ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⵖⵓⵏⵜ 1ⵓⵜ/2015-2016: « ⴽⵔⴰ ⵏ ⵜⴻⵎⵍⵉⵍⵉⵢⵉⵏ ⴷⴻⴳ ⵜⵎⴰⵏⴻⵖⵜ ⴰⴷ ⵜⴻⵏⵜ-ⵉⴷ-ⵙⵇⴻⵔⴱⴻⵏ ⵖⴻⵔ ⵡⴰⵙⵙ ⵏ ⵍⴻⵅⵎⵉⵙ »
ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ, ⵎⴰⵀⴼⵧⵓⴷ ⴽⴻⵔⴱⴰⴷⵊ, ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷ ⴰⴽⴽⴻⵏ ⵜⵉⵎⵍⵉⵍⵉⵢⵉⵏ ⴰⵢ ⵙⵙⴻⴼⵔⴰⵏ ⴰⴷ ⴷ-ⵉⵍⵉⵏⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴷ ⵜⴻⵏⵜ-ⵉⴷ-ⵙⵇⴻⵔⴱⴻⵏ « ⵙ ⵜⵉⵏ ⵏ ⵜⵙⵓⵔⴻⴼⵜ » ⵖⴻⵔ ⵡⴰⵙⵙ ⵏ ⵍⴻⵅⵎⵉⵙ ⵉ ⵍⵎⴻⵏⴷ ⵏ ⵜⵙⴻⵎⵀⵓⵢⵜ ⵏ 2015-2016 ⴰⵔⴰ ⵢⴻⴱⴷⵓⵏ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ ⵏ 14 ⴷ 15 Ɣⵓⵛⵜ.
« ⵏⴻⴼⵔⴰ-ⵜⵜ-ⵉⴷ ⴰⴷ ⴷ-ⵏⴻⵙⵙⴻⵇⵔⴻⴱ ⴽⵔⴰ ⵏ ⵜⴻⵎⵍⵉⵍⵉⵢⵉⵏ ⴰⵢ ⵏⴻⵙⵙⴻⴼⵔⴰ ⴰⴷ ⴷ-ⵉⵍⵉⵏⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⵔ ⵡⴰⵙⵙ ⵏ ⵍⴻⵅⵎⵉⵙ ⴰⴽⴽⴻⵏ ⵓⵔ ⴷ-ⵜⵜⵉⵍⵉⵏⵜ ⴰⵔⴰ ⵓⴳⴰⵔ ⵏ 3 ⵏ ⵜⴻⵎⵍⵉⵍⵉⵢⵉⵏ ⴷⴻⴳ ⵢⵉⵡⴻⵏ ⵏ ⵡⴰⵙⵙ ⴷⴻⴳ ⵜⵎⴰⵏⴻⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴻⵔⴱⴰⴷⵊ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⵜⴰⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ ⵜⴻⴽⵛⴻⴼ-ⴷ ⴰⵙⵙ ⵏ ⵙⵙⴻⴱⵜ 13 ⵢⵓⵏⵢⵓ ⴰⵀⵉⵍ ⵏ ⵜⵙⴻⵎⵀⵓⵢⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵜⴽⵓⵔⵜ ⵏ ⵓⴹⴰⵔ ⵏ ⵜⴻⵎⵖⵓⵏⵜ 1ⵓⵜ, ⵢⴻⵔⵏⴰ ⴰⵙⵙ ⴰⵎⴻⵣⵡⴰⵔⵓ ⵏ ⵜⵙⴻⵎⵀⵓⵢⵜ-ⴰ ⴰⴷ ⴷ-ⵜⵉⵍⵉ ⴷⴻⴳ-ⵙ ⵜⴻⵎⵍⵉⵍⵉⵜ ⴳⴰⵔ ⵙⵏⴰⵜ ⵏ ⵜⴻⵖⵍⴰⵎⵉⵏ ⵜⵉⵎⴻⵇⵔⴰⵏⵉⵏ ⵏ ⵜⵎⴰⵏⴻⵖⵜ, ⵎⵛ ⵍⴻⵣⵣⴰⵢⴻⵔ ⴷ ⵛⵔ ⴱⴻⵍⵧⵓⵉⵣⴷⴰⴷ.
ⵎⴻⵏⵖⵉⵔ ⵜⵉⵎⵍⵉⵍⵉⵜ-ⴰ, ⴰⵙⵙ-ⵏⵏⵉ ⴰⵎⴻⵣⵡⴰⵔⵓ ⴰⴷ ⴷ-ⵉⵍⵉⵏⵜ ⴷⴻⴳ-ⵙ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵏⵉⴹⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ: ⵏⴰ ⵃⵓⵙⵉⵏ ⴷⴰⵢ-ⵓⵙⵎ ⵍⴻⵣⵣⴰⵢⴻⵔ ⴷ ⵓⵙⵎ ⵍⵃⴻⵕⵕⴰⵛ-ⵊⵙ ⵚⴰⵡⵔⴰ.
« ⵢⵉⵡⴻⵏ ⵡⴰⵙⵙ ⵏ ⵜⴻⵍⵖⵓⵖⴰ ⵢⴻⵣⵎⴻⵔ ⴰⴷ ⴷ-ⵉⵃⴰⵣ 3 ⵏ ⵡⵓⵙⵙⴰⵏ ⵏ ⴷⴷⵓⵕⵜ, ⵍⴻⵅⵎⵉⵙ, ⵍⵊⴻⵎⵄⴰ ⴷ ⵙⵙⴻⴱⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴻⵔⴱⴰⴷⵊ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⵎⴰⵛⵉ ⴰⴽⴽ ⵓⵙⵙⴰⵏ ⵏ ⵜⴻⵍⵖⵓⵖⴰ ⴰⴷ ⴷ-ⵃⴰⵣⴻⵏ ⴰⵙⵙ ⵏ ⵍⴻⵅⵎⵉⵙ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵎⵍⵉⵍⵉⵢⵉⵏ ⴳⴰⵔ ⵜⴻⵖⵍⴰⵎⵉⵏ ⵜⵉⵎⴻⵇⵔⴰⵏⵉⵏ ⵏ ⵜⵎⴰⵏⴻⵖⵜ « ⴰⴷ ⵜⴻⵏⵜ-ⵓⵔⴰⵔⴻⵏ ⴷⴻⴳ ⵓⵙⴰⵔⵉⵔ ⵓⵍⵉⵎⵒⵉ ⵏ 5 ⵢⵓⵍⵢⵓ, ⴰⵍⴰ ⵎⴰ ⵢⴻⵍⵍⴰ ⵎⵛ ⵍⴻⵣⵣⴰⵢⴻⵔ ⵓⵔ ⵜⴻⵜⵜⵡⴰⵙⵙⴻⵣⴷⴻⵖ ⴰⵔⴰ ⴷⴻⴳ ⵓⵙⴰⵔⵉⵔ-ⴰ ».
