Asebter amenzawi

Ddurt tamenzut n tseqqammutt yemmezdin ger Lezzayer d Lubnan ɣef wemciweṛ asertan

BEYROUTH- Ddurt tamenzut n tseqqamutt yemmezdin ger Lezzayer d Lubnan n wemciweṛ asertan tella-d ass n larebɛa di Beyrouth s uselwi n uneɣlaf n ddewla, aneɣlaf n tɣawsiwin n wezɣar d wemɛiwen ageraɣlan, Ramtane Lamamra, d wemtil-is alubnani, Gebran Bassil.

Deg yiwet n teɣṛi i yisallen ɣer taggara n temlilit, Mas Lamamra yessefhem-d d akken anejmuɛ-agi d tagnitt i sin idisan akken ad d-bedren tuttriwin tigeraɣlanin yemmezdin am wayen iḍeṛṛun di tefriqt akk d umaḍal aɛṛab.

Aṭaṣ n laṛyuy ay yettwaddmen lawan n temlilit-agi am uheggi n temlilit tamezwarut n tseqqamutt yemmezdin ger Lezzayer d Lubnan n wemɛiwen adamsan, ara d-yeḍṛun uqbel taggara useggasq, id-yenna.

Mraw d yiwen (11) isenfar n yemtawiyen id-ibanen akken ad ttwasenyin di ddurt tamenzut n tseqqamutt yemmezdin n weɛiwen adamsan, id-yenna uneɣlaf n ddewla.

« Nmeyez i yiberdan-nniḍen n wemɛiwen ara yilin d afud n wembaddal adamsan d tzenzut ger snat n tmura », d-iwekked Mas Lamamra.

Seg yidis-is, amḍebbeṛ n tdiblumasit talubnanit yesnemmer tillin n temlilit tamenzut ger Lezzayer d Lubnan n wemcawer asertan, d-yettwasbedden di 2004, u yenna ddurt-agi d «beddu amaynut » i wemɛiwen ger snat n tmura.