ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⴰⵍⴳⴻⵔⵉⴻ ⵜⴻⵍⴻⵛⵧⵎ: ⵛⵛⵕⴻⵄ ⵢⴻⵜⵜⵡⴰⵡⴻⵅⵅⴻⵔ ⵖⴻⵔ 9 ⵢⵓⵍⵢⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵛⵛⵕⴻⵄ ⵏ ⴷⴻⴼⴼⵉⵔ ⵏ ⵜⵔⵓⵥⵉ ⵏ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⴰⵍⴳⴻⵔⵉⴻ ⵜⴻⵍⴻⵛⵧⵎ, ⵎⵧⵀⴰⵎⴻⴷ ⴱⵧⵓⴽⵀⴰⵔⵉ ⴷ ⵓⵔⴳⴰⵣ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⴰⵍⵓⵅⴻⵎⴱⵧⵓⵔⴳⵉ ⵛⵀⴰⵏⵉ ⵎⴻⵊⴷⵧⵓⴱ, ⵢⴻⵜⵜⵡⴰⵡⴻⵅⵅⴻⵔ ⵖⴻⵔ ⵡⴰⵙⵙ ⵏ ⵍⴻⵅⵎⵉⵙ 9 ⵢⵓⵍⵢⵓ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⵔⵓⵥⵉ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⵉ ⵓⵙⵎⴻⴽⵜⵉ, ⵜⵉⵏ-ⴰ ⵏ ⵢⵉⵎⴻⵜⵜⵀⵓⵎⴻⵏ ⵜⵜⵡⴰⵛⴰⵕⵄⴻⵏ ⵖⴻⴼ ⵜⵊⵓⵄⴰⵍ.

ⵙⵏⴰⵜ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵛⵉⵏⵡⴰⵜⵉⵏ ⵏ ⵜⴻⵎⵙⴰⵡⵍⴰ ⵜⴰⵣⵉⵔⴰⵣⵜ, ⵣⵜⴻ ⴷ ⵀⵓⴰⵡⴻⵉ (ⵖⴰⴱⴻⵏⵜ ⵙⴻⴳ ⵛⵛⵕⴻⵄ) ⴰⵢ ⵢⴻⵜⵜⵡⴰⵛⴰⵕⵄⴻⵏ ⴷⴰⵖ ⴷⴻⴳ ⵜⴻⵎⵙⴰⵍⵜ-ⴰ ⵢⴻⵔⵏⴰ ⴰⴷ ⵢⴻⵜⵜⵡⴰⵄⴰⵡⴻⴷ ⵛⵛⵕⴻⵄ-ⵏⵙⴻⵏⵜ ⵜⵉⴽⴽⴻⵍⵜ-ⴰ.

ⵎⵧⵀⴰⵎⴻⴷ ⴱⵧⵓⴽⵀⴰⵔⵉ ⴷ ⵛⵀⴰⵏⵉ ⵎⴻⵊⴷⵧⵓⴱ ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏ ⴷⴻⴳ 2012 ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵢⴻⵎⵎⵓⵣⵣⴳⴻⵏ ⵏ ⵙⵉⴷ ⵎⵃⴻⵎⵎⴻⴷ ⵙ 18 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ. ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ, ⴰⵅⵅⴰⵎ ⵏ ⵛⵛⵕⴻⵄ ⵏ ⵜⵔⵓⵥⵉ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⵙⵙⴻⵏⵇⴻⵙ-ⴰⵙⴻⵏ-ⴷ ⵍⴻⵃⴽⴻⵎ-ⵏⵙⴻⵏ ⵏ ⵍⵃⴻⴱⵙ ⵖⴻⵔ 15 ⵏ ⵢⵉⵙⴻⴳⴳⴰⵙⴻⵏ.

ⵎⴰ ⴷ ⵙⵏⴰⵜ-ⵏⵏⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵛⵉⵏⵡⴰⵜⵉⵏ, ⵣⵜⴻ ⴰⵍⴳⴻⵔⵉⴻ ⴷ ⵀⵓⴰⵡⴻⵉ ⴰⵍⴳⴻⵔⵉⴻ, ⵢⴻⵜⵜⵡⴰⴽⴽⴻⵙ-ⴰⵙⴻⵏⵜ ⵓⵣⵔⴻⴼ ⴰⴽⴽⴻⵏ ⴰⴷ ⵙⵄⵓⵏⵜ ⵍⴻⵄⵇⵓⴷⴰⵜ ⴷⴻⴳ ⵍⴻⵣⵣⴰⵢⴻⵔ ⵉ ⵜⴰⵍⵍⵉⵜ ⵏ ⵓⵙⴻⴳⴳⴰⵙ, ⵢⴻⵔⵏⴰ 3 ⵙⴻⴳ ⵢⵉⴽⴰⵜⴰⵔⴻⵏ-ⵏⵙⴻⵏⵜ ⴰⵢ ⵉⵔⴻⵡⵍⴻⵏ ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏ ⵙ 10 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ.

ⵎⵉ ⵔⵥⴰⵏ ⵛⵛⵕⴻⵄ-ⴰ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⴰⵏⴰⴼⴻⵍⵍⴰ, ⵜⴰⵖⴷⴻⵎⵜ ⵜⴻⵖⵜⴻⵙ ⴰⴷ ⵜⵄⴰⵡⴻⴷ ⴰⴷ ⵜⵛⴰⵕⴻⵄ ⵙⵉⵏ-ⴰ ⵏ ⵢⵉⵎⴻⵜⵜⵀⵓⵎⴻⵏ ⴷ ⵙⵏⴰⵜ-ⵏⵏⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵛⵉⵏⵡⴰⵜⵉⵏ.

ⵜⴰⵎⵙⴰⵍⵜ-ⴰ ⵜⴻⵜⵜⵡⴰⵡⴻⵅⵅⴻⵔ ⵉⵎⵉ ⵙⵉⵏ-ⵏⵏⵉ ⵏ ⵢⵉⵎⴻⵜⵜⵀⵓⵎⴻⵏ ⵡⴻⵔⵄⴰⴷ ⵓⵔ ⵜⴻⵏ-ⵉⴷ-ⵡⵡⵉⵏ ⴰⵔⴰ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴽⴽⴻⵏ ⴰⴷ ⵄⴰⵡⴷⴻⵏ ⴰⴷ ⵜⵜⵡⴰⵛⴰⵕⵄⴻⵏ.

ⴰⴳⴻⵏⵙⴰⵙ ⵏ ⵓⵙⴻⵇⵇⴰⵎⵓ ⵏ ⵢⵉⵎⵡⴻⴽⴽⵍⴻⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⵎⵧⵀⴰⵎⴻⴷ ⴱⵧⵓⴽⵀⴰⵔⵉ ⴰⵜⴰⵏ ⴷⴻⴳ ⵍⵃⴻⴱⵙ ⵏ ⵄⵉⵏ ⵍⴻⵃⴵⴻⵕ, ⴷⴻⴳ ⵙⵙⵄⵉⴷⴰ, ⵎⴰ ⴷ ⵎⴻⵊⴷⵧⵓⴱ ⵛⵀⴰⵏⵉ ⵡⵡⵉⵏ-ⵜ ⵖⴻⵔ ⵍⵃⴻⴱⵙ ⵏ ⵍⴱⵓⵕⵊ ⴱⵓⵄⵕⵉⵕⵉⴵ ⴰⵙⵙ ⵏ ⵍⴻⵜⵏⵉⵢⴻⵏ, 3 ⵏ ⵡⵓⵙⴰⵏ ⵓⵇⴱⴻⵍ ⵎⴰ ⵉⵄⴻⴷⴷⴰ ⴷⴻⴳ ⵛⵛⵕⴻⵄ.

« ⵓⵔ ⵜⴻⵏ-ⵉⴷ-ⵏⴻⵡⵡⵉ ⴰⵔⴰ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵎⴰⵛⴰ ⴰⴷ ⵏⴻⵙⵙⴻⵃⴱⵉⴱⴻⵔ ⴰⴽⴽⴻⵏ ⴰⵙⵙ ⵏ 9 ⵢⵓⵍⵢⵓ ⴰⴷ ⵃⴻⴷⵕⴻⵏ ⵛⵛⵕⴻⵄ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⵡⴻⴽⴽⴻⵍ ⴰⵎⴰⵜⵓ ⵉ ⵍⵇⴰⴹⵉ.

ⵎⴻⵊⴷⵧⵓⴱ ⵛⵀⴰⵏⵉ, ⵙⴻⴳ ⵢⵉⴷⵉⵙ, ⵖⴻⵔ-ⵙ 44 ⵏ ⵡⵓⵙⵙⴰⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵉⴳⴰ ⴰⵙⵓⵏⴷⴻⴷ ⵏ ⵍⴰⵥ ⵖⴻⴼ ⵍⴵⴰⵍ ⵏ ⵍⴻⵃⴽⴻⵎ ⴰⵢ ⴰⵙ-ⵃⴻⴽⵎⴻⵏ ⵙ ⵍⵃⴻⴱⵙ (10 ⵏ ⵢⵉⵙⴻⴳⴳⴰⵙⴻⵏ) ⴷⴻⴳ ⵜⴻⵎⵙⴰⵍⵜ-ⵏⵏⵉ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ.

ⵉⴱⵓⴳⴰⵟⵓⵜⴻⵏ ⵏ ⵎⴻⵊⴷⵧⵓⴱ ⵛⵀⴰⵏⵉ ⵡⵜⴻⵏ-ⴷ ⴷⴻⴳ ⵡⴰⵡⵡⴰⵢ-ⵏⵏⴻⵙ ⴰⵙⵙ ⵏ ⵍⴻⵜⵏⵉⵢⴻⵏ ⵖⴻⵔ ⵍⵃⴻⴱⵙ ⵏ ⵍⴱⵓⵕⵊ ⴱⵓⵄⵕⵉⵕⵉⴵ, 3 ⵏ ⵡⵓⵙⵙⴰⵏ ⵓⵇⴱⴻⵍ ⵎⴰ ⵉⵄⴻⴷⴷⴰ ⴷⴻⴳ ⵛⵛⵕⴻⵄ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

« ⴰⵡⵡⴰⵢ ⵏ ⵓⵎⴻⵛⵜⴰⵔⵉ-ⵉⵏⵓ (ⵎⴻⵊⴷⵧⵓⴱ ⵛⵀⴰⵏⵉ) ⵙⴻⴳ ⵍⵃⴻⴱⵙ ⵏ ⵍⵃⴻⵕⵕⴰⵛ ⵖⴻⵔ ⵡⵉⵏ ⵏ ⵍⴱⵓⵕⵊ ⴱⵓⵄⵕⵉⵕⵉⴵ 3 ⴽⴰⵏ ⵏ ⵡⵓⵙⵙⴰⵏ ⵓⵇⴱⴻⵍ ⵛⵛⵕⴻⵄ-ⵏⵏⴻⵙ ⴷⴻⴳ ⵍⴻⵣⵣⴰⵢⴻⵔ ⴷ ⴰⵢⴻⵏ ⵢⴻⴼⴼⵖⴻⵏ ⵉ ⵚⵚⵡⴰⴱ ⵢⴻⵔⵏⴰ ⵓⵔ ⵢⴻⵜⵜⵡⴰⵇⴱⴰⵍ ⴰⵔⴰ ⴰⴽⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴽⴻⵔⵡⴰ ⴱⴻⵍⴰⵔⵉⴼ.

« ⵥⵔⵉⵖ ⴰⵎⴻⵛⵜⴰⵔⵉ-ⵉⵏⵓ ⵜⵉⴽⴽⴻⵍⵜ ⵜⴰⵏⴻⴳⴳⴰⵔⵓⵜ ⵓⵇⴱⴻⵍ ⵎⴰ ⵡⵡⵉⵏ-ⵜ ⵖⴻⵔ ⵍⴱⵓⵕⵊ ⴱⵓⵄⵕⵉⵕⵉⴵ. ⵓⴼⵉⵖ-ⵜ-ⵉⵏ ⵢⴻⴼⵛⴻⵍ ⵢⴻⵔⵏⴰ ⵔⵔⴰⵏ-ⴰⵙ ⴰⵙⵉⵕⵓⵎ », ⴰⵢ ⴷ-ⵢⴻⵏⵏⴰ ⵓⴱⵓⴳⴰⵟⵓ-ⵏⵏⵉ ⵉ ⵜⵖⴻⵎⵙⴰ.

« ⵓⵔ ⵥⵔⵉⵖ ⴰⵔⴰ ⴰⵎⴻⴽ ⴰⵢ ⵢⴻⵍⵍⴰ ⵉⵎⵉⵔ-ⴰ, ⵎⴰⵛⴰ ⵢⴻⵙⵙⴻⴼⵔⴰ ⴰⴷ ⵢⴻⵃⴱⴻⵙ ⴰⵙⵓⵏⴷⴻⴷ-ⵏⵏⴻⵙ ⵏ ⵍⴰⵥ ⵍⴻⵅⵎⵉⵙ-ⴰ ⵉⵎⵉ ⴰⵔⴰ ⵉⵄⴻⴷⴷⵉ ⴷⴻⴳ ⵛⵛⵕⴻⵄ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⵙⵉⵏ-ⴰ ⵏ ⵢⵉⵎⴻⵜⵜⵀⵓⵎⴻⵏ ⵜⵜⵡⴰⵛⴰⵕⵄⴻⵏ ⴷⴻⴳ 2012 ⵖⴻⴼ « ⵓⵙⵙⵉⵔⴻⴷ ⵏ ⵢⵉⴷⵔⵉⵎⴻⵏ ⴷ ⵜⵊⵓⵄⴰⵍ » ⴰⵢ ⴷ-ⵢⴻⵍⵍⴰⵏ ⴳⴰⵔ 2003 ⴷ 2006 ⴷⴻⴳ ⴰⵍⴳⴻⵔⵉⴻ ⵜⴻⵍⴻⵛⵧⵎ. ⵜⵉⵅⴻⵚⵚⴰⵔⵉⵏ-ⴰ ⵇⵇⵏⴻⵏⵜ ⵖⴻⵔ ⵍⴻⵄⵇⵓⴷⴰⵜ ⴰⵢ ⵢⴻⵜⵜⵓⵏⴻⴼⴽⴻⵏ ⴷⴻⴳ ⵓⵏⵔⴰⵔ ⵏ ⵜⴻⵎⵙⴰⵡⵍⴰ ⴷ ⵉⵏⵜⴻⵔⵏⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵕⴰⴱⵓⵍ ⵏ ⵓⵡⴻⵅⵅⴻⵔ ⵏ ⵛⵛⵕⴻⵄ.

ⵜⴰⵎⵙⴰⵍⵜ-ⴰ ⵜⴻⵜⵜⵡⴰⴽⵛⴻⴼ-ⴷ ⵎⵉ ⵜⴻⵜⵜⵓⵏⴻⴼⴽ ⵍⴻⵡⵚⴰⵢⴰ ⵏ ⵓⵃⵜⴰⵛ ⵉ ⵍⵓⵅⴻⵎⴱⵧⵓⵔⴳ, ⴷⴻⴳ ⵓⴽⴰⵜⴰⵔ ⵏ ⵓⵃⵜⴰⵛ ⴷⴻⴳ ⵜⴻⵎⵙⴰⵍⵜ-ⵏⵏⵉ ⵏ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ, ⴷⵖⴰ ⴷ ⴰⵃⵜⴰⵛ-ⵏⵏⵉ ⴰⵢ ⴷ-ⵉⴽⴻⵛⴼⴻⵏ ⵜⵉⵊⵓⵄⴰⵍ ⴰⵢ ⴼⴽⴰⵏⵜ ⵜⴽⴻⴱⴱⴰⵏⵉⵢⵉⵏ ⵜⵉⵛⵉⵏⵡⴰⵜⵉⵏ ⵉ ⵙⵉⵏ-ⴰ ⵏ ⵢⵉⵎⴻⵜⵜⵀⵓⵎⴻⵏ ⴰⴽⴽⴻⵏ ⴰⴷ ⵜⴻⵏⵜ-ⵉⴷ-ⵚⴰⵃⴻⵏ ⵍⴻⵄⵇⵓⴷⴰⵜ.

ⴰⵅⵅⴰⵎ ⵏ ⵛⵛⵕⴻⵄ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⴱⴷⴰ-ⴷ ⵉⵎⵉⵔ-ⵏⵏⵉ ⴽⴰⵏ ⴰⵃⵜⴰⵛ ⴷⴻⴳ ⵜⴻⵎⵙⴰⵍⵜ-ⴰ.