ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ: ⵜⵉⵖⵔⵉ ⵉ ⵓⵙⵙⴻⵄⵊⴻⵍ ⵏ ⵜⵓⴽⴽⵙⴰ ⵏ ⵍⵉⵙⵜⵉⵄⵎⴰⵕ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ
ⵏⴻⵡ ⵢⵧⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵜⵉⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵇⵇⴰⵎⵓ ⴰⵢ ⴷ-ⵢⴻⵍⵀⴰⵏ ⵙ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵕ) ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴳⵔⴻⵏ-ⴷ ⵜⵉⵖⵔⵉ ⵉ ⵓⵙⵙⴻⵄⵊⴻⵍ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵙ ⵓⵙⵙⵓⴷⴷⴻⵙ, ⵡⴰⵔ ⵍⴻⵄⴹⵉⵍ, ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⴰⴽⴽⴻⵏ ⴰⴷ ⵢⴻⵣⵎⴻⵔ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵜⵜ-ⵉⴷ-ⵢⴻⴼⵔⵓ ⵙ ⵜⵍⴻⵍⵍⵉ ⵖⴻⴼ ⵓⵣⴻⴽⴽⴰ-ⵏⵏⴻⵙ.
ⴷⴻⴳ ⵜⵖⵉⵎⵉⵜ ⴰⵢ ⴷ-ⵢⴻⵍⵍⴰⵏ ⵉ ⵓⵙⵙⴻⴽⵢⴻⴷ ⵏ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⴷⴻⴳ ⵓⵅⵅⴰⵎ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴳⴰⵔ 15 ⴷ 25 ⵢⵓⵏⵢⵓ, ⵜⵉⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷ ⵜⵎⵓⵔⴰ ⵜⵉⵎⴰⵏⴰⵢⵉⵏ ⵏ ⵓⵙⴻⵇⵇⴰⵎⵓ-ⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴳⵔⴻⵏⵜ-ⴷ ⵜⵉⵖⵔⵉ ⵉ ⵎⴻⵕⵕⵓⴽ « ⴰⴽⴽⴻⵏ ⴰⴷ ⵜⴻⴳ ⵍⵡⴰⴵⴻⴱ-ⵏⵏⴻⵙ ⴰⴳⵔⴰⵖⵍⴰⵏ ⵙ ⵓⵇⴰⴷⴻⵔ ⵏ ⵓⵣⵔⴻⴼ ⵓⵔ ⵢⴻⵜⵜⵡⴰⵏⴽⴰⵕⴻⵏ ⵏ ⵢⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ ⴰⴷ ⵜⵜ-ⵉⴷ-ⴼⵔⵓⵏ ⵖⴻⴼ ⵓⵣⴻⴽⴽⴰ-ⵏⵙⴻⵏ ⵙ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ ⵏ ⴼⴻⵔⵔⵓ ⵏ 1991 ⴰⵢ ⵢⴻⵙⵄⴻⴷⴷⴰ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙ ⵓⵏⴻⵎⵣⴰⵍ ».
ⵙ ⵡⴰⵢⴰ, ⵉⴳⴻⵏⵙⴰⵙⴻⵏ ⵏ ⵠⴻⵏⴻⵣⵓⴻⵍⴰ, ⴻⵛⵓⴰⴷⵧⵔ, ⴽⵓⴱⴰ, ⵏⵉⵛⴰⵔⴰⴳⵓⴰ, ⴱⵓⵍⵉⵠⵢⴰ, ⵍⴻⵣⵣⴰⵢⴻⵔ, ⵜⴰⴼⵔⵉⵇⵜ ⵏ ⵓⵏⵥⵓⵍ ⴷ ⵙⵉⴻⵔⵔⴰ ⵍⴻⵧⵏⴻ ⵃⴻⵜⵜⴻⵜⴻⵏⵜ-ⴷ ⴷ ⴰⴽⴽⴻⵏ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵄⴰⵏ ⵜⴰⵎⴰⵙⵉⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵉⵎⵉ ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵜⴻⵇⵇⴻⵍ ⵖⴻⵔ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ, « ⴷ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵙⴼⴻⵄⵍⴻⵏ, ⵙ ⵓⵎⵄⴰⵡⴻⵏ ⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵜⵉⵏⴻⵖⵜⵓⵙⵉⵏ ⵉⵡⴰⵜⴰⵏ ⵏ ⵓⴳⵔⴰⵡ ⴰⵎⴰⵜⵓ ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵢ ⵢⴻⵙⵜⴻⵄⵕⴼⴻⵏ ⵙ ⵓⵣⵔⴻⴼ ⵓⵔ ⵢⴻⵜⵜⵡⴰⵏⴽⴰⵕⴻⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ ⴷ ⵓⵣⴰⵔⵓⴳ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⴳⴻⵏⵙⴰⵙⴻⵏ ⵏ ⵜⵎⵓⵔⴰ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⵙⵓⴼⴻⵍⵍⴰ-ⴰ.
ⵉⴳⴻⵏⵙⴰⵙⴻⵏ ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵏⵏⴰⵏ-ⴷ ⴷⴰⵖ ⴷ ⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏ ⵜⴻⵎⵙⴰⵍⵜ ⵏ ⵓⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵡⴰⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵖⴻⵍⵍⴻⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵜⵎⵓⵔⵜ-ⴰ.
ⴷⴻⴳ ⵜⴻⵎⵙⴰⵍⵜ-ⴰ ⴷⴰⵖ, ⴰⵙⴻⵇⵇⴰⵎⵓ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⴷ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵃⴻⵜⵜⵎⴻⵏ ⵖⴻⴼ ⵎⴻⵕⵕⵓⴽ ⴰⴷ ⵜⵇⴰⴷⴻⵔ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴷ ⵓⵔⴽⴰⵡⴰⵍ ⴰⴳⵔⴰⵖⵍⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
ⴰⵙⴻⵇⵇⴰⵎⵓ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵢⴻⵙⵙⴻⴼⴽ ⴰⴷ ⵢⴻⵙⵙⴻⴼⵄⴻⵍ ⵙ ⵜⵉⴷⴻⵜ ⵍⴻⵡⵚⴰⵢⴰ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵥⵔⵓⴼ ⵓⵜⵔⵉⵎ ⵙ ⵓⵙⵙⴻⴼⵄⴻⵍ ⵏ ⵜⵏⴻⵖⵜⵓⵙⵜ 1514 ⴰⵢ ⵢⴻⵔⵣⴰⵏ ⵜⵓⴽⵛⵉ ⵏ ⵓⵣⴰⵔⵓⴳ ⵉ ⵜⵎⵓⵔⴰ ⴷ ⵢⵉⵖⴻⵔⴼⴰⵏ ⵢⴻⵜⵜⵡⴰⵙⵀⴻⵔⵙⴻⵏ (ⵢⴻⵜⵜⵡⴰⵙⵜⴻⵄⵎⵕⴻⵏ).
ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵖⵉⵎⵉⵜ-ⴰ ⴳⵔⴻⵏ-ⴷ ⴷⴰⵖ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⴳⵔⴻⵏ ⴷⴻⴳ ⵍⴻⵃⵙⴰⴱ ⵉⵙⵙⵓⵎⴰⵔ ⵏ ⵓⴳⴻⵏⵙⴰⵙ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵀⵎⴻⴷ ⴱⵧⵓⴽⵀⴰⵔⵉ, ⴷ ⵉⵙⵙⵓⵎⴰⵔ ⴰⵢ ⴷ-ⵢⴻⴱⴷⴻⵔ ⴷⴻⴳ ⵓⵙⴰⵔⴰⴳ ⴰⵎⵏⴰⴹⴰⵏ ⵖⴻⴼ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⴰⵢⵓ ⵏ 2015. ⵉ ⵍⵎⴻⵏⴷ ⵏ ⵡⴰⵢⴰ, ⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⵖⵉⵎⵉⵜ-ⴰ ⴳⵔⴻⵏ-ⴷ ⵜⵉⵖⵔⵉ ⵉ ⵓⵙⴻⵇⵇⴰⵎⵓ-ⵏⵙⴻⵏ ⴰⴽⴽⴻⵏ ⴰⴷ ⴷ-ⵢⴻⴳ ⵜⵉⵖⵉⵎⵉⵜ ⵏⵉⴹⴻⵏ ⵖⴻⴼ ⵡⴰⵡⴰⵍ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴰⵎ ⵡⴰⴽⴽⴻⵏ ⴰⵔⴰ ⴳⴻⵏ ⵜⵓⵣⵣⵢⴰ ⴰⴽⴽⴻⵏ ⴰⴷ ⵔⵣⵓⵏ ⵖⴻⴼ ⵡⴰⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ.
ⵡⵉⴷ ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵜⵖⵉⵎⵉⵜ-ⴰ ⵛⴻⴽⵕⴻⵏ-ⴷ ⴰⵄⴻⵡⵡⴻⵍ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵍⵍⴰⵏ ⴷ ⵜⴰⵀⵔⴻⵙⵜ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴼⵔⵉⵇⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵛⴻⴽⵕⴻⵏ ⴷⴰⵖ ⵉⵎⴻⵏⵖⵉ ⵓⵣⵔⵉⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉⵏ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ.
ⵉⴷⵉⵙⴰⵏ ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵏⵏⴰⵏ-ⴷ ⴷ ⴰⴽⴽⴻⵏ ⴱⴻⴷⴷⴻⵏ ⵖⴻⵔ ⵍⴻⵕⵢⵓⵢ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵢⴻⵔⵏⴰ ⵕⵕⴰⵢ ⴰⵏⴻⴳⴳⴰⵔⵓ ⴷ ⵡⵉⵏ ⵏ 15 ⵢⵓⵏⵢⵓ 2015, ⴷ ⵡⵉⵏ ⴰⵢ ⵢⴻⵇⵇⵍⴻⵏ ⴷ ⵜⴰⵏⴻⵖⵜⵓⵙⵜ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵢⴻⵙⵙⴻⴼⵔⵓ ⴰⵙⵙ ⴷⴻⴳ ⴰⵔⴰ ⴷ-ⵜⵉⵍⵉ ⵜⵙⴻⴼⵔⴰⵏⵜ ⵉ ⵓⴳⴳⵓⵛⵛⴻⵍⵎⴰⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵣⵣⵉⴳ, ⴰⵏⵎⴰⵀⴰⵍ ⵉⴽⵡⴰⴷⵓⵕⵉ, ⵅⴰⵠⵉⴻⵔ ⵍⴰⵙⵙⵧ ⵎⴻⵏⴷⵧⵣⴰ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ, ⴷⴻⴳ ⵜⴳⴰⵔⴰ, ⴰⵄⴻⵡⵡⴻⵍ ⵏ ⵓⵙⴻⵇⵇⴰⵎⵓ-ⴰ ⴰⴽⴽⴻⵏ ⴰⴷ ⴷ-ⵢⴻⵍⵀⵓ ⵙ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⴰⴷⵉⵒⵍⵓⵎⴰⵜⵉ-ⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⵇⵇⴰⵎⵓ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⵎⵛⵉⵡⴻⵕ ⴷ ⵜⵙⴻⵇⵇⴰⵎⵓⵜ ⵏ ⵜⴻⵎⵙⴰⵍⵜ ⵜⵉⵙⴻⵔⵜⵉⵢⵉⵏ ⵜⵓⵣⵣⵉⴳⵉⵏ ⴷ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵏ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⵔⵣⵉ ⵖⴻⴼ ⵡⴰⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ.
