna attan la tettfaka assewjed n yimariren-nnes akken ad turar mgal USM Lezzayer deg Sḍif ass n ssebt ɣef 10s30 n yiḍ, deg ukatar n wass amezwaru (tagrawt B) n uḥric n tegrawin n Temɣunt n yilɣuɣen n Tefriqt.