ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴻⵎⵎⵓⵙ ⵉⵙⴻⵏⵜⴰⵍ ⵉⵖⴻⴼ ⴰⵔⴰ ⴷ-ⵜⴰⵡⵉ ⵜⴻⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵖⴻⴼ ⵡⴰⵢⴻⵏ ⵜⵓⵔⴰ ⴰⵙⵙⵉⴰ ⴷⵊⴻⴱⴰⵔ

ⵡⴻⵀⵕⴰⵏ - ⵙⴻⵎⵎⵓⵙ ⵉⵙⴻⵏⵜⴰⵍ ⵉ ⵅⵜⴰⵔⴻⵏ ⵢⵉⵎⵙⵓⴷⴷⵙⴻⵏ ⵏ ⵜⴻⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵉ ⴷ-ⵉⵜⴻⴷⴷⵓⵏ ⵖⴻⴼ ⵜⵓⴷⴻⵔⵜ ⴷ ⵜⵚⴻⴽⴽⴰ ⵏ ⵜⵎⴰⵔⵓⵜ ⵜⴰⵣⵣⴰⵢⵔⵉⵜ ⴰⵙⵙⵉⴰ ⴷⵊⴻⴱⴰⵔ (1936-2015), ⴰⴷ ⵢⴻⴹⵔⵓ ⵡⴰⵢⴰ ⴷⴻⴳ ⵓⵙⴻⴳⴳⴰⵙ 2016 ⴷⴻⴳ ⵡⴻⵀⵕⴰⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⵓⵎⴰⵙⴰⵢ ⵏ ⵜⴻⴷⵢⴰⵏⵜ, ⵎⵧⵀⴰⵎⴻⴷ ⴷⴰⵧⵓⴷ.

ⴰⴷ ⵜⵉⵍⵉ ⵜⴻⵎⵍⵉⵍⵉⵜ ⴰⵙⵙ ⵏ 12 ⴰⵔ 13 ⵢⴻⴱⵔⵉⵔ 2016 ⵖⴻⴼ ⵙⴻⵎⵎⵓⵙ ⵉⴳⴻⵍⵍⵓⵙⴻⵏ ⵏ ⵓⵙⵏⴻⵣⴳⵉⵎ ⵉ ⵓⵎⵉ ⵙⴻⵎⵎⴰⵏ ‘’ⵜⴰⵙⵉⵡⴻⵍⵜ ⴷ ⵓⴼⴻⵔⵔⵉⵖ’’, ‘’ⴰⵎⴻⵣⵔⵓⵢ ⴷ ⵜⵎⴻⴷⴷⵓⵔⵜ’’, ‘’ⵜⵓⵜⵍⴰⵢⵜ, ⵡⵉⵢⴰⴹ ⴷ ⵜⵎⵓⵖⵍⵉ ⵜⴰⵙⵓⴳⵏⴰⵏⵜ‘’, ‘’ⵉⵎⵍⴻⵇⵇⴻⵎ ⴷ ⵓⵎⵢⴻⴹⵔⴻⵙ’’, ⴷ ’’ⵜⴰⵙⴻⴽⵍⴰ ⴷ ⵜⵥⵓⵔⵢⵉⵏ (ⵙⵙⵉⵏⵉⵎⴰ, ⴰⵥⴰⵡⴰⵏ, ⵜⴰⴽⵍⵓⵜ)’’, ⵉ ⴷ-ⵢⴻⵏⵏⴰ ⵎⴰⵙⵙ ⴷⴰⵧⵓⴷ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵙⴻⴳ ⵉⵛⴰⵔ ⵜⵉⵖⵔⵉ ⵉ ⵜⵉⴽⴽⵉⵏ ⵢⴻⵍⴷⵉⵏ ⴰⵍⴰⵎⵎⴰ ⴷ 15 ⴷⵓⴵⴰⵎⴱⴻⵔ ⵉ ⴷ-ⵉⵜⴻⴷⴷⵓⵏ.

‘’ⴰⵙⵙⵉⴰ ⴷⵊⴻⴱⴰⵔ : ⵜⴰⵎⴻⵟⵟⵓⵜ, ⵜⴰⵚⴻⴽⴽⴰ’’, ⴷ ⴰⵙⴻⵏⵜⴻⵍ ⴰⵔⴰ ⵢⵉⵍⵉⵏ ⴷ ⴰⵎⴰⵜⵓ ⵏ ⵜⴻⵎⵍⵉⵍⵉⵜ ⵉ ⴷ-ⵉⵜⴻⴷⴷⵓⵏ ⵉ ⴷ-ⵢⴻⵙⵙⴰⵀⴻⵍ ⵓⴼⴻⵔⴷⵉⵙ ⵏ ⵓⵏⴰⴷⵉ ⵖⴻⴼ ⵢⵉⴷⵍⴻⵙ, ⵜⴰⵖⵡⴰⵍⵜ, ⵜⴰⵙⴻⴽⵍⴰ, ⵜⵓⵜⵍⴰⵢⵉⵏ ⴷ ⵜⵥⵓⵔⵢⵉⵏ (ⵓⵛⵛⵍⵍⴰ), ⵢⴻⵍⵍⴰⵏ ⴷⴻⴳ ⵡⴻⵀⵕⴰⵏ.

‘’ⵜⵉⵎⵍⵉⵍⵉⵜ-ⴰ ⴰⴷ ⴰⵖ-ⵜⴻⵙⵙⵉⵡⴻⴹ ⵖⴻⵔ ⵜⵎⵓⵖⵍⵉ ⵜⴰⵎⴰⵢⵏⵓⵜ ⵖⴻⴼ ⵜⵚⴻⴽⴽⴰ ⵏ ⴰⵙⵙⵉⴰ ⴷⵊⴻⴱⴰⵔ, ⴰⴷ ⴰⵙ-ⵏⴻⴽⴽ ⵙⴻⴳⵢⵉⴱⴻⵔⴷⴰⵏ ⵢⴻⵎⴳⴰⵔⴷⴻⵏ ⵏ ⵜⵎⵓⵙⵙⵏⵉⵡⵉⵏ’’, ⵉ ⴷ-ⵢⴻⵏⵏⴰ ⵎⴰⵙⵙ ⴷⴰⵧⵓⴷ, ⴷ ⴰⵏⴻⵎⵀⴰⵍ ⴷⴰⵖⴻⵏ ⵏ ⵓⵛⵛⵍⵍⴰ, ⴷ ⴰⵖⵙⵓⵔ ⵉⵛⵓⴷⴷⴻⵏ ⵙ ⴰⵍⴻⵎⵎⴰⵙ ⴰⵖⴻⵍⵏⴰⵡ ⵏ ⵜⴻⴳⵎⵉ ⵜⵓⵙⵙⵏⴰⵏⵜ ⴷⴻⴳ ⵜⴻⵙⵏⴻⵎⴷⴰⵏⵜ ⵏ ⵜⵎⴻⵜⵜⵉ ⴷ ⵢⵉⴷⵍⴻⵙ (ⵛⵔⴰⵙⵛ) ⵉ ⵢⴻⵍⵍⴰⵏ ⴷⴻⴳ ⵡⴻⵀⵕⴰⵏ.