ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ: ⵉⴼⴰⵍⴻⵙⵟⵉⵏⵉⵢⴻⵏ ⵙⵙⴻⵔⵙⴻⵏ ⴰⴽⴰⵔⴰⵎ-ⵏⵙⴻⵏ ⴰⵎⴻⵣⵡⴰⵔⵓ ⵎⴳⴰⵍ ⵉⵙⵕⴰⵢⵉⵍ

ⵍⴰ ⵀⴰⵢⴻ – ⴰⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⵢⴻⵛⵛⴻⵜⴽⴰ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵢⴻⵔⵏⴰ ⵢⴻⵙⵙⴻⵔⵙ ⴰⴽⴰⵔⴰⵎ ⵢⴻⵜⵜⵡⴰⴼⴻⵚⵚⵍⴻⵏ ⴰⴽⴽⴻⵏ ⴰⴷ ⵢⴻⵜⵜⵡⴰⵔⵥⴻⵎ ⵓⵃⵜⴰⵛ ⵖⴻⴼ ⵜⴻⵊⵔⵉⵎⵉⵏ ⵏ ⵟⵟⵔⴰⴷ ⴰⵢ ⵉⴳⴰ ⵢⵉⴳⴻⵏ ⵉⵙⵕⴰⵢⵉⵍⵉ.

« ⴰⵡⴰⵏⴰⴽ ⵏ ⴼⴰⵍⴻⵙⵟⵉⵏ ⵉⵕⴻⴳⴳⴻⵎ ⴰⴷ ⵢⴻⵎⵄⴰⵡⴰⵏ ⴷ ⵓⵅⵅⴰⵎ ⵏ ⵛⵛⵕⴻⵄ, ⴰⴷ ⴰⵙ-ⴷ-ⵢⴻⴼⴽ ⵜⵉⵍⵖⴰ ⵉⵡⴰⵜⴰⵏ, ⵢⴻⵔⵏⴰ ⴷ ⴰⵢⴰ ⴰⵢ ⵍⴰ ⵢⴻⵜⵜⴻⴳ ⴰⵙⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⴼⴰⵍⴻⵙⵟⵉⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⵢⴰⴷ ⴰⵍ-ⵎⴰⵍⴽⵉ, ⵉ ⵢⵉⵏⴻⵖⵎⴰⵙⴻⵏ ⵙⴷⴰⵜ ⵓⵅⵅⴰⵎ ⵏ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⴷⴻⴳ ⵍⴰ ⵀⴰⵢⴻ.

« ⵜⵉⵍⵖⴰ ⴰⵢ ⴷ-ⵢⴻⴼⴽⴰ ⵓⵡⴰⵏⴰⴽ ⵏ ⴼⴰⵍⴻⵙⵟⵉⵏ ⴰⴷⴻⵏⵏⵉⵜ (ⵍⴰⴱⵓⴷⴷ) ⴰⴷ ⵙⵙⵉⵡⴹⴻⵏⵜ ⵖⴻⵔ ⵓⵔⵥⴰⵎ ⵏ ⵓⵃⵜⴰⵛ ⵖⴻⴼ ⵣⵉⴽ ⵍⵃⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵖⵍⵉⴼ.

ⵜⵉⵎⵡⴻⴽⴽⴻⵍⵜ ⴼⴰⵜⵧⵓ ⴱⴻⵏⵙⵧⵓⴷⴰ ⵜⴻⴱⴷⴰ, ⴷⴻⴳ ⵢⴻⵏⵏⴰⵢⴻⵔ, ⴰⵙⵙⵓⴽⴽⵓ ⵏ ⵜⵉⴹ ⵖⴻⴼ ⵜⴻⵎⵙⴰⵍⵜ-ⴰ ⴰⴽⴽⴻⵏ ⴰⴷ ⵜⵥⴻⵔ ⵎⴰ ⵜⴻⵙⵄⴰ ⴰⵏⴻⵛⵜ ⴰⵔⴰ ⵜⵜ-ⵉⴷ-ⵉⵇⴰⵎⴻⵏ ⴷ ⵉⴼⴻⵔⴷⵉⵙⴻⵏ ⴰⴽⴽⴻⵏ ⴰⴷ ⵜⴻⵔⵥⴻⵎ ⴰⵃⵜⴰⵛ ⵖⴻⴼ ⵜⴻⵊⵔⵉⵎⵉⵏ ⵏ ⵓⵎⴳⴰⵔⵓ ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ ⴷⴻⴳ ⵓⵏⴻⴱⴷⵓ ⵏ 2014.

ⴰⴽⴰⵔⴰⵎ ⴰⵢ ⵢⴻⵔⵙⴻⵏ ⴰⵙⵙ ⵏ ⵍⴻⵅⵎⵉⵙ ⵢⴻⵔⵣⴰ ⵙⵏⴰⵜ ⵏ ⵜⴻⵎⵙⴰⵍ.

ⵜⴰⵎⵙⴰⵍⵜ ⵜⴰⵎⴻⵣⵡⴰⵔⵓⵜ ⴷ ⵜⵉⵊⵔⵉⵎⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ Ɣⴻⵣⵣⴰ ⵎⵉ ⵜⵄⴻⴷⴷⴰⵏ ⴼⴻⵍⵍ-ⴰⵙ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ. ⴰⵜⵄⴻⴷⴷⵉ-ⴰ ⵢⴻⴳⵍⴰ ⵙ ⵜⵎⴻⵜⵜⴰⵏⵜ ⵏ 2.200 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏ ⴷ ⵉⵖⴰⵔⵉⵎⴻⵏ, ⴷ 73 ⵏ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ.

ⵜⵉⵙ ⵙⵏⴰⵜ ⵜⴻⵔⵣⴰ « ⴰⵙⵙⴻⵀⵔⴻⵙ ⵉⵙⵕⴰⵢⵉⵍⵉ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ».

« ⴰⵔⴱⴰⵃ ⵏ ⵛⵛⵕⴻⵄ-ⴰ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵜⴻⵖⵜⴰⵙ ⵜⵉⴼⴰⵍⴻⵙⵟⵉⵏⵢⵉⵏ, ⴰⵎⴰ ⴷ ⵜⵉⴷ ⵢⴻⵎⵎⵓⵜⴻⵏ, ⴰⵎⴰ ⴷ ⵜⵉⴷ ⵢⴻⴷⴷⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴻⵍ ⵎⴰⵍⴽⵉ ⴰⵢ ⴷ-ⵉⵃⴻⵜⵜⴻⵜⴻⵏ ⴷ ⴰⴽⴽⴻⵏ « ⴼⴰⵍⴻⵙⵟⵉⵏ ⵜⴻⴼⵔⴻⵏ ⴰⴷ ⵜⴻⵙⵙⵓⵜⴻⵔ ⵍⵃⴻⵇⵇ, ⵎⴰⵛⵉ ⴰⴷ ⴷ-ⵜⴻⵔⵔ ⵜⵜⴰⵕ ».

ⴼⴰⵍⴻⵙⵟⵉⵏ ⴷ ⵜⴰⵎⴰⵙⵍⴰⴹⵜ ⴷⴻⴳ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵙⴻⴳ ⵡⴰⵙⵙ ⵏ 1 ⵢⴻⴱⵔⵉⵔ. ⴰⵙⵙⴻⴽⵢⴻⴷ ⴰⵢ ⵜⴻⴱⴷⴰ ⴱⴻⵏⵙⵧⵓⴷⴰ ⴷⴻⴳ ⵢⴻⵏⵏⴰⵢⴻⵔ ⴷ ⵡⵉⵏ ⴰⵢ ⴷ-ⵢⴻⵍⵍⴰⵏ ⴰⵙⵎⵉ ⴰⵢ ⵢⴻⴵⴵⴰ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⴰⴷ ⵢⴻⵃⵜⴻⵛ ⵖⴻⴼ ⵜⵉⵊⵔⵉⵎⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⴽⴰⵍⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⵙⴻⴳ 13 ⵢⵓⵏⵢⵓ 2014 ⴷ ⴰⵙⴰⵡⴻⵏ.

ⵢⵉⵡⴻⵜ ⵙⴻⴳ ⵜⴻⴷⵢⴰⵏⵉⵏ ⴰⵢⵖⴻⴼ ⴷ-ⵢⴻⵍⵍⴰ ⵓⵎⵊⴰⴷⴻⵍ ⴷ ⴰⵎⴻⵇⵔⴰⵏ ⴷⴻⴳ ⵓⵜⵄⴻⴷⴷⵉ ⵖⴻⴼ Ɣⴻⵣⵣⴰ ⵏⴻⵜⵜⴰ ⴷ ⴰⵙⵎⵉ ⴰⵢ ⵡⵜⴻⵏ ⵢⵉⵙⴻⵔⴷⴰⵙⴻⵏ ⵉⵚⴻⵀⵢⵓⵏⵉⵢⴻⵏ ⵙ ⵍⴱⵓⵎⴱⴰⵜ ⵢⵉⵡⴻⵏ ⵏ ⵓⵖⴻⵔⴱⴰⵣ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴼⴼⵔⴻⵏ ⵡⵉⴷ ⵓⵎⵉ ⵀⵓⴷⴷⴻⵏ ⵉⵅⵅⴰⵎⴻⵏ.

ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵙⴱⴻⴷⴷⴻⵏ-ⵜ-ⵉⴷ ⴷⴻⴳ 2002, ⵢⴻⵔⵏⴰ ⵛⵛⵖⴻⵍ-ⵏⵏⴻⵙ ⵏⴻⵜⵜⴰ ⴷ ⴰⵛⴰⵕⴻⵄ ⵏ ⵢⵉⵎⴹⴻⴱⴱⵔⴻⵏ ⴷⴻⴳ ⵜⴻⵎⵙⴰⵍ ⵏ ⵓⵙⵙⴻⵏⴳⴻⵔ ⵏ ⵢⵉⵎⴷⴰⵏⴻⵏ, ⵜⵉⵊⵔⵉⵎⵉⵏ ⵎⴳⴰⵍ ⵜⴰⵍⵙⴰ ⴷ ⵜⴻⵊⵔⵉⵎⵉⵏ ⵏ ⵟⵟⵔⴰⴷ.

ⵢⵉⵡⴻⵜ ⵏ ⵜⵙⴻⵇⵇⴰⵎⵓⵜ ⵏ ⵓⵃⵜⴰⵛ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⵏⵏⴰ-ⴷ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⵡⴻⵏ ⵏ ⵓⵕⴰⴱⵓⵍ, ⴷ ⴰⴽⴽⴻⵏ « ⵢⴻⵔⵎⴻⵔ ⵍⵃⴰⵍ ⴰⴷ ⵜⵉⵍⵉ ⵜⴳⴰ (ⵉⵙⵕⴰⵢⵉⵍ) ⵜⵉⵊⵔⵉⵎⵉⵏ ⵏ ⵟⵟⵔⴰⴷ » ⴷⴻⴳ ⵓⵜⵄⴻⴷⴷⵉ-ⴰ.