ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ: ⵎⵛ ⵡⴻⵀⵕⴰⵏ ⴷ ⵜⴰⵏⴻⴳⴳⴰⵔⵓⵜ ⴰⵔⴰ ⵢⴻⵇⵇⵍⴻⵏ ⵖⴻⵔ ⵓⵙⵍⴻⵖⵎⵓ
ⵍⴻⵣⵣⴰⵢⴻⵔ– ⵎⵛ ⵡⴻⵀⵕⴰⵏ, ⴰⵢ ⴷ-ⵢⴻⵣⴳⴰⵏ ⴷ ⵜⵉⵙ 3 ⴷⴻⴳ ⵜⴻⵍⵖⵓⵖⴰ ⵏ ⵜⴻⵎⵖⵓⵜ 1ⵓⵜ ⵜⴽⵓⵔⵜ ⵏ ⵓⴹⴰⵔ, ⴷ ⵏⴻⵜⵜⴰⵜ ⴰⵢ ⴷ ⵜⴰⵖⵍⴰⵎⵜ ⵜⴰⵏⴻⴳⴳⴰⵔⵓⵜ ⴰⵔⴰ ⵢⴻⵇⵇⵍⴻⵏ ⵖⴻⵔ ⵓⵙⵍⴻⵖⵎⵓ ⵉ ⵍⵎⴻⵏⴷ ⵏ ⵜⵙⴻⵎⵀⵓⵢⵜ ⴰⵢ ⴷ-ⵢⴻⵜⵜⴻⴷⴷⵓⵏ. ⴰⵙⵍⴻⵖⵎⴰⵢ-ⵏⵏⴻⵙ, ⵊⴻⴰⵏ-ⵎⵉⵛⵀⴻⵍ ⵛⴰⵠⴰⵍⵍⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵓⵇⵇⵍⴰ ⵏ ⵜⴻⵖⵍⴰⵎⵜ-ⴰ ⵖⴻⵔ ⵓⵙⵍⴻⵖⵎⵓ ⴰⴷ ⴷ-ⵜⵉⵍⵉ ⴰⵙⵙ ⵏ 13 ⵢⵓⵍⵢⵓ ⴰⵢ ⴷ-ⵢⴻⵜⵜⴻⴷⵓⵏ.
« ⵙⵙⴻⴼⵔⴰⵖ ⵢⴰⴳⵉ ⴰⴷ ⴷ-ⵜⵉⵍⵉ ⵜⵓⵇⵇⵍⴰ ⵖⴻⵔ ⵓⵙⵍⴻⵖⵎⵓ ⴷⴻⴳ 13 ⵢⵓⵍⵢⵓ ⵢⴻⵔⵏⴰ ⵓⵔ ⵜⵜⴱⴻⴷⴷⵉⵍⴻⵖ ⴰⵔⴰ ⴰⵢⴻⵏ ⴰⵢⵖⴻⴼ ⴰⵢ ⵜⵜ-ⵉⴷ-ⵏⴻⴼⵔⴰ ⴷ ⵢⵉⵎⴹⴻⴱⴱⵔⴻⵏ ⵏ ⵜⴻⵖⵍⴰⵎⵜ ⴷⴻⴳ ⵜⴳⴰⵔⴰ ⵏ ⵜⵙⴻⵎⵀⵓⵢⵜ ⵢⴻⵣⵔⵉⵏ. ⵙⵄⵉⵖ 60 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⴰ ⵓⵔⴰⵔⴻⵖ ⵓⴳⴰⵔ ⵏ 500 ⵏ ⵜⴻⵎⵍⵉⵍⵉⵢⵉⵏ ⵜⵉⵎⵙⴰⴷⵓⵔⵉⵏ. ⵏⵏⵉⴳ ⵡⴰⵢⴰ, ⵅⴻⴷⵎⴻⵖ ⴷⴻⴳ ⵡⴰⵟⴰⵙ ⵏ ⵜⵎⵓⵔⴰ ⵜⵉⵏⵙⴻⵍⵎⵉⵏ ⵢⴻⵔⵏⴰ ⵙⵙⵏⴻⵖ ⵎⵍⵉⵃ ⵓⴳⵓⵔⴻⵏ ⵉⵣⴻⵎⵔⴻⵏ ⴰⴷ ⴷ-ⵉⵍⵉⵏ ⵍⴻⵎⵎⴻⵔ ⴰⴷ ⵢⴻⴱⴷⵓ ⵓⵙⵙⴻⵡⵊⴻⴷ ⴷⴻⴳ ⵜⵍⴻⵎⵎⴰⵙⵜ ⵏ ⵔⴻⵎⴹⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⵍⴻⵖⵎⴰⵢ ⴰⴼⵕⴻⵏⵙⵉⵙ ⴷⴻⴳ ⵢⵉⵡⴻⵏ ⵏ ⵓⴷⴻⴳ ⵉⵇⴻⵔⴱⴻⵏ ⵖⴻⵔ ⵜⴻⵖⵍⴰⵎⵜ-ⴰ, « ⵎⵧⵓⵍⵧⵓⴷⵉⴰ.ⵛⵧⵎ ».
« ⵥⵔⵉⵖ ⴷⴰⴽⴽⴻⵏ ⴽⵔⴰ ⵏ ⵢⵉⵎⴰⵏⴰⵢⴻⵏ ⵢⴻⵙⵙⵏⴻⵏ ⵜⵜⵡⴰⵍⵉⵏ ⴷⴰⴽⴽⴻⵏ ⵏⵄⴻⴹⴹⴻⵍ ⵖⴻⴼ ⵍⴻⵃⵙⴰⴱ ⵏ ⵜⴻⵖⵍⴰⵎⵉⵏ ⵏⵉⴹⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵇⵇⵍⴰ ⵖⴻⵔ ⵜⴻⵍⵖⵓⵖⴰ. ⴷ ⴰⵛⵓ ⴽⴰⵏ, ⴱⵖⵉⵖ ⴰⴷ ⴰⵙⴻⵏ-ⵉⵏⵉⵖ ⴷⴰⴽⴽⴻⵏ ⵛⴰⵠⴰⵍⵍⵉ ⵢⴻⵙⵙⴻⵏ ⵚⵚⴻⵏⵄⴰ-ⵏⵏⴻⵙ ⵢⴻⵔⵏⴰ ⵢⴻⵜⵜⴻⴽⵜⵉⵍⵉ ⵓⴳⵓⵔⴻⵏ ⴷ ⵢⵉⴽⵎⴰⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⵃⴰⵣⴻⵏ ⵉⵎⴰⵔⵉⵔⴻⵏ ⵎⵉ ⴰⵔⴰ ⴷ-ⵢⴻⴱⴷⵓ ⵓⵙⵙⴻⵡⵊⴻⴷ ⴷⴻⴳ ⵜⵍⴻⵎⵎⴰⵙⵜ ⵏ ⵡⴰⵢⵢⵓⵔ ⵏ ⵔⴻⵎⴹⴰⵏ ⵢⴻⵔⵏⴰ ⴷⴻⴳ ⵓⵏⴻⴱⴷⵓ. ⵓⵔ ⴱⵖⵉⵖ ⴰⵔⴰ ⴰⴽⴽ ⴰⴷ ⴷ-ⴰⴼⴻⵖ ⵉⵎⴰⵏ-ⵉⵏⵓ ⵙ ⵢⵉⵎⴰⵔⵉⵔⴻⵏ ⵉⵊⴻⵔⵃⴻⵏ ⴷⴻⴳ ⵜⵍⴻⵎⵎⴰⵙⵜ ⵏ ⵛⵜⴻⵎⴱⴻⵕ ⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵍⵃⴰⵍ ⴰⵙⵎⵉ ⴰⵢ ⴷ-ⵓⵡⴹⴻⵖ ⵖⴻⵔ ⵜⴻⵖⵍⴰⵎⵜ-ⴰ ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ.
ⴷ ⴰⵛⵓ ⴽⴰⵏ, ⵛⴰⵠⴰⵍⵍⵉ ⵢⴻⴼⵔⴻⵇ-ⴰⵙⴻⵏ ⵉ ⵢⵉⵎⴰⵔⵉⵔⴻⵏ-ⵏⵏⴻⵙ ⴰⵀⵉⵍ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⴰⵔⴰ ⵢⴻⴹⴼⴻⵔ ⵢⴰⵍ ⵢⵉⵡⴻⵏ ⵙⴻⴳ-ⵙⴻⵏ ⵙⴻⴳ ⵡⴰⵙⵙ ⵏ ⵍⴻⵅⵎⵉⵙ ⴷ ⴰⵙⴰⵡⴻⵏ.
« ⴷ ⴰⵛⵓ ⴽⴰⵏ, ⴱⵖⵉⵖ ⴰⴷ ⴷ-ⵅⴻⴱⴱⵔⴻⵖ ⴷⴰⴽⴽⴻⵏ ⵙⵡⴻⵊⴷⴻⵖ-ⴷ ⴰⵀⵉⵍ ⵏ ⵓⵎⴰⵀⵉⵍ ⴷ ⵉⵎⴷⴻⵇⵇⴻⵇ ⵉ ⵢⴰⵍ ⴰⵎⴰⵔⵉⵔ ⵢⴻⵔⵏⴰ ⵉⵏⴻⴳⴳⵓⵔⴰ-ⴰ ⵢⴻⵙⵙⴻⴼⴽ ⴰⴷ ⵜ-ⵇⴰⴷⵔⴻⵏ. ⵙⴻⴳ ⵢⵉⴷⵉⵙ-ⴰ, ⴳⵉⵖ ⵍⴰⵎⴰⵏ ⴷ ⵓⵎⵎⵉⴷ ⴷⴻⴳ ⵢⵉⵎⴰⵔⵉⵔⴻⵏ-ⵉⵏⵓ ⵢⴻⵔⵏⴰ, ⴰⴽⴽⴻⵏ ⵢⴻⴱⵖⵓ ⵢⵉⵍⵉ, ⴰⴷ ⵥⵔⴻⵖ ⵜⴰⵎⴻⴷⴷⵉⵜ ⵏ 13 ⵢⵓⵍⵢⵓ ⴰⵏⵡⴰ ⴰⵢ ⵉⴹⴻⴼⵔⴻⵏ ⵍⴻⵡⵚⴰⵢⴰⵜ ⴷ ⵡⴰⵀⵉⵍ-ⵏⵏⴻⵖ ⴷ ⵡⵉⵏ ⵓⵔ ⵜⴻⵏ-ⵢⴻⴹⴼⵉⵔⴻⵏ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵄⴻⵢⵢⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵛⴰⵠⴰⵍⵍⵉ ⵢⴻⵏⵏⴰ-ⴷ ⴷⴰⴽⴽⴻⵏ ⴽⵔⴰ ⵙⴻⴳ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⴰⵎ ⵎⵧⵀⴰⵎⴻⴷ ⴱⴻⵏⵢⴰⵀⵉⴰ, ⵔⴰⴱⴰⵛⵀ ⴰⵉⵛⵀ, ⴰⵍⵉⴻⵓ ⴷⴰⵔⴱⵧ ⴷ ⴰⴱⴷⴻⵙⵙⵍⴰⵎ ⵎⵧⵓⵙⵙⵉ ⵄⴻⴵⴱⴻⵏ-ⵜ, ⴰⵎ ⵡⴰⴽⴽⴻⵏ ⴰⵢ ⵢⵓⵎⴰⵔ (ⵢⴻⴼⵕⴻⵃ) ⵙ ⵜⵓⵇⵇⵍⴰ ⵏ ⵓⵎⴰⵔⵉⵔ ⵎⵧⵀⴰⵎⴻⴷ ⵣⴰⴰⴱⵉⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⵏⵉⴹⴻⵏ ⴰⵎ ⵀⵉⵛⵀⴻⵎ ⴻⵍ ⵧⴳⴱⵉ ⴷ ⵉⵍⵢⴻⵙ ⴱⵧⵓⵀⴰⵏⵉⵛⵀⴻ, ⵛⴰⵠⴰⵍⵍⵉ ⵢⴻⵏⵏⴰ-ⴷ ⴰⴷ ⵜⴻⵏ-ⵢⴻⵙⵙⴻⵏ ⵓⴳⴰⵔ ⴷⴻⴳ ⵡⴻⵀⵕⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⴳⴰ ⵍⴰⵎⴰⵏ ⴷⴻⴳ ⵢⵉⵎⴰⵔⵉⵔⴻⵏ ⴰⵢ ⴷ-ⵜⴻⵙⵙⴰⴷⴻⴼ ⵜⵎⴻⵀⵍⴰ ⵏ ⵜⴻⵖⵍⴰⵎⵜ-ⴰ ⴷⴻⴳ ⵓⵏⴻⴱⴷⵓ-ⴰ.
