Asebter amenzawi

Aṣaḍuf n warraz uselway n Tegduda n uneɣmas amehlan yeffeɣ-d deg weɣmis unṣib

LEZZAYER – Yeffeɣ-d uṣaḍuf n wesnulfu n warraz uselway n Tegduda n uneɣmas amehlan deg weɣmis unṣib uṭṭun u°28 n 27 mayu 2015, anda d-beggnen ilugan n wefran. "Arraz yerza, anerni d unegmu n wesnulfu deg ugerruj aɣamsan, s tikci n warraz i leqdic aɣamsan yufraren ama yettwaxdem sɣur yiwen iman-is neɣ d tarbaɛt sɣur ineɣmasen imahalen",id-yedda deg uṣaḍuf.

Arraz yettunefk di xemsa n taggayin n tɣamsa: isalli yettwarun, yettweẓṛan, yettweslan, isalli n iduga n internet akk d wunuɣen. Arraz-agi ad d-yili s tikci n ugerdas n tuklalit akk d wazal n yedrimen anda lqima tettwaḥbes i yal taggayt.

Deg wayen yerzan kuẓ (4) n taggayin timezwura, lqanun yettbeggin-d belli amezwaru d-yufraren ad yawi lqima (1) umelyun DA, wis sin ad yawi 500.000 n DA ma d wis 3 ad yessiweḍ 300.000 DA. Ma d taggayt tis 5, lqima ad taweḍ 100.000 DA ad tettunefk i tewlafin yufraren, unuɣen d tkarikaturt n tɣamsa. Aṣaḍuf yettbeggin-d belli imfernen d imunen, d imdanen yettwasnen di tɣamsa yettwarun, internet, rradyu neɣ tiliẓṛi.