ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
Times n tẓegwa: 11 n tegrawin i usseɣsi n tmes deg Tizi Wezzu
ⵜⵉⵎⴻⵙ ⵏ ⵜⵥⴻⴳⵡⴰ: 11 ⵏ ⵜⴻⴳⵔⴰⵡⵉⵏ ⵉ ⵓⵙⵙⴻⵖⵙⵉ ⵏ ⵜⵎⴻⵙ ⴷⴻⴳ ⵜⵉⵣⵉ ⵡⴻⵣⵣⵓ
ⵜⵉⵣⵉ ⵡⴻⵣⵣⵓ – 11 ⵏ ⵜⴻⴳⵔⴰⵡⵉⵏ ⵜⵓⵇⵔⵉⴱⵉⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⴷⴻⴳ ⵜⵉⵣⵉ ⵡⴻⵣⵣⵓ ⴰⴽⴽⴻⵏ ⴰⴷ ⵙⵙⴻⵖⵙⴰⵢⴻⵏ ⵜⵉⵎⴻⵙ. ⵜⵉⴳⵔⴰⵡⵉⵏ-ⴰ ⵓⴷⴼⴻⵏⵜ ⴷⴻⴳ ⵓⴽⴰⵜⴰⵔ ⵏ ⵓⵏⴰⴳⵔⴰⵡ ⵏ ⵓⵙⵙⴻⵖⵙⵉ ⵏ ⵜⵎⴻⵙ ⴰⵢ ⴷ-ⵢⴻⴱⴷⴰⵏ ⴷⴻⴳ 1 ⵢⵓⵏⵢⵓ ⵢⴻⵔⵏⴰ ⴰⴷ ⵉⴽⴻⵎⵎⴻⵍ ⴰⵔⵎⴰ ⴷ ⵜⴰⴳⴰⵔⴰ ⵏ ⵛⵜⴻⵎⴱⴻⵕ ⵏ 2015, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⴰⵙⵙ ⵏ ⵜⵜⵍⴰⵜⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵏ ⵓⵃⵔⵉⵛ-ⴰ.
ⵜⵉⴳⵔⴰⵡⵉⵏ-ⴰ ⵙⵄⴰⵏⵜ ⵉⴽⴰⵎⵢⵓⵏⴻⵏ ⵏ ⵓⵙⵙⴻⵖⵙⵉ ⵏ ⵜⵎⴻⵙ ⵙ ⵜⵏⵓⵟⴼⵉ, ⵢⴻⵔⵏⴰ ⵛⵛⵖⴻⵍ-ⵏⵙⴻⵏⵜ ⴷ ⴰⵙⵙⴻⵖⵙⵉ ⵏ ⵜⵎⴻⵙ ⴷⴻⴳ ⵡⴰⴽⴽ ⵜⵉⵎⵏⴰîⵏ ⵏ ⵜⵡⵉⵍⴰⵢⵜ. ⵎⴰ ⵜⴻⵔⵔⴰ ⵜⵎⴰⵔⴰ, ⵣⴻⵎⵔⴻⵏⵜ ⴰⴷ ⴷ-ⵜⵜⵡⴰⵄⴰⵡⵏⴻⵏⵜ ⵜⴻⴳⵔⴰⵡⵉⵏ-ⴰ ⵙ ⵜⴻⴳⵔⴰⵡⵉⵏ ⵜⵉⵣⵉⵔⴰⵣⵉⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴰⵢ ⵢⴻⵙⵄⴰⵏ ⵓⴳⴰⵔ ⵏ ⵜⵜⴰⵡⵉⵍ ⴰⵎ ⵢⵉⴽⴰⵎⵢⵓⵏⴻⵏ ⵏ ⵓⵙⵙⴻⵖⵙⵉ ⵏ ⵜⵎⴻⵙ ⴷ ⵜⵎⴻⵏⴹⴰⵢⵉⵏ (ⵜⵉⴽⴻⵕⵕⵓⵙⵉⵏ ⵏ ⵓⵙⵙⵉⵡⴻⴹ ⵏ ⵢⵉⵎⵓⴹⵉⵏⴻⵏ), ⴳⴰⵔ ⵜⵜⴰⵡⵉⵍⴰⵜ ⵏⵉⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵇⴻⴱⵟⴰⵏ ⵏⴰⴱⵉⵍ ⵛⵀⴰⵧⵓⵛⵀⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⴰⵇⴻⴱⵟⴰⵏ ⵛⵀⴰⵧⵓⵛⵀⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵎⴻⴳⴳⵉⵢⴻⵏ ⵏ ⵓⵃⵔⴰⵣ ⵏ ⵜⵥⴻⴳⵡⴰ ⴷⴻⴳ ⵜⵡⵉⵍⴰⵢⵜ-ⴰ, ⴷ ⵢⵉⵙⴻⵇⵇⵓⵎⴰ ⵏ ⵜⵓⴷⴷⴰⵔ ⴷ ⵜⵎⴻⵣⴷⴰ ⵜⵉⴷⵉⴳⴰⵏⵉⵏ, ⵜⵜⴻⴽⴽⴰⵢⴻⵏⵜ ⵓⵍⴰ ⴷ ⵏⵉⵜⴻⵏⵜⵉ ⴷⴻⴳ ⵓⵙⵙⴻⵖⵙⵉ ⵏ ⵜⵎⴻⵙ, ⴷ ⴰⵛⵓ ⴽⴰⵏ, ⵢⴻⵍⵍⴰ-ⴷ ⴷⴰⵖ ⵓⵙⵏⴻⵔⵏⵉ ⴷⴻⴳ ⵢⵉⵖⴰⵡⴰⵙⴻⵏ ⵏ ⵓⵃⴻⵣⵣⴻⴱ ⴷ ⵜⴳⴻⵔⵎⴰⵏⵜ ⵏ ⵓⵃⵓⴷⴷⵓ ⴰⵖⴰⵔⵉⵎ ⵉ ⵍⵎⴻⵏⴷ ⵏ ⵓⵙⵙⴻⵖⵙⵉ ⵏ ⵜⵎⴻⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵙⴱⴻⴷⴷⴻⵏ ⵉⵙⴻⵇⵇⵓⵎⴰ ⵏ ⵜⵖⵉⵡⴰⵏⵉⵏ ⴷ ⵜⴷⴰⵢⵕⵉⵡⵉⵏ, ⴷ ⵢⵉⴳⴻⵏⵙⴰⵙⴻⵏ ⵏ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⴷ-ⴳⴻⵏ ⵜⴰⴳⵔⴰⵡⵜ ⵏ ⵜⵡⵉⵍⴰⵢⵜ ⴰⵔⴰ ⴷ-ⵢⴻⵍⵀⵓⵏ ⵙ ⵓⴹⴼⴰⵔ ⴷ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ-ⴰ ⵙ ⵜⴻⵖⵣⴻⴼ ⵏ ⵜⴰⵍⵍⵉⵜ ⵏ ⵓⵏⴻⴱⴷⵓ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵜⵜⵡⴰⵀⴻⵢⵢⴰ-ⴷ ⴷⴰⵖ ⵓⵏⴰⴳⵔⴰⵡ ⵏ ⵓⵃⴻⵣⵣⴻⴱ ⵉ ⵜⵎⴻⵙ ⴰⵢ ⵉⵣⴻⵎⵔⴻⵏ ⴰⴷ ⵜⵃⴰⵣ ⵍⵖⴻⵍⵍⴰⵜ ⵏ ⵜⴼⴻⵍⵍⴰⵃⵜ ⴷⴻⴳ ⵜⴰⵍⵍⵉⵜ-ⴰ ⵏ ⵜⵎⴻⴳⵔⴰ ⴷ ⵓⵙⵙⴻⵔⵡⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⴷⴻⴳ ⵓⵏⴰⴳⵔⴰⵡ-ⴰ, ⵙⵡⴻⵊⴷⴻⵏ-ⴷ ⵜⵉⵏⵓⵟⴼⵉⵡⵉⵏ ⵏ ⵡⴰⵎⴰⵏ, ⵢⴻⵔⵏⴰ ⵀⴻⵢⵢⴰⵏ-ⴷ ⴷⴰⵖ ⵉⴳⵏⵉⵔⴻⵏ ⵙ ⵜⴻⵀⵔⵉ ⵏ 3 ⵖⴻⵔ 4 ⵏ ⵢⵉⵎⵉⵜⵔⴻⵏ ⴰⴽⴽⴻⵏ ⴰⴷ ⵃⴻⴱⵙⴻⵏ ⴰⵣⵔⴰⵄ ⵏ ⵜⵎⴻⵙ. ⵉⵃⴻⵣⵣⵉⴱⴻⵏ-ⴰ ⵜⵜⵡⴰⴷⴷⵎⴻⵏ ⵙ ⵓⵎⵄⴰⵡⴻⵏ ⴷ ⵜⴷⵓⴽⵍⵉ ⵜⴰⴷⵉⴳⴰⵏⵜ ⵏ ⵢⵉⴼⴻⵍⵍⴰⵃⴻⵏ ⵉⴷⵣⴰⵢⵔⵉⵢⴻⵏ, ⵜⴰⵅⵅⴰⵎⵜ ⵏ ⵜⴼⴻⵍⵍⴰⵃⵜ ⵏ ⵜⵉⵣⵉ ⵡⴻⵣⵣⵓ ⴷ ⵢⵉⴳⴻⵏⵙⴰⵙⴻⵏ ⵏ ⵓⵃⵔⵉⵛ ⵏ ⵜⴼⴻⵍⵍⴰⵃⵜ ⵏ ⵢⵉⵔⴷⴻⵏ ⴷ ⵜⴻⵎⵥⵉⵏ.
ⵜⵉⵎⴻⵙ ⵏ ⵜⵥⴻⴳⵡⴰ ⵜⴻⵍⵍⴰ-ⴷ ⵢⴰⵍ ⴰⵙⴻⴳⴳⴰⵙ ⴷ ⴰⵎⵉⵀⵉ ⵖⴻⴼ ⵡⴰⵟⴰⵙ ⵏ ⵜⵓⴷⴷⴰⵔ ⴰⵢ ⵉⵇⴻⵔⴱⴻⵏ ⵖⴻⵔ ⵜⵥⴻⴳⵡⴰ-ⴰ ⵢⴻⵔⵏⴰ ⵢⴻⵡⵄⴻⵕ ⵡⴰⵡⵡⴰⴹ ⵖⴻⵔ-ⵙⴻⵏⵜ, ⵉⵎⵉ ⵜⵉⵣⵉ ⵡⴻⵣⵣⵓ ⵜⴻⵣⴳⴰ-ⴷ ⴷⴻⴳ ⵜⴻⵎⵏⴰⴹⵜ ⵏ ⵢⵉⴷⵔⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.
Ɣⴻⴼ ⵍⴻⵃⵙⴰⴱ ⵏ ⵓⵖⴻⵍⵍⴰ ⵏ ⵓⵎⴻⵥⵍⵓ ⵏ ⵓⵃⴻⵣⵣⴻⴱ ⴷⴻⴳ ⵓⵃⵔⴰⵣ ⵏ ⵜⵥⴻⴳⵡⴰ ⵏ ⵜⵡⵉⵍⴰⵢⵜ, ⵎⵧⵀⴰⵎⴻⴷ ⵙⴽⴰⵏⴷⵔⴰⵧⵓⵉ, 2.886 ⵏ ⵢⵉⵇⴻⵟⵟⴰⵔⴻⵏ ⴰⵢ ⵜⴻⵙⵙⴻⵔⵖ ⵜⵎⴻⵙ ⴷⴻⴳ ⵜⵉⵣⵉ ⵡⴻⵣⵣⵓ ⴳⴰⵔ ⵡⴰⵢⵢⵓⵔⴻⵏ ⵏ Ɣⵓⵛⵜ ⴷ ⵛⵜⴻⵎⴱⴻⵕ 2014, ⵢⴻⵔⵏⴰ ⵍⵍⴰⵏⵜ-ⴷ, ⴷⴻⴳ ⵜⴰⵍⵍⵉⵜ-ⵏⵏⵉ 383 ⵏ ⵜⵎⴻⵙⵙⵉⵡⵉⵏ ⴷⴻⴳ ⵜⵥⴻⴳⵡⴰ. ⵜⵉⵎⴻⵙⵙⵉⵡⵉⵏ-ⴰ ⴳⵍⴰⵏⵜ-ⴷ ⵙ ⵍⴻⵅⵚⴰⵔⴰ ⵏ ⵡⵓⴳⴰⵔ ⵏ 465 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.
ⵜⵉⵎⴻⵙⵙⵉⵡⵉⵏ-ⴰ ⵃⵓⵣⴰⵏⵜ-ⴷ ⴰⴽⴽ ⵍⴻⵚⵏⴰⴼ ⵏ ⵜⵥⴻⴳⵡⴰ ⵏ ⵜⵡⵉⵍⴰⵢⵜ-ⴰ, ⵢⴻⵔⵏⴰ ⵙⵡⴰⵖⴻⵏⵜ ⵍⴻⵚⵏⴰⴼ ⵏ ⵢⵉⵖⴻⵔⵙⵉⵡⴻⵏ ⴷ ⵢⵉⵎⵖⴰⵏ ⴰⵢ ⵢⴻⵍⵍⴰⵏ ⴷⴻⴳ-ⵙⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.
