ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

4 ⵏ ⵢⵉⵖⵍⵉⴼⴻⵏ ⴰⵢ ⵢⴻⵜⵜⵡⴰⵡⴻⵚⵚⴰⵏ ⴰⴷ ⵙⴽⴻⵛⵎⴻⵏ ⵉⴷⵉⵒⵍⵓⵎⴻⵏ ⵏ ⵡⵉⴷ ⵢⴻⵖⵔⴰⵏ ⵜⴰⵎⴰⵣⵉⵖⵜ ⴰⴽⴽⴻⵏ ⴰⴷ ⵜⵜⵡⴰⵙⵅⴻⴷⵎⴻⵏ

ⵍⴻⵣⵣⴰⵢⴻⵔ – ⴽⵓⵥ (4) ⵏ ⵢⵉⵖⵍⵉⴼⴻⵏ ⴰⵢ ⵜⵡⴻⵚⵚⴰ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵡⵓⵔⵉ ⵜⴰⵏⴰⴳⴷⵓⴷⵜ ⴷ ⵜⵙⴻⵎⵎⴻⵙⴽⴻⵍⵜ ⵏ ⵜⴻⴷⴱⴻⵍⵜ ⴰⴽⴽⴻⵏ ⴰⴷ ⵙⴽⴻⵛⵎⴻⵏ ⵉⴳⴻⵔⴷⴰⵙⴻⵏ ⵏ ⵡⵉⴷ ⴰⵢ ⵢⴻⵖⵔⴰⵏ ⵜⴰⵎⴰⵣⵉⵖⵜ ⴷⴻⴳ ⵜⴻⵙⴷⴰⵡⵉⵜ (ⵜⵓⵔⴰⴳⵜ, ⴰⵎⴰⵙⵜⴻⵔ ⴷ ⵓⵎⴰⵊⵉⵙⵜⵉⵔ) ⴳⴰⵔ ⵢⵉⵅⴻⴷⴷⴰⵎⴻⵏ ⴰⵢ ⵣⴻⵎⵔⴻⵏ ⴰⴷ ⵜⵜⵡⴰⵙⵅⴻⴷⵎⴻⵏ ⴷⴻⴳ ⵜⴼⴻⴽⴽⴰ ⴷ ⵓⴳⵕⴰⴷ ⵏ ⵢⵉⵏⴰⵡⵓⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

« ⵙ ⵢⵉⴼⵓⴽⴰⵍ ⴰⵢ ⴷ-ⵢⴻⴼⴽⴰ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴷ ⵍⴻⵡⵚⴰⵢⴰⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵢ ⵉⵄⴰⵡⴷⴻⵏ ⵉⵡⴻⴽⴽⴻⴷ-ⴷ ⵍⴻⴱⵖⵉ ⵏ ⵓⵡⴰⵏⴰⴽ (ⴷⴷⵓⵍⴰ) ⴰⴽⴽⴻⵏ ⴰⴷ ⴷ-ⵢⴻⵙⵙⴻⵡⵊⴻⴷ ⵜⵜⴰⵡⵉⵍⴰⵜ ⵉ ⵓⵙⵎⴰⵍ ⵏ ⵜⵎⴰⵣⵉⵖⵜ, ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵡⵓⵔⵉ ⵜⴰⵏⴰⴳⴷⵓⴷⵜ ⴷ ⵜⵙⴻⵎⵎⴻⵙⴽⴻⵍⵜ ⵏ ⵜⴻⴷⴱⴻⵍⵜ ⵜⴻⵙⵙⵓⴼⴼⴻⵖ-ⴷ ⵢⵉⵡⴻⵜ ⵍⴻⵡⵚⴰⵢⴰ ⵜⵉⵙ 60 ⴰⵙⵙ ⵏ 21 ⵢⵓⵏⵢⵓ 2015 ⵉ ⵡⴰⴽⴽ ⵉⵎⴹⴻⴱⴱⵔⴻⵏ ⵏ ⵜⴻⵖⴱⵓⵍⴰ ⵜⴰⵍⵙⴰⵏⵉⵏ ⵏ 4 ⵏ ⵢⵉⵖⵍⵉⴼⴻⵏ ⴰⴽⴽⴻⵏ ⴰⴷ ⵙⴽⴻⵛⵎⴻⵏ ⵉⴳⴻⵔⴷⴰⵙⴻⵏ (ⵉⴷⵉⵒⵍⵓⵎⴻⵏ) ⵏ ⵜⵓⵔⴰⴳⵜ, ⴰⵎⴰⵙⵜⴻⵔ ⴷ ⵓⵎⴰⵊⵉⵙⵜⵉⵔ ⵏ ⵜⵎⴰⵣⵉⵖⵜ ⴰⵢ ⴷ-ⵜⵜⴰⴽⴼⴻⵏ ⵢⵉⴳⴻⵣⴷⴰ ⵏ ⵜⵓⵜⵍⴰⵢⵜ ⴷ ⵢⵉⴷⵍⴻⵙ ⴰⵎⴰⵣⵉⵖ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⵎⴰⵡⵍⴰⵏ ⵏ ⵢⵉⴳⴻⵔⴷⴰⵙⴻⵏ-ⴰ ⴰⴷ ⵜⵜⵡⴰⵙⵅⴻⴷⵎⴻⵏ ⴷⴻⴳ ⵜⴼⴻⴽⴽⴰ ⴷ ⵓⴳⵕⴰⴷ ⵏ ⵢⵉⵏⴰⵡⵓⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴳⴻⵔⴷⴰⵙ ⵏ ⵜⵓⵔⴰⴳⵜ ⵏ ⵜⵎⴰⵣⵉⵖⵜ, ⵉⵖⵍⵉⴼⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏⵉⵜⵏⵉ ⴷ ⴰⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴰⵖⵍⵉⴼ ⵏ ⵓⵍⵎⵉⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⴰⵖⵍⵉⴼ ⵏ ⵢⵉⴷⵍⴻⵙ ⴷ ⵡⵉⵏ ⵜⵎⴻⵣⴷⴰⵢⵉⵏ ⵜⴰⴽⴰⵍⴰⵏⵉⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴳⴻⵔⴷⴰⵙ ⵏ ⵓⵎⴰⵙⵜⴻⵔ ⵏ ⵜⵎⴰⵣⵉⵖⵜ, ⵉⵖⵍⵉⴼⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷ ⵡⵉⵏ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴷ ⵡⵉⵏ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ.

ⵎⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴳⴻⵔⴷⴰⵙ ⵏ ⵓⵎⴰⵊⵉⵙⵜⵉⵔ ⵏ ⵜⵎⴰⵣⵉⵖⵜ, ⵉⵖⵍⵉⴼⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷ ⵡⵉⴷ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵡⵉⵏ ⵏ ⵢⵉⴷⵍⴻⵙ ⴷ ⵡⵉⵏ ⵏ ⵜⵎⴻⵣⴷⴰⵢⵉⵏ ⵜⴰⴽⴰⵍⴰⵏⵉⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.