Asebter amenzawi
Tamɣunt 1ut n Mobilis: « S uxeddim-inu ɣer JS Ṣawra, ɛawdeɣ qqleɣ-d s lfeṛḥ ɣer tkurt n uḍar tazzayrit » (Bernard)
BECCAṚ - Asleɣmay amaynu n JS Ṣawra (Tamɣunt 1ut), Afṛensis Simondi Bernard yenna-d ass n laṛebɛa tameddit deg Beccaṛ d akken s umahil-nnes ɣer teɣlamt-a, iɛawed yeqqel-d s lfeṛḥ ɣer tkurt n uḍar tadzayrit.
« Tisin-inu ɣer teɣlamt-a n Temɣunt 1ut n telɣuɣa n Lezzayer d tin ara iyi-yeǧǧen ad d-qqleɣ s lfeṛḥ ɣer tkurt n uḍar tadzayrit, yerna ad xedmenɣ akken ara smeɣreɣ taɣlamt-a », ɣef wakken ay d-yenna deg yiwen n usarag n tɣemsa ay iga deg uxxam n tmehla tamatut n JS Ṣawra deg Beccaṛ.
« Ufiɣ-d daɣ yiwet n teɣlamt n umahil yelhan deg temṣukiwin tideblanin d ttekniyin n teɣlamt-a, yerna imḍebbren-nnes sɛan afud akken ad xedmen, akken ay t-sɛiɣ ula d nekk. S waya, ssarameɣ ur ttxeyyibeɣ ara imḍebbren d yimariren » n teɣlamt-a, ɣef wakken ay d-yenna usleɣmay amaynu n JS Ṣawra ay testenyan leɛqed n useggas d teɣlamt-a.
« Tamezwarut, ttwaliɣ d akken imariren imaynuten ay d-ssadfen d ayen yelhan i teɣlamt-a ay yesɛan tizemmar yelhan ara tt-yeǧǧen ad tessefṛeḥ imfeṛṛǧen-nnes », ɣef wakken ay d-yenna.
Simondi Bernard yesleɣma yagi ES Sḍif deg 2007, yerna yusa-d deg umkan n Hankouch Mohamed akken ad yesleɣmu JS Ṣawra. Bernard yesɛa amecwaṛ n 30 n yiseggasen deg usleɣmu, yerna yexdem ɣer waṭas n teɣlamin, taneggarut deg-sent (gar 2012 d 2013) d taɣlamt taqaṭarit n El Kharatia n taẓult 1ut n tmurt-a.
Bernard yexdem daɣ d anemhal atekni n teɣlamt taɣelnawt n Ginya deg 2000, d tin n Benin gar 2001 d 2004.
Aṭas seg yimḍebbren d yimfeṛṛǧen n teɣlamt n JS Ṣawra ay yettwalin d akken asleɣmay-a ay yesɛan ttejṛiba ad yefk lǧehd i teɣlamt-a yerna ad tessiweḍ ad terfed aswir-nnes akken ad turar gar teɣlamin tuẓwirin n Temɣunt 1ut n Lezzayer.
JS Ṣawra tessadef-d, seg melmi kan, 5 n yimariren imaynuten. Wi d amenṭag ivwaṛi André Rista Mustapha (ay yellan yetturar naqal deg teɣlamt n Gil Vincente Futebol Club n Puṛtugal) d umenṭag Mustapha Djalit (yellan deg MC Lezzayer), alemmas n unrar Mohamed Lagraa (n ES Sḍif), Mohamed Walid Tiboutine (n USM Ḥeǧǧuṭ) d uɛessas n yiswi Houari Djemili (MC Lezzayer). Imariren-a stenyan leɛqudat n 2 n yiseggasen, ɣer yidis n Mohamed Zaidi ay d-yeqqlen ula d ɣer teɣlamt-a.
