ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⴻⴱⴱⴰⵏⵉⵜ ⵏ ⵛⵏⴰⵏ ⵜⴻⵟⵟⴻⴼ-ⴷ ⴰⵖⴻⵔⵔⴰⴱⵓ ⴰⵎⴰⵢⵏⵓ ⵉ ⵓⵙⵙⵉⵡⴻⴹ ⵏ ⵙⵙⴻⵍⵄⴰ

ⵍⴻⵣⵣⴰⵢⴻⵔ – ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵙⵉⵍⴻⵍ (ⵛⵏⴰⵏ) ⵜⴻⵟⵟⴻⴼ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵓⵙⴰⴳⴻⵏ (ⵍⵎⴻⵔⵚⴰ) ⵏ ⵍⴻⵣⵣⴰⵢⴻⵔ ⵢⵉⵡⴻⵏ ⵏ ⵓⵖⴻⵔⵔⴰⴱⵓ ⵏ ⵓⵎⴻⵙⵏⵉ ⵏ ⵙⵙⴻⵍⵄⴰ ⵢⴻⵔⵏⴰ ⴷ ⴰⴼⵓⴽⵔ-ⵏⵏⴻⵙ ⵏ ⵛⵏⴰⵏ-ⵏⵧⵔⴷ ⴰⵔⴰ ⵉⵖⴻⵍⵍⵜⴻⵏ ⴰⵖⴻⵔⵔⴰⴱⵓ-ⴰ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵓⵙⵙⴻⴵⵀⴻⴷ ⵏ ⵜⴰⵏⴰⵡⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵍⴻⴱⵃⴻⵕ.

ⴰⵖⴻⵔⵔⴰⴱⵓ-ⴰ ⵜⴻⴱⵏⴰ-ⵜ ⵢⴻⵔⵏⴰ ⵜⵖⴻⵍⵍⴻⵜ-ⵉⵜ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⴰⵍⵎⴰⵏⵉⵜ ⴷⴻⴳ 2012. ⵎⵉ ⵜ-ⵉⴷ-ⵜⵓⵖ ⵛⵏⴰⵏ, ⵜⵙⴻⵎⵎⴰ-ⴰⵙ « ⵛⵧⵏⵙⵜⴰⵏⵜⵉⵏⴻ » (ⵇⵙⴻⵏⵟⵉⵏⴰ). ⴰⵖⴻⵔⵔⴰⴱⵓ-ⴰ ⵢⴻⵙⵄⴰ ⵜⴰⵣⵎⴻⵔⵜ ⵏ ⵓⵎⴻⵙⵏⵉ ⵏ 12.600 ⵏ ⵢⵉⵟⵓⵏⴻⵏ ⵏⴻⵖ 700 ⵏ ⵢⵉⵏⴻⴳⴱⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵛⵏⴰⵏ-ⵏⵧⵔⴷ, ⵎⵓⵙⵜⴰⵒⵀⴰ ⴼⴻⵔⴼⴻⵔⴰ ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ ⵏ ⵓⵎⵎⴰⴳⴻⵔ ⵏ ⵓⵖⴻⵔⵔⴰⴱⵓ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵖⵙⴻⵔⵜ ⵜⴰⵡⵍⴰⵍⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⴰⵖⴻⵔⵔⴰⴱⵓ-ⴰ ⵢⴻⵙⵇⴰⵎ-ⴷ 19 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (ⴰⵣⴰⵍ ⵏ 2 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ) « ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⴰⵡⵉ ⴰⵟⴰⵙ ⵏ ⵍⴻⵚⵏⴰⴼ ⵏ ⵙⵙⴻⵍⵄⴰ ⴰⵎⴰ ⴷⴻⴳ ⵢⵉⵏⴻⴳⴱⴰⵔⴻⵏ, ⴰⵎⴰ ⴷⴻⴳ ⵍⴻⵎⵅⴰⵣⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵣⵎⴻⵔ ⴰⴷ ⵢⴰⵡⵉ ⵉⵔⴷⴻⵏ ⴷ ⵜⴻⵎⵥⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴼⴻⵔⴼⴻⵔⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⴷ ⵡⴰ ⴰⵢ ⴷ ⴰⵖⴻⵔⵔⴰⴱⵓ ⵡⵉⵙ 6 ⴰⵔⴰ ⴷ-ⴰⵖⴻⵏ ⵉ ⵜⴽⴻⴱⴱⴰⵏⵉⵜ ⵏ ⵛⵏⴰⵏ-ⵏⵧⵔⴷ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵓⵙⵙⴻⴵⵀⴻⴷ ⵏ ⵜⵣⴻⵎⵎⴰⵔ ⵏ ⵜⴽⴻⴱⴱⴰⵏⵉⵜ-ⴰ ⴰⵢ ⵢⴻⵙⵄⴰⵏ ⴰⵙⵙ-ⴰ 18 ⵏ ⵢⵉⵖⴻⵔⵔⵓⴱⴰ.

ⴷⵉⵎⴰ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ-ⴰ, ⵜⴰⴽⴻⴱⴱⴰⵏⵉⵜ ⵏ ⵛⵏⴰⵏ-ⵏⵧⵔⴷ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴻⴹⴹⴻⴼ ⴰⵖⴻⵔⵔⴰⴱⵓ ⵏ ⵙⵙⴻⵍⵄⴰ ⴰⵎⴰⵢⵏⵓ ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⵓⵜⴻⵔ ⴰⵖⴻⵔⵔⴰⴱⵓ ⴰⵎⴰⵢⵏⵓ ⵏⵉⴹⴻⵏ ⴰⵔⴰ ⴷ-ⵢⴰⵡⴹⴻⵏ ⴷⴻⴳ ⵜⴻⵣⵡⴰⵔⴰ ⵏ 2017, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.

ⴰⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰ ⵜⴰⵍⴰⵉ, ⵢⴻⵃⴷⴻⵕ ⴷⴻⴳ ⵜⴼⵓⴳⵍⴰ-ⴰ ⵏ ⵓⵎⵎⴰⴳⴻⵔ, ⵢⴻⵔⵏⴰ ⵢⵓⵎⴰⵔ (ⵢⴻⴼⵕⴻⵃ) ⵙ ⵜⵉⵖⵉⵏ-ⴰ ⴰⵔⴰ ⵢⴻⴵⴵⴻⵏ ⵜⴰⵎⵓⵔⵜ ⴰⴷ ⵜⴻⵙⵙⴻⴵⵀⴻⴷ ⵜⵉⵣⴻⵎⵎⴰⵔ-ⵏⵏⴻⵙ ⴷⴻⴳ ⵓⵎⴻⵙⵏⵉ ⵏ ⵢⵉⵎⵙⵉⴽⵍⴻⵏ ⴷ ⵙⵙⴻⵍⵄⴰ ⵙ ⵍⴻⴱⵃⴻⵕ.

ⵏⵏⵉⴳ ⵡⴰⵢⴰ, ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵖⴻⴼ ⵓⵙⵏⴻⵔⵏⵉ ⵏ ⵓⵎⵓⵔ ⵏ ⵍⴻⵣⵣⴰⵢⴻⵔ ⴷⴻⴳ ⵙⵙⵓⵇ ⴰⵖⴻⵍⵏⴰⵡ ⵏ ⵓⵙⵙⵉⵡⴻⴹ ⵙ ⵍⴻⴱⵃⴻⵕ, ⵉⵎⵉ 97% ⵙⴻⴳ ⵙⵙⵓⵇ-ⴰ ⴹⴹⴼⴻⵏⵜ-ⵜ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ.

ⴷⴻⴳ 2014, ⵜⴰⴳⵔⴰⵡⵜ ⵏ ⵛⵏⴰⵏ ⵜⴻⴱⴷⴰ ⵢⴰⴳⵉ ⴰⵖⴻⵍⵍⴻⵜ ⵏ 4 ⵏ ⵢⵉⵖⴻⵔⵔⵓⴱⴰ ⵏ ⵙⵙⴻⵍⵄⴰ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵛⵏⴰⵏ-ⵏⵧⵔⴷ.

ⵡⵉ ⴷ ⵉⵖⴻⵔⵔⵓⴱⴰ ⵏ ⵚⴰⵡⵔⴰ, ⵙⵜⵉⴷⵢⴰ, ⵙⴻⴷⵕⴰⵜⴰ ⴷ ⵅⴻⵔⵔⴰⵟⴰ, ⵢⴻⵔⵏⴰ ⵙⵙⴰⵡⴰⴹⴻⵏ ⵉⵏⴻⴳⴱⴰⵔⴻⵏ ⴷⴻⴳ ⵢⴻⵍⵍⴰ ⵜⵜⴰⵡⵉⵍ ⵢⴻⵜⵜⵡⴰⵡⴻⵀⵀⴰⵏ ⵉ ⵜⴽⴻⴱⴱⴰⵏⵉⵢⵉⵏ ⴰⵢ ⴷ-ⵢⴻⵍⵀⴰⵏ ⵙ ⵢⵉⵙⴻⵏⴼⴰⵔⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ. ⵉⵖⴻⵔⵔⵓⴱⴰ-ⴰ ⵜⵜⴻⴷⴷⵓⵏ ⴳⴰⵔ ⵍⴻⵣⵣⴰⵢⴻⵔ ⴷ ⵢⵉⵙⵓⴳⴰⵏ ⵏ ⴰⵏⵠⴻⵔⵙ (ⴱⵉⵍⵊⵉⴽ), ⵀⴰⵎⴱⵓⵔⴳ (ⵍⴰⵍⵎⴰⵏ), ⵙⵟⴻⵎⴱⵓⵍ (ⵟⵟⴻⵔⴽ) ⴷ ⵛⵀⴰⵔⵍⴻⵙⵜⵧⵏ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ).

ⵜⴰⵣⵎⴻⵔⵜ ⵏ ⵓⵙⵙⵉⵡⴻⴹ ⵏ ⵙⵙⴻⵍⵄⴰ ⵏ ⵢⵉⵖⴻⵔⵔⵓⴱⴰ-ⴰ ⵜⴻⵡⵡⴻⴹ ⵖⴻⵔ 50.000 ⵏ ⵢⵉⵟⵓⵏⴻⵏ, ⵢⴻⵔⵏⴰ ⵛⵏⴰⵏ ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴻⵙⵙⴰⵡⴰⴹ 25.000 ⵏ ⵢⵉⵏⴻⴳⴱⴰⵔⴻⵏ ⴷⴻⴳ 2015 ⵏⴻⵖ 600.000 ⵏ ⵢⵉⵟⵓⵏⴻⵏ ⵏ ⵙⵙⴻⵍⵄⴰ.

ⴰⵖⴻⵍⵍⴻⵜ ⵏ ⵢⵉⵖⴻⵔⵔⵓⴱⴰ-ⴰ ⵢⵓⴷⴻⴼ ⴷⴻⴳ ⵓⵖⴰⵡⴰⵙ ⵏ ⵜⵏⴻⴼⵍⵉⵜ ⵏ ⵜⴻⴳⵔⴰⵡⵜ-ⴰ ⴰⵢ ⵍⴰ ⵢⴻⵙⵙⴻⴼⵔⴰⵢⴻⵏ ⴰⴷ ⴷ-ⵜⴰⵖ, ⵙ ⵓⵊⴻⵎⵎⴰⵍ, 25 ⵏ ⵢⵉⵖⴻⵔⵔⵓⴱⴰ, ⴳⴰⵔ-ⴰⵙⴻⵏ 18 ⵏ ⵢⵉⵖⴻⵔⵔⵓⴱⴰ ⵏ ⵙⵙⴻⵍⵄⴰ ⵉ ⵓⴼⵓⵔⴽ-ⵏⵏⴻⵙ ⵏ ⵛⵏⴰⵏ-ⵏⵧⵔⴷ, ⴷ 7 ⵏ ⵢⵉⵖⴻⵔⵔⵓⴱⴰ ⵉ ⵓⴼⵓⵔⴽ-ⵏⵏⴻⵙ ⵏ ⵛⵏⴰⵏ ⵎⴻⴷ.

ⵉⵙⵡⵉ ⵏ ⵛⵛⵖⴻⵍ-ⴰ ⵏⴻⵜⵜⴰ ⴷ ⴰⵎⵎⴰⴳⴻⵔ ⵏ ⵓⵙⵙⵓⵜⴻⵔ ⴰⵢ ⵉⵔⴻⵏⵏⵓⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵙⵏⵉ ⵙ ⵍⴻⴱⵃⴻⵕ, ⵍⴰⴷⵖⴰ ⵉⵎⵉ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵙⵙⴻⵍⵄⴰ ⴰⵢ ⴷ-ⵜⴻⵜⵜⴰⴵⴻⵡ ⵍⴻⵣⵣⴰⵢⴻⵔ ⵙⴻⴳ ⵓⵣⵖⴰⵔ (95%) ⵢⴻⵜⵜⴰⵙ-ⴷ ⵙⴻⴳ ⵍⴻⴱⵃⴻⵕ.

ⵉⵙⵡⵉ ⵏ ⵓⵖⴰⵡⴰⵙ-ⴰ ⵏⴻⵜⵜⴰ ⴷ ⴰⵙⵙⴻⵎⵖⴻⵔ ⵏ ⵓⵎⵓⵔ ⵏ ⵙⵙⵓⵇ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ ⴷⴻⴳ ⵓⵎⴻⵙⵏⵉ ⵙ ⵍⴻⴱⵃⴻⵔ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ 25% ⵙⴻⴳ-ⴰ ⵖⴻⵔ 2020, ⵢⴻⵔⵏⴰ ⴰⴷ ⵙⵄⵓⵏⵜ ⵜⴽⴻⴱⴱⴰⵏⵉⵢⵉⵏ-ⴰ ⵉⵖⴻⵔⵔⵓⴱⴰ ⵉⵡⴰⵜⴰⵏ.

ⵍⴻⵣⵣⴰⵢⴻⵔ ⵜⴻⵙⵄⴰ ⴰⵙⵙ-ⴰ 12 ⴽⴰⵏ ⵏ ⵢⵉⵖⴻⵔⵔⵓⴱⴰ.