Asebter amenzawi

PEV : amciweṛ ilaq ad yili ɣef wayen icaɣben timura taɛṛabin

BEYRUT – Aneɣlaf n ddewla, aneɣlaf n tɣawsiwin n wezɣaṛ d wemɛiwen agraɣlan, Ramtane Lamamra, yenna ass n ttlata di Beyrouth d akken akaram aneggaru ara d-yeffɣen seg wemciweṛ-agi ɣef tsertit turubit n temɛacert (PEV) ilaq ad yili d asuddem n lebɣi n tmura taɛṛabin yebɣan ad ilint d tigejda n lebni n wuddus ageraɣlan.

" nessaram d akken akaram n taggara ara d-yuddamen seg wemciweṛ-agi ɣef tsertit turubit n temɛacert ad d-ibeggen lebɣi-nneɣ i wemɛiwen akk d lebɣi n tmura taɛṛabin yellan deg yidis n wenẓul n yil agerakal akken ad ilint d tigejda deg usurrif n lebni n wddus ageraɣlan n uzekka", id-iwekked Mas Lamamra deg yiwet n teɣṛi i twakkla isallen n Lezzayer ɣer yidis n temlilit-agi.

Yessefhem-d belli tirza-s ɣer Lubnan deg-s aṭas n leqdic, atekki deg usarag yerzan amciweṛ ɣef tsertit turubit n temɛacert akk d yidis yerzan lemxaltat ger Lezzayer d Lubnan deg uḥric unegmu.

Aneɣlaf n ddewla yessefhem-d belli azarag ɣef wemciweṛ yerzan tasertit turubit n temɛacert tella-d " d tizi tissnat n temlilit d-yellan di yebrir yezrin di Barcelone (Ṣbenyul) anda id-beggnent tmura taɛṛabin iwellihen-nsen yerzan tamsalt-agi".