ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵊⵔⵉⵎⵉⵏ ⵏ ⵟⵟⵔⴰⴷ ⴷⴻⴳ Ɣⴻⵣⵣⴰ: ⵉⵙⵕⴰⵢⵉⵍ ⵜⴻⴱⵖⴰ ⴰⴷ ⵜⴻⵙⵡⴰⵖ ⴰⵕⴰⴱⵓⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ

ⵍⴻⵣⵣⴰⵢⴻⵔ – ⴰⵕⴰⴱⵓⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⴷ-ⵢⴻⴼⴼⵖⴻⵏ ⵙⴻⴳ ⵎⴻⵍⵎⵉ ⴽⴰⵏ ⵖⴻⴼ Ɣⴻⵣⵣⴰ ⴷ ⵡⵉⵏ ⴰⵢ ⵢⴻⵙⵙⴰⵥⵔⴻⵏ ⵙ ⵜⴻⵇⵙⴻⵃ ⵉⵙⵕⴰⵢⵉⵍ ⵖⴻⴼ « ⵜⴻⵊⵔⵉⵎⵉⵏ ⵏ ⵟⵟⵔⴰⴷ » ⴰⵢ ⵜⴳⴰ ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ ⴷⴻⴳ 2014. Ɣⴻⴼ ⵡⴰⵢⴰ ⴰⵢ ⴷ-ⵜⴻⴱⴷⴰ ⵉⵙⵕⴰⵢⵉⵍ ⵢⵉⵡⴻⵜ ⵏ ⵜⵃⴻⵎⵍⴰ ⵜⴰⴷⵉⵒⵍⵓⵎⴰⵜⵉⵜ ⴰⴽⴽⴻⵏ ⴰⴷ ⵜⴻⵙⵡⴰⵖ ⴰⵇⴱⴰⵍ ⵏ ⵓⵕⴰⴱⵓⵍ-ⴰ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. ⵎⴰ ⴷ ⵉⴼⴰⵍⴻⵙⵟⵉⵏⵉⵢⴻⵏ ⵄⴻⵡⵡⵍⴻⵏ ⴰⴽⴽⴻⵏ ⴰⴷ ⵛⴰⵕⵄⴻⵏ ⵉⵙⵕⴰⵢⵉⵍ ⴷⴻⴳ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⴰⵔⴰ ⵉⵔⴻⵥⵎⴻⵏ ⴰⵃⵜⴰⵛ ⵖⴻⴼ ⵜⴻⵊⵔⵉⵎⵉⵏ ⵜⵉⵙⵕⴰⵢⵉⵍⵉⵢⵉⵏ.

ⴷⴻⴳ ⵢⵉⵡⴻⵏ ⵏ ⵓⵕⴰⴱⵓⵍ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴻⵜⵏⵉⵢⴻⵏ, ⵜⴰⵙⴻⵇⵇⴰⵎⵓⵜ ⵜⵉⵎⵣⵉⵔⴻⴳⵜ ⵏ ⵜⵙⴻⵙⵜⴰⵏⵜ ⵏ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⵏⵏⴰ-ⴷ ⴷ ⴰⴽⴽⴻⵏ « ⵜⴻⵙⵙⴻⵎⵍⴰⵍ-ⴷ » ⵉⵙⴰⵍⴰⵏ ⵢⴻⵙⵄⴰⵏ ⴰⵣⴰⵍ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴷ ⴰⴽⴽⴻⵏ ⵢⴻⵣⵎⴻⵔ ⵍⵃⴰⵍ ⴰⴷ ⵜⵉⵍⵉ ⵉⵙⵕⴰⵢⵉⵍ ⵜⴳⴰ ⵜⵉⵊⵔⵉⵎⵉⵏ ⵏ ⵟⵟⵔⴰⴷ ⴰⵙⵎⵉ ⴰⵢ ⵜⴻⵜⵄⴻⴷⴷⴰ ⵖⴻⴼ ⵜⴻⵙⴼⵉⴼⵜ ⵏ Ɣⴻⵣⵣⴰ ⴳⴰⵔ 7 ⵢⵓⵍⵢⵓ ⴷ 26 Ɣⵓⵛⵜ 2014.

ⵓⴳⴰⵔ ⵏ 2.200 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏ ⴷ ⵉⵖⴰⵔⵉⵎⴻⵏ, ⴰⵢ ⵢⴻⵜⵜⵡⴻⵏⵖⴻⵏ ⴷⴻⴳ ⵜⵢⵉⵜⵉⵡⵉⵏ-ⵏⵏⵉ ⵜⵉⵙⵕⴰⵢⵉⵍⵉⵢⵉⵏ ⵜⵉⴳⴻⵏⵡⴰⵏⵉⵏ ⴰⵢ ⴷ-ⵢⴻⵍⵍⴰⵏ ⵡⴰⵔ ⴰⵃⴱⴰⵙ ⵖⴻⴼ Ɣⴻⵣⵣⴰ ⴷⴻⴳ 50-ⵏⵏⵉ ⵏ ⵡⵓⵙⵙⴰⵏ ⵏ ⵟⵟⵔⴰⴷ.

« ⵜⴻⵎⵖⴻⵔ ⵏ ⵢⵉⵅⴻⵚⵚⴰⵔⴻⵏ ⴷ ⵓⵏⴹⴻⵔⵔⵉ ⵏ ⵢⵉⵎⴷⴰⵏⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ Ɣⴻⵣⵣⴰ ⵓⵔ ⴷ-ⵜⴻⴹⵔⵉ ⵓⵇⴱⴻⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵔⵢ ⵎⵛⴳⵧⵡⴰⵏ ⴷⴰⵠⵉⵙ ⴷⴻⴳ ⵜⴻⵙⵡⵉⵄⵜ-ⵏⵏⵉ ⴷⴻⴳ ⴰⵢ ⴷ-ⵢⴻⵜⵜⵡⴰⴽⵛⴻⴼ ⵓⵕⴰⴱⵓⵍ-ⴰ.

ⵜⴰⵙⴻⵇⵇⴰⵎⵓⵜ ⵜⴻⵙⵙⴰⵥⴻⵔ ⵉⴳⴻⵏ ⵉⵙⵕⴰⵢⵉⵍⵉ ⵍⴰⴷⵖⴰ ⵖⴻⴼ « ⵓⵙⵙⴻⵇⴷⴻⵛ ⴰⵏⴻⵥⵥⴰⵡ ⵏ ⵍⴻⵙⵍⴰⵃⴰⵜ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⴰⴽⴽⴻⵏ ⴰⴷ ⵏⵖⴻⵏ ⵏⴻⵖ ⴰⴷ ⵊⴻⵔⵃⴻⵏ ⴷⴻⴳ ⵜⴻⵎⵏⴰⴹⵜ ⵜⴰⵎⴻⵇⵔⴰⵏⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷ ⴰⴽⴽⴻⵏ « ⴰⵙⵙⴻⵇⴷⴻⵛ ⵏ ⵍⴻⵙⵍⴰⵃ ⴰⵎ ⵡⴰ ⴷⴻⴳ ⵜⴻⵎⵏⴰⴹⵉⵏ ⴷⴻⴳ ⵍⵍⴰⵏ ⴰⵟⴰⵙ ⵏ ⵢⵉⵎⴻⵣⴷⴰⵖⴻⵏ ⴷ ⴰⵢⴻⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴰⵄⴻⵎⵎⴻⴷ ⴷⴻⴳ ⵜⵎⴻⵏⵖⵉⵡⵜ ⵡⴰⵔ ⴰⵎⴻⵢⵢⴻⵣ ⴳⴰⵔ ⵢⵉⵖⴰⵔⵉⵎⴻⵏ ⴷ ⵢⵉⵎⴻⵏⵖⴰⵏ ».

ⵉⵙⴻⵙⵜⴰⵏⴻⵏ ⵏⵏⴰⵏ-ⴷ ⴷ ⴰⴽⴽⴻⵏ 142 ⵏ ⵜⵡⴰⵛⵓⵍⵉⵏ ⴰⵢ ⵢⴻⵙⵕⵓⵃⴻⵏ, ⵎⴰ ⵓⵍⴰⵛ, 3 ⵙⴻⴳ ⵢⵉⵄⴻⵢⵢⴰⵍⴻⵏ-ⵏⵙⴻⵏⵜ ⴷⴻⴳ ⵚⵚⴻⵏⴼ-ⴰ ⵏ ⵜⵢⵉⵜⵉⵡⵉⵏ ⴰⵢ ⵢⴻⴳⵍⴰⵏ ⵙ ⵡⴰⵣⴰⵍ ⵏ 551 ⵏ ⵢⵉⴳⴻⵔⴷⴰⵏ.

ⴰⵕⴰⴱⵓⵍ-ⴰ ⵏ 183 ⵏ ⵢⵉⵙⴻⴱⵜⴰⵔ ⴰⴷ ⴷ-ⵢⵉⵍⵉ ⴼⴻⵍⵍ-ⴰⵙ ⵓⵙⴽⴰⵙⵉ ⴷⴻⴳ 29 ⵢⵓⵏⵢⵓ ⴷⴻⴳ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⵎⴰ ⵙⵄⴻⴷⴷⴰⵏ-ⵜ, ⴰⴷ ⵢⴻⵜⵜⵓⵏⴻⴼⴽ ⵉ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵏⴷⴰ ⴰⵔⴰ ⵙⵙⵓⵜⵔⴻⵏ ⵉ ⵓⵎⴰⵔⵓ ⴰⵎⴰⵜⵓ ⴱⴰⵏ ⴽⵉ-ⵎⵧⵧⵏ ⴰⴷ ⵢⴻⴹⴼⴻⵔ ⴰⵙⵙⴻⴼⵄⴻⵍ-ⵏⵏⴻⵙ.

ⵉⵙⵕⴰⵢⵉⵍ ⵍⴰ ⵜⵄⴻⵔⵔⴻⴹ ⴰⴷ ⵜⴻⵔⴳⴻⵍ ⴰⴱⵔⵉⴷ ⵉ ⵓⵙⵄⴻⴷⴷⵉ ⵏ ⵓⵕⴰⴱⵓⵍ-ⴰ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ

ⴰⵢⴻⵏ ⴰⵢ ⵜⵓⴳⴰⴷ ⵉⵙⵕⴰⵢⵉⵍ ⵍⴰⴷⵖⴰ ⵏⴻⵜⵜⴰ ⴷ ⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵙⵇⴻⴷⵛⴻⵏ ⴰⵕⴰⴱⵓⵍ-ⴰ ⴰⴽⴽⴻⵏ ⴰⴷ ⵛⴰⵕⵄⴻⵏ ⵢⴻⵙ-ⵙ ⵉⵙⵕⴰⵢⵉⵍ ⴷⴻⴳ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵉⵎⵉ ⴷ ⴰⵢⴰ ⴰⵔⴰ ⵉⵔⴻⵥⵎⴻⵏ ⴰⴱⵔⵉⴷ ⵉ ⵓⵛⴰⵕⴻⵄ ⵏ ⵢⵉⵎⴹⴻⴱⴱⵔⴻⵏ ⵉⵙⵕⴰⵢⵉⵍⵉⵢⴻⵏ.

ⴰⵙⵙ ⵏ ⵜⵜⵍⴰⵜⴰ, ⴰⵖⵎⵉⵙ ⵉⵙⵕⴰⵢⵉⵍⵉ ⵏ ⵢⴻⴷⵉⵧⵜ ⴰⵀⴰⵔⵧⵏⵧⵜ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵙⵕⴰⵢⵉⵍ ⵜⴻⴱⴷⴰ-ⴷ ⵜⴰⵃⴻⵎⵍⴰ ⵜⴰⴷⵉⵒⵍⵓⵎⴰⵜⵉⵜ ⵜⴰⵎⴰⵢⵏⵓⵜ ⵉ ⵓⵔⴳⴰⵍ ⵏ ⵓⴱⵔⵉⴷ ⵉ ⵕⵕⴰⵢ-ⵏⵏⵉ ⴰⵢⵖⴻⴼ ⵎⵙⴻⴼⵀⴰⵎⴻⵏⵜ ⵜⵎⵓⵔⴰ ⵜⴰⵄⵕⴰⴱⵉⵏ ⴷⴻⴳ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉⵎⵉ ⴰⵢ ⴷ-ⵏⵏⴰⵏⵜ ⴰⴷ ⴷⴻⵖⵔⴻⵏⵜ (ⴰⴷ ⴱⵓⵟⵉⵏⵜ) ⴰⴽⴽⴻⵏ ⵎⴰ ⵍⵍⴰⵏⵜ ⵉ ⵍⵎⴻⵏⴷ ⵏ ⵓⵇⴱⴰⵍ ⵏ ⵓⵕⴰⴱⵓⵍ-ⴰ ⴷⴻⴳ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.

Ɣⴻⴼ ⵍⴻⵃⵙⴰⴱ ⵏ ⵓⵖⵎⵉⵙ-ⴰ, ⵉⵎⴹⴻⴱⴱⵔⴻⵏ ⵉⵙⵕⴰⵢⵉⵍⵉⵢⴻⵏ ⴱⵏⴰⵏ ⴷ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⵖⴰⵔ (ⵍⴱⵓⵟ) ⵉ ⵍⵎⴻⵏⴷ ⵏ ⵓⵇⴱⴰⵍ ⵏ ⵓⵕⴰⴱⵓⵍ-ⴰ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵓⵙⴻⵇⵇⴰⵎⵓ ⴰⵏⴷⴰ ⵜⵉⵎⵓⵔⴰ ⵜⴰⵄⵕⴰⴱⵉⵏ ⵙⵄⴰⵏⵜ ⴰⵟⴰⵙ ⵏ ⵢⵉⵎⴻⴷⴷⵓⴽⴰⵍ.

ⵙ ⵡⴰⵢⴰ, ⴽⵔⴰ ⵏ ⵢⵉⴷⵉⵒⵍⵓⵎⴰⵜⵉⵢⴻⵏ ⵉⵙⵒⵕⴰⵢⵉⵍⵉⵢⴻⵏ ⴱⴷⴰⵏ-ⴷ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ, ⴰⵎⵛⵉⵡⴻⵕ ⴷⴻⴳ ⵜⵀⴰⵔⴰ, ⴰⴽⴽⴻⴷ ⵢⵉⵎⴰⵙⵍⴰⴹⴻⵏ ⵉⴵⴻⵀⴷⴻⵏ ⵏ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⴽⴽⴻⵏ ⴰⴷ ⵔⴻⴳⵍⴻⵏ ⴰⴱⵔⵉⴷ ⵉ ⵓⵇⴱⴰⵍ ⵏ ⵓⵕⴰⴱⵓⵍ-ⴰ.

ⴰⵖⵎⵉⵙ-ⴰ ⵉⵙⵕⴰⵢⵉⵍⵉ ⴰⵢⴰⵍⵍⴰⵙ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴻⵣⵎⴻⵔ ⴷⴰⵖ ⴰⴷ ⴷ-ⵜⵉⵍⵉ ⵜⵃⴻⵎⵍⴰ ⵏ ⵜⴻⵣⵏⵉⵡⵜ ⵉ ⵍⵎⴻⵏⴷ ⵏ ⵜⵓⴽⴽⵙⴰ ⵏ ⵜⵜⴻⵀⵎⴰⵜ ⵎⴳⴰⵍ ⵢⵉⴳⴻⵏ ⵉⵙⵕⴰⵢⵉⵍⵉ ⵙ ⵓⵙⴱⴻⵢⵢⴻⵏ ⴷ ⴰⴽⴽⴻⵏ ⵟⵟⵔⴰⴷ ⴰⵢ ⵢⴻⵏⵏⵓⵖ ⴷⴻⴳ Ɣⴻⵣⵣⴰ ⵢⴻⵍⵍⴰ-ⴷ « ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ».

ⵉⴼⴰⵍⴻⵙⵟⵉⵏⵉⵢⴻⵏ ⴰⴷ ⵛⵛⴻⵜⴽⵉⵏ ⴰⵙⵙ ⵏ ⵍⴻⵅⵎⵉⵙ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ

ⵇⵔⵉⴱ ⴰⵙⴻⴳⴳⴰⵙ ⵙⴷⴻⴼⴼⵉⵔ ⵜⵃⴻⵎⵍⴰ-ⵏⵏⵉ ⵜⴰⵙⴻⵔⴷⴰⵙⵉⵜ ⵎⴳⴰⵍ Ɣⴻⵣⵣⴰ, ⵉⴼⴰⵍⴻⵙⵟⵉⵏⵉⵢⴻⵏ ⵏⵏⴰⵏ-ⴷ ⴷ ⴰⴽⴽⴻⵏ ⴰⴷ ⵙⵙⴻⵔⵙⴻⵏ ⴰⵙⵙ ⵏ ⵍⴻⵅⵎⵉⵙ ⴰⴽⴰⵔⴰⵎ-ⵏⵙⴻⵏ ⴰⵎⴻⵣⵡⴰⵔⵓ ⵖⴻⵔ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵉ ⵍⵎⴻⵏⴷ ⵏ ⴱⴻⴷⴷⵓ ⵏ ⵓⵃⵜⴰⵛ ⵖⴻⴼ ⵜⴻⵊⵔⵉⵎⵉⵏ ⵏ ⵟⵟⵔⴰⴷ ⵜⵉⵙⵕⴰⵢⵉⵍⵉⵢⵉⵏ.

ⴰⴽⴰⵔⴰⵎ-ⴰ ⴰⴷ ⵢⴻⵜⵜⵓⵏⴻⴼⴽ ⵉ ⵜⴻⵎⵡⴻⴽⴽⴻⵍⵜ ⴼⴰⵜⵧⵓ ⴱⴻⵏⵙⵧⵓⴷⴰ ⴰⵙⵙ ⵏ 25 ⵢⵓⵏⵢⵓ, ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵎⵎⴰⵔ ⵀⵉⵊⴰⵣⵉ, ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷⴻⴳ ⴼⴰⵍⴻⵙⵟⵉⵏ, ⵢⴻⵔⵏⴰ ⴰⴽⴰⵔⴰⵎ-ⴰ ⴰⴷ ⵉⵍⵉⵏ ⴷⴻⴳ-ⵙ ⵢⵉⴼⴻⵔⴷⵉⵙⴻⵏ ⵖⴻⴼ ⵜⴻⴳⵏⵉⵜ ⴷ ⵍⴻⵃⵙⴰⴱⴰⵜ ⵢⴻⵇⵇⵏⴻⵏ ⵖⴻⵔ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ, ⴰⵙⵙⴻⵀⵔⴻⵙ, ⴰⵃⴱⴰⵙ ⵏ ⵎⴻⴷⴷⴻⵏ ⵓⵔ ⵉⴳⵉⵏ ⴰⵛⴻⵎⵎⴰ ⴷ ⵜⵙⴻⴱⴱⵉⵡⵉⵏ ⴰⵢ ⴷ-ⵜⴻⵜⵜⴰⴼ ⵉⵙⵕⴰⵢⵉⵍ ⴰⴽⴽⴻⵏ ⴰⴷ ⵜⵏⴻⵖ ⵉⴼⴰⵍⴻⵙⵟⵉⵏⵉⵢⴻⵏ. ⵙ ⵡⴰⵢⴰ, ⵉⵙⵡⵉ ⵏ ⵓⴽⴰⵔⴰⵎ-ⴰ ⵏⴻⵜⵜⴰ ⴷ ⴰⵙⵙⴻⵇⵏⴻⵄ ⵏ ⵎⴰⵙⵙⴰ ⴱⴻⵏⵙⵧⵓⴷⴰ ⴰⴽⴽⴻⵏ ⴰⴷ ⵜⴻⵔⵥⴻⵎ, « ⵡⴰⵔ ⵍⴻⵄⴹⵉⵍ », ⴰⵃⵜⴰⵛ.

ⴰⴽⴰⵔⴰⵎ-ⴰ ⵓⵔ ⴷ-ⵢⴻⵜⵜⴰⴽⴼ ⴰⵔⴰ ⵜⵜⴼⴰⵚⵉⵍ, ⵉⵎⵉ ⵉⴼⴰⵍⴻⵙⵟⵉⵏⵉⵢⴻⵏ ⵙⵎⴻⵏⵢⴰⴼⴻⵏ ⴰⴷ ⴵⴵⴻⵏ ⴰⵢⴰ ⵉ ⵜⴻⵙⵡⵉⵄⵜ ⵏⵉⴹⴻⵏ, ⵖⴻⴼ ⵍⴻⵃⵙⴰⴱ ⵏ ⵕⵕⴰⵢ ⴰⵔⴰ ⵜⴻⴷⴷⴻⵎ ⵜⴻⵎⵡⴻⴽⴽⴻⵍⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⴼⴰⵍⴻⵙⵟⵉⵏⵉ.

ⵎⴰⵙⵙ ⵀⵉⵊⴰⵣⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⴽⴰⵔⴰⵎ-ⴰ ⴰⵔⴰ ⴰⵙ-ⴷ-ⵢⴻⵜⵜⵓⵏⴻⴼⴽⴻⵏ « ⴰⴷ ⵢⵉⵍⵉ ⴷ ⴰⵎⴰⵜⵓ, ⴷ ⵍⴻⵃⵙⴰⴱⴰⵜ ⴽⴰⵏ, ⴷ ⴰⵛⵓ ⴽⴰⵏ ⵢⴻⵙⵙⴽⴰⵏⴰⵢ-ⴷ ⵓⴷⴻⵎ ⴰⴱⴻⵔⴽⴰⵏ ⵏ ⵡⴰⵢⴻⵏ ⴰⵢ ⵜⴻⵜⵜⴻⴳ ⵉⵙⵕⴰⵢⵉⵍ ⴷ ⵙⵙⴻⴱⴱⴰⵜ ⴰⵢ ⴰⵖ-ⵢⴻⴵⴵⴰⵏ ⴰⴷ ⵏⵅⴻⵎⵎⴻⵎ ⴷ ⴰⴽⴽⴻⵏ ⵜⵉⵎⵡⴻⴽⴽⴻⵍⵜ ⵜⴻⵣⵎⴻⵔ ⴰⴷ ⵜⴻⵔⵥⴻⵎ ⴰⵃⵜⴰⵛ ⵙ ⵓⵇⴰⴷⴻⵔ ⵏ ⵓⵥⴰⵢⴻⵔ (ⵏ ⵕⵓⵎⴰ ⴰⵢ ⴷ-ⵢⴻⵙⴱⴻⴷⴷⴻⵏ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ) ».

ⵛⵛⵖⴻⵍ ⵏ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⴻⵎⵙⴰⵍⵜ ⵏ ⴼⴰⵍⴻⵙⵟⵉⵏ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵜⴻⵎⵡⴻⴽⴽⴻⵍⵜ-ⴰ ⵢⴻⴱⴷⴰ-ⴷ ⵡⴰⵔ ⵎⴰ ⵢⴻⵙⵄⴰ ⴰⵙⵙⴰⵖ ⵖⴻⵔ ⵡⴰⴷⴰⴼ ⵏ ⴼⴰⵍⴻⵙⵟⵉⵏ ⵖⴻⵔ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ, ⵉⵎⵉ ⵜⵉⵎⵡⴻⴽⴽⴻⵍⵜ-ⴰ ⵜⴻⵜⵜⵡⴰⵡⴻⴽⴽⴻⵍ ⴰⴽⴽⴻⵏ ⴰⴷ ⵜⵛⴰⵕⴻⵄ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵊⵔⵉⵎⵉⵏ ⵜⵉⵎⴻⵇⵔⴰⵏⵉⵏ ⴰⴽⴽ ⵎⴳⴰⵍ ⵍⵇⴰⵏⵓⵏ ⴰⴳⵔⴰⵖⵍⴰⵏ.