ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ: « ⵙ ⵓⵅⴻⴷⴷⵉⵎ-ⵉⵏⵓ ⵖⴻⵔ ⵊⵙ ⵚⴰⵡⵔⴰ, ⵄⴰⵡⴷⴻⵖ ⵇⵇⵍⴻⵖ-ⴷ ⵙ ⵍⴼⴻⵕⵃ ⵖⴻⵔ ⵜⴽⵓⵔⵜ ⵏ ⵓⴹⴰⵔ ⵜⴰⵣⵣⴰⵢⵔⵉⵜ » (ⴱⴻⵔⵏⴰⵔⴷ)

ⴱⴻⵛⵛⴰⵕ - ⴰⵙⵍⴻⵖⵎⴰⵢ ⴰⵎⴰⵢⵏⵓ ⵏ ⵊⵙ ⵚⴰⵡⵔⴰ (ⵜⴰⵎⵖⵓⵏⵜ 1ⵓⵜ), ⴰⴼⵕⴻⵏⵙⵉⵙ ⵙⵉⵎⵧⵏⴷⵉ ⴱⴻⵔⵏⴰⵔⴷ ⵢⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⴱⴻⵛⵛⴰⵕ ⴷ ⴰⴽⴽⴻⵏ ⵙ ⵓⵎⴰⵀⵉⵍ-ⵏⵏⴻⵙ ⵖⴻⵔ ⵜⴻⵖⵍⴰⵎⵜ-ⴰ, ⵉⵄⴰⵡⴻⴷ ⵢⴻⵇⵇⴻⵍ-ⴷ ⵙ ⵍⴼⴻⵕⵃ ⵖⴻⵔ ⵜⴽⵓⵔⵜ ⵏ ⵓⴹⴰⵔ ⵜⴰⴷⵣⴰⵢⵔⵉⵜ.

« ⵜⵉⵙⵉⵏ-ⵉⵏⵓ ⵖⴻⵔ ⵜⴻⵖⵍⴰⵎⵜ-ⴰ ⵏ ⵜⴻⵎⵖⵓⵏⵜ 1ⵓⵜ ⵏ ⵜⴻⵍⵖⵓⵖⴰ ⵏ ⵍⴻⵣⵣⴰⵢⴻⵔ ⴷ ⵜⵉⵏ ⴰⵔⴰ ⵉⵢⵉ-ⵢⴻⴵⴵⴻⵏ ⴰⴷ ⴷ-ⵇⵇⵍⴻⵖ ⵙ ⵍⴼⴻⵕⵃ ⵖⴻⵔ ⵜⴽⵓⵔⵜ ⵏ ⵓⴹⴰⵔ ⵜⴰⴷⵣⴰⵢⵔⵉⵜ, ⵢⴻⵔⵏⴰ ⴰⴷ ⵅⴻⴷⵎⴻⵏⵖ ⴰⴽⴽⴻⵏ ⴰⵔⴰ ⵙⵎⴻⵖⵔⴻⵖ ⵜⴰⵖⵍⴰⵎⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵉⴳⴰ ⴷⴻⴳ ⵓⵅⵅⴰⵎ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵊⵙ ⵚⴰⵡⵔⴰ ⴷⴻⴳ ⴱⴻⵛⵛⴰⵕ.

« ⵓⴼⵉⵖ-ⴷ ⴷⴰⵖ ⵢⵉⵡⴻⵜ ⵏ ⵜⴻⵖⵍⴰⵎⵜ ⵏ ⵓⵎⴰⵀⵉⵍ ⵢⴻⵍⵀⴰⵏ ⴷⴻⴳ ⵜⴻⵎⵚⵓⴽⵉⵡⵉⵏ ⵜⵉⴷⴻⴱⵍⴰⵏⵉⵏ ⴷ ⵜⵜⴻⴽⵏⵉⵢⵉⵏ ⵏ ⵜⴻⵖⵍⴰⵎⵜ-ⴰ, ⵢⴻⵔⵏⴰ ⵉⵎⴹⴻⴱⴱⵔⴻⵏ-ⵏⵏⴻⵙ ⵙⵄⴰⵏ ⴰⴼⵓⴷ ⴰⴽⴽⴻⵏ ⴰⴷ ⵅⴻⴷⵎⴻⵏ, ⴰⴽⴽⴻⵏ ⴰⵢ ⵜ-ⵙⵄⵉⵖ ⵓⵍⴰ ⴷ ⵏⴻⴽⴽ. ⵙ ⵡⴰⵢⴰ, ⵙⵙⴰⵔⴰⵎⴻⵖ ⵓⵔ ⵜⵜⵅⴻⵢⵢⵉⴱⴻⵖ ⴰⵔⴰ ⵉⵎⴹⴻⴱⴱⵔⴻⵏ ⴷ ⵢⵉⵎⴰⵔⵉⵔⴻⵏ » ⵏ ⵜⴻⵖⵍⴰⵎⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⵍⴻⵖⵎⴰⵢ ⴰⵎⴰⵢⵏⵓ ⵏ ⵊⵙ ⵚⴰⵡⵔⴰ ⴰⵢ ⵜⴻⵙⵜⴻⵏⵢⴰⵏ ⵍⴻⵄⵇⴻⴷ ⵏ ⵓⵙⴻⴳⴳⴰⵙ ⴷ ⵜⴻⵖⵍⴰⵎⵜ-ⴰ.

« ⵜⴰⵎⴻⵣⵡⴰⵔⵓⵜ, ⵜⵜⵡⴰⵍⵉⵖ ⴷ ⴰⴽⴽⴻⵏ ⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⴰⵢ ⴷ-ⵙⵙⴰⴷⴼⴻⵏ ⴷ ⴰⵢⴻⵏ ⵢⴻⵍⵀⴰⵏ ⵉ ⵜⴻⵖⵍⴰⵎⵜ-ⴰ ⴰⵢ ⵢⴻⵙⵄⴰⵏ ⵜⵉⵣⴻⵎⵎⴰⵔ ⵢⴻⵍⵀⴰⵏ ⴰⵔⴰ ⵜⵜ-ⵢⴻⴵⴵⴻⵏ ⴰⴷ ⵜⴻⵙⵙⴻⴼⵕⴻⵃ ⵉⵎⴼⴻⵕⵕⴵⴻⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⵉⵎⵧⵏⴷⵉ ⴱⴻⵔⵏⴰⵔⴷ ⵢⴻⵙⵍⴻⵖⵎⴰ ⵢⴰⴳⵉ ⴻⵙ ⵙⴹⵉⴼ ⴷⴻⴳ 2007, ⵢⴻⵔⵏⴰ ⵢⵓⵙⴰ-ⴷ ⴷⴻⴳ ⵓⵎⴽⴰⵏ ⵏ ⵀⴰⵏⴽⵧⵓⵛⵀ ⵎⵧⵀⴰⵎⴻⴷ ⴰⴽⴽⴻⵏ ⴰⴷ ⵢⴻⵙⵍⴻⵖⵎⵓ ⵊⵙ ⵚⴰⵡⵔⴰ. ⴱⴻⵔⵏⴰⵔⴷ ⵢⴻⵙⵄⴰ ⴰⵎⴻⵛⵡⴰⵕ ⵏ 30 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵓⵙⵍⴻⵖⵎⵓ, ⵢⴻⵔⵏⴰ ⵢⴻⵅⴷⴻⵎ ⵖⴻⵔ ⵡⴰⵟⴰⵙ ⵏ ⵜⴻⵖⵍⴰⵎⵉⵏ, ⵜⴰⵏⴻⴳⴳⴰⵔⵓⵜ ⴷⴻⴳ-ⵙⴻⵏⵜ (ⴳⴰⵔ 2012 ⴷ 2013) ⴷ ⵜⴰⵖⵍⴰⵎⵜ ⵜⴰⵇⴰⵟⴰⵔⵉⵜ ⵏ ⴻⵍ ⴽⵀⴰⵔⴰⵜⵉⴰ ⵏ ⵜⴰⵥⵓⵍⵜ 1ⵓⵜ ⵏ ⵜⵎⵓⵔⵜ-ⴰ.

ⴱⴻⵔⵏⴰⵔⴷ ⵢⴻⵅⴷⴻⵎ ⴷⴰⵖ ⴷ ⴰⵏⴻⵎⵀⴰⵍ ⴰⵜⴻⴽⵏⵉ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⴳⵉⵏⵢⴰ ⴷⴻⴳ 2000, ⴷ ⵜⵉⵏ ⵏ ⴱⴻⵏⵉⵏ ⴳⴰⵔ 2001 ⴷ 2004.

ⴰⵟⴰⵙ ⵙⴻⴳ ⵢⵉⵎⴹⴻⴱⴱⵔⴻⵏ ⴷ ⵢⵉⵎⴼⴻⵕⵕⴵⴻⵏ ⵏ ⵜⴻⵖⵍⴰⵎⵜ ⵏ ⵊⵙ ⵚⴰⵡⵔⴰ ⴰⵢ ⵢⴻⵜⵜⵡⴰⵍⵉⵏ ⴷ ⴰⴽⴽⴻⵏ ⴰⵙⵍⴻⵖⵎⴰⵢ-ⴰ ⴰⵢ ⵢⴻⵙⵄⴰⵏ ⵜⵜⴻⵊⵕⵉⴱⴰ ⴰⴷ ⵢⴻⴼⴽ ⵍⴵⴻⵀⴷ ⵉ ⵜⴻⵖⵍⴰⵎⵜ-ⴰ ⵢⴻⵔⵏⴰ ⴰⴷ ⵜⴻⵙⵙⵉⵡⴻⴹ ⴰⴷ ⵜⴻⵔⴼⴻⴷ ⴰⵙⵡⵉⵔ-ⵏⵏⴻⵙ ⴰⴽⴽⴻⵏ ⴰⴷ ⵜⵓⵔⴰⵔ ⴳⴰⵔ ⵜⴻⵖⵍⴰⵎⵉⵏ ⵜⵓⵥⵡⵉⵔⵉⵏ ⵏ ⵜⴻⵎⵖⵓⵏⵜ 1ⵓⵜ ⵏ ⵍⴻⵣⵣⴰⵢⴻⵔ.

ⵊⵙ ⵚⴰⵡⵔⴰ ⵜⴻⵙⵙⴰⴷⴻⴼ-ⴷ, ⵙⴻⴳ ⵎⴻⵍⵎⵉ ⴽⴰⵏ, 5 ⵏ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ. ⵡⵉ ⴷ ⴰⵎⴻⵏⵟⴰⴳ ⵉⵠⵡⴰⵕⵉ ⴰⵏⴷⵔé ⵔⵉⵙⵜⴰ ⵎⵓⵙⵜⴰⵒⵀⴰ (ⴰⵢ ⵢⴻⵍⵍⴰⵏ ⵢⴻⵜⵜⵓⵔⴰⵔ ⵏⴰⵇⴰⵍ ⴷⴻⴳ ⵜⴻⵖⵍⴰⵎⵜ ⵏ ⴳⵉⵍ ⵠⵉⵏⵛⴻⵏⵜⴻ ⴼⵓⵜⴻⴱⵧⵍ ⵛⵍⵓⴱ ⵏ ⵒⵓⵕⵜⵓⴳⴰⵍ) ⴷ ⵓⵎⴻⵏⵟⴰⴳ ⵎⵓⵙⵜⴰⵒⵀⴰ ⴷⵊⴰⵍⵉⵜ (ⵢⴻⵍⵍⴰⵏ ⴷⴻⴳ ⵎⵛ ⵍⴻⵣⵣⴰⵢⴻⵔ), ⴰⵍⴻⵎⵎⴰⵙ ⵏ ⵓⵏⵔⴰⵔ ⵎⵧⵀⴰⵎⴻⴷ ⵍⴰⴳⵔⴰⴰ (ⵏ ⴻⵙ ⵙⴹⵉⴼ), ⵎⵧⵀⴰⵎⴻⴷ ⵡⴰⵍⵉⴷ ⵜⵉⴱⵧⵓⵜⵉⵏⴻ (ⵏ ⵓⵙⵎ ⵃⴻⴵⴵⵓⵟ) ⴷ ⵓⵄⴻⵙⵙⴰⵙ ⵏ ⵢⵉⵙⵡⵉ ⵀⵧⵓⴰⵔⵉ ⴷⵊⴻⵎⵉⵍⵉ (ⵎⵛ ⵍⴻⵣⵣⴰⵢⴻⵔ). ⵉⵎⴰⵔⵉⵔⴻⵏ-ⴰ ⵙⵜⴻⵏⵢⴰⵏ ⵍⴻⵄⵇⵓⴷⴰⵜ ⵏ 2 ⵏ ⵢⵉⵙⴻⴳⴳⴰⵙⴻⵏ, ⵖⴻⵔ ⵢⵉⴷⵉⵙ ⵏ ⵎⵧⵀⴰⵎⴻⴷ ⵣⴰⵉⴷⵉ ⴰⵢ ⴷ-ⵢⴻⵇⵇⵍⴻⵏ ⵓⵍⴰ ⴷ ⵖⴻⵔ ⵜⴻⵖⵍⴰⵎⵜ-ⴰ.