ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴷⴷⵓⵔⵜ ⵜⴰⵎⴻⵏⵣⵓⵜ ⵏ ⵜⵙⴻⵇⵇⴰⵎⵎⵓⵜⵜ ⵢⴻⵎⵎⴻⵣⴷⵉⵏ ⴳⴻⵔ ⵍⴻⵣⵣⴰⵢⴻⵔ ⴷ ⵍⵓⴱⵏⴰⵏ ⵖⴻⴼ ⵡⴻⵎⵛⵉⵡⴻⵕ ⴰⵙⴻⵔⵜⴰⵏ
ⴱⴻⵢⵔⵧⵓⵜⵀ- ⴷⴷⵓⵔⵜ ⵜⴰⵎⴻⵏⵣⵓⵜ ⵏ ⵜⵙⴻⵇⵇⴰⵎⵓⵜⵜ ⵢⴻⵎⵎⴻⵣⴷⵉⵏ ⴳⴻⵔ ⵍⴻⵣⵣⴰⵢⴻⵔ ⴷ ⵍⵓⴱⵏⴰⵏ ⵏ ⵡⴻⵎⵛⵉⵡⴻⵕ ⴰⵙⴻⵔⵜⴰⵏ ⵜⴻⵍⵍⴰ-ⴷ ⴰⵙⵙ ⵏ ⵍⴰⵔⴻⴱⵄⴰ ⴷⵉ ⴱⴻⵢⵔⵧⵓⵜⵀ ⵙ ⵓⵙⴻⵍⵡⵉ ⵏ ⵓⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴷ ⵡⴻⵎⵄⵉⵡⴻⵏ ⴰⴳⴻⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷ ⵡⴻⵎⵜⵉⵍ-ⵉⵙ ⴰⵍⵓⴱⵏⴰⵏⵉ, ⴳⴻⴱⵔⴰⵏ ⴱⴰⵙⵙⵉⵍ.
ⴷⴻⴳ ⵢⵉⵡⴻⵜ ⵏ ⵜⴻⵖⵕⵉ ⵉ ⵢⵉⵙⴰⵍⵍⴻⵏ ⵖⴻⵔ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵎⴰⵙ ⵍⴰⵎⴰⵎⵔⴰ ⵢⴻⵙⵙⴻⴼⵀⴻⵎ-ⴷ ⴷ ⴰⴽⴽⴻⵏ ⴰⵏⴻⵊⵎⵓⵄ-ⴰⴳⵉ ⴷ ⵜⴰⴳⵏⵉⵜⵜ ⵉ ⵙⵉⵏ ⵉⴷⵉⵙⴰⵏ ⴰⴽⴽⴻⵏ ⴰⴷ ⴷ-ⴱⴻⴷⵔⴻⵏ ⵜⵓⵜⵜⵔⵉⵡⵉⵏ ⵜⵉⴳⴻⵔⴰⵖⵍⴰⵏⵉⵏ ⵢⴻⵎⵎⴻⵣⴷⵉⵏ ⴰⵎ ⵡⴰⵢⴻⵏ ⵉⴹⴻⵕⵕⵓⵏ ⴷⵉ ⵜⴻⴼⵔⵉⵇⵜ ⴰⴽⴽ ⴷ ⵓⵎⴰⴹⴰⵍ ⴰⵄⵕⴰⴱ.
ⴰⵟⴰⵚ ⵏ ⵍⴰⵕⵢⵓⵢ ⴰⵢ ⵢⴻⵜⵜⵡⴰⴷⴷⵎⴻⵏ ⵍⴰⵡⴰⵏ ⵏ ⵜⴻⵎⵍⵉⵍⵉⵜ-ⴰⴳⵉ ⴰⵎ ⵓⵀⴻⴳⴳⵉ ⵏ ⵜⴻⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⵏ ⵜⵙⴻⵇⵇⴰⵎⵓⵜⵜ ⵢⴻⵎⵎⴻⵣⴷⵉⵏ ⴳⴻⵔ ⵍⴻⵣⵣⴰⵢⴻⵔ ⴷ ⵍⵓⴱⵏⴰⵏ ⵏ ⵡⴻⵎⵄⵉⵡⴻⵏ ⴰⴷⴰⵎⵙⴰⵏ, ⴰⵔⴰ ⴷ-ⵢⴻⴹⵕⵓⵏ ⵓⵇⴱⴻⵍ ⵜⴰⴳⴳⴰⵔⴰ ⵓⵙⴻⴳⴳⴰⵙⵇ, ⵉⴷ-ⵢⴻⵏⵏⴰ.
ⵎⵔⴰⵡ ⴷ ⵢⵉⵡⴻⵏ (11) ⵉⵙⴻⵏⴼⴰⵔ ⵏ ⵢⴻⵎⵜⴰⵡⵉⵢⴻⵏ ⵉⴷ-ⵉⴱⴰⵏⴻⵏ ⴰⴽⴽⴻⵏ ⴰⴷ ⵜⵜⵡⴰⵙⴻⵏⵢⵉⵏ ⴷⵉ ⴷⴷⵓⵔⵜ ⵜⴰⵎⴻⵏⵣⵓⵜ ⵏ ⵜⵙⴻⵇⵇⴰⵎⵓⵜⵜ ⵢⴻⵎⵎⴻⵣⴷⵉⵏ ⵏ ⵡⴻⵄⵉⵡⴻⵏ ⴰⴷⴰⵎⵙⴰⵏ, ⵉⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⴷⴷⴻⵡⵍⴰ.
« ⵏⵎⴻⵢⴻⵣ ⵉ ⵢⵉⴱⴻⵔⴷⴰⵏ-ⵏⵏⵉⴹⴻⵏ ⵏ ⵡⴻⵎⵄⵉⵡⴻⵏ ⴰⵔⴰ ⵢⵉⵍⵉⵏ ⴷ ⴰⴼⵓⴷ ⵏ ⵡⴻⵎⴱⴰⴷⴷⴰⵍ ⴰⴷⴰⵎⵙⴰⵏ ⴷ ⵜⵣⴻⵏⵣⵓⵜ ⴳⴻⵔ ⵙⵏⴰⵜ ⵏ ⵜⵎⵓⵔⴰ », ⴷ-ⵉⵡⴻⴽⴽⴻⴷ ⵎⴰⵙ ⵍⴰⵎⴰⵎⵔⴰ.
ⵙⴻⴳ ⵢⵉⴷⵉⵙ-ⵉⵙ, ⴰⵎⴹⴻⴱⴱⴻⵕ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵍⵓⴱⵏⴰⵏⵉⵜ ⵢⴻⵙⵏⴻⵎⵎⴻⵔ ⵜⵉⵍⵍⵉⵏ ⵏ ⵜⴻⵎⵍⵉⵍⵉⵜ ⵜⴰⵎⴻⵏⵣⵓⵜ ⴳⴻⵔ ⵍⴻⵣⵣⴰⵢⴻⵔ ⴷ ⵍⵓⴱⵏⴰⵏ ⵏ ⵡⴻⵎⵛⴰⵡⴻⵔ ⴰⵙⴻⵔⵜⴰⵏ, ⴷ-ⵢⴻⵜⵜⵡⴰⵙⴱⴻⴷⴷⴻⵏ ⴷⵉ 2004, ⵓ ⵢⴻⵏⵏⴰ ⴷⴷⵓⵔⵜ-ⴰⴳⵉ ⴷ «ⴱⴻⴷⴷⵓ ⴰⵎⴰⵢⵏⵓⵜ » ⵉ ⵡⴻⵎⵄⵉⵡⴻⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ.
