ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ 1 ⵏ ⵎⵧⴱⵉⵍⵉⵙ:ⴱⴻⵣⵣⴰⵣ ⵢⴻⵙⵜⴻⵏⵢⴰ ⵍⴻⵄⵇⴻⴷ ⴷ ⵛⵙ ⵇⵙⴻⵏⵟⵉⵏⴰ

ⵇⵙⴻⵏⵟⵉⵏⴰ – ⴰⵎⴻⵏⵟⴰⴳ ⴰⴳⵔⴰⵖⵍⴰⵏ ⵢⴰⵛⵉⵏⴻ ⴱⴻⵣⵣⴰⵣ (33 ⵏ ⵢⵉⵙⴻⴳⴳⴰⵙⴻⵏ) ⵢⴻⵙⵜⴻⵏⵢⴰ ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ ⴷⴻⴳ ⵇⵙⴻⵏⵟⵉⵏⴰ ⵍⴻⵄⵇⴻⴷ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴷ ⵜⴻⵖⵍⴰⵎⵜ ⵏ ⵛⵙ ⵇⵙⴻⵏⵟⵉⵏⴰ.

ⴱⴻⵣⵣⴰⵣ ⵉⵅⴻⴱⴱⴻⵔ-ⴷ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴷ ⴰⴽⴽⴻⵏ ⵢⵓⵎⴰⵔ (ⵢⴻⴼⵕⴻⵃ) ⴰⵟⴰⵙ ⵉⵎⵉ ⴰⵢ ⴷ-ⵢⴻⵇⵇⴻⵍ ⴰⴷ ⵢⵓⵔⴰⵔ ⴷⴻⴳ ⵜⴻⵖⵍⴰⵎⵜ ⴰⵢ ⵜ-ⵢⴻⴵⴵⴰⵏ ⴰⴷ ⴷ-ⵢⴻⴼⵔⵓⵔⴻⵅ ⵓⴳⴰⵔ ⵏ 15 ⵏ ⵢⵉⵙⴻⴳⴳⴰⵙⴻⵏ ⴰⵢⴰ.

« ⵎⵙⴻⴼⵀⴰⵎⴻⵖ ⴷ ⵎⵛ ⵡⴻⵀⵕⴰⵏ ⵢⴻⵍⵍⴰⵏ ⴷ ⵜⴰⵖⵍⴰⵎⵜ ⴰⵢ ⵃⴻⵎⵎⵍⴻⵖ ⵢⴻⵔⵏⴰ ⵜⵜⵇⴰⴷⴰⵔⴻⵖ-ⵜⵜ ⴰⵟⴰⵙ, ⵢⴻⵔⵏⴰ ⵍⴻⴱⵖⵉ ⴰⴽⴽⴻⵏ ⴰⴷ ⴷ-ⵇⵇⵍⴻⵖ ⵖⴻⵔ ⵜⴻⵖⵍⴰⵎⵜ ⵄⵣⵉⵣⴻⵏ ⵖⴻⴼ ⵡⵓⵍ-ⵉⵏⵓ ⴷ ⵏⴻⵜⵜⴰ ⴰⵢ ⵉⴵⴻⵀⴷⴻⵏ ⵓⴳⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴻⵏⵟⴰⴳ ⴰⵇⴱⵓⵔ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵢⴻⵙⵙⴰⵔⴰⵎ ⵛⵙ ⵇⵙⴻⵏⵟⵉⵏⴰ ⴰⴷ ⵜⴻⵔⴱⴻⵃ ⵜⴰⵍⵖⵓⵖⴰ.

ⵢⴰⵛⵉⵏⴻ ⴱⴻⵣⵣⴰⵣ ⵢⴻⴱⴷⴰ-ⴷ ⴰⵎⴻⵛⵡⴰⵕ-ⵏⵏⴻⵙ ⴷⴻⴳ ⵛⵙ ⵇⵙⴻⵏⵟⵉⵏⴰ, ⵜⴰⵖⵍⴰⵎⵜ ⵜⴰⵇⴱⵓⵔⵜ ⴰⴽⴽ ⵏ ⵓⴳⵎⵓⴹ (ⵛⵛⴻⵔⵇ) ⵏ ⵍⴻⵣⵣⴰⵢⴻⵔ, ⴷⴻⴳ ⵜⴳⴰⵔⴰ ⵏ ⵢⵉⵙⴻⴳⴳⴰⵙⴻⵏ ⵏ 2000, ⵙⴰⴽⴽⵉⵏ ⵢⴻⴷⴷⴰ ⵖⴻⵔ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ (ⵊⵙⴽ) ⴰⵏⴷⴰ ⴰⵢ ⵢⵓⵔⴰⵔ ⵜⴰⵙⴻⵎⵀⵓⵢⵜ ⵏ 2001-2002, ⵙⴰⴽⴽⵉⵏ ⵢⴻⵏⵏⴻⵊⵍⵉ ⵖⴻⵔ ⴼⵕⴰⵏⵙⴰ ⴰⵏⴷⴰ ⴰⵢ ⵢⵓⵔⴰⵔ ⵓⴳⴰⵔ ⵏ 10 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⴰⵊⴰⵛⵛⵉⵧ ⴷ ⵠⴰⵍⴻⵏⵛⵉⴻⵏⵏⴻⵙ (ⵜⴰⵎⵖⵓⵏⵜ 1ⵓⵜ ⵏ ⴼⵕⴰⵏⵙⴰ), ⵙⵜⵔⴰⵙⴱⵧⵓⵔⴳ ⴷ ⵜⵔⵧⵢⴻⵙ (ⵜⴰⵎⵖⵓⵏⵜ ⵜⵉⵙ 2).