Asebter amenzawi

Bakaluṛya 2015 : iseɣtiyen ad teddun akken iwata

LEZZAYER – Iseɣtiyen n bakaluṛya (timlilit n yunyu 2015) ttkemmilen di tegnitt "iwatan s ṛẓana di liḥala yelhan", i twala ass n laxmis tnegga isallen n Lezzayer deg yiwen n wadeg useɣti di Lezzayer tamanaɣt.

Iseɣtiyen yettwebdan di 21 yunyu ara ikemmlen deg wass wis 2 yulyu 2015 lhan-d yissen azal n 55.000 iselmaden di 71 iduga n useɣti di tmurt s umata.

Aseɣti amedyan yebda sin wussan send aseɣti ilaw, id-yenna amḍebbeṛ n wadeg useɣti n tesnawit Ibn Al-Haytham di Rwissu, Achour Abdelhafid.

Aseɣti amedyan yettili-d deg-s weskasi n imseɣtiyen ɣef tririyin yemxallafen izemren ad d-rren imkeyden akk d tririt tagejdant yettunefken sɣur ineggi aɣelnaw n ikayaden d temzizliyin (ONEC) deg yiduga useɣti.

680 iselmaden yesɛan teǧriba muqqren bedden deg wadeg-agi useɣti akken ad d-tili tigawt-agi di tegnitt yelhan.

Ma tella tucḍa, tawṛiqt useɣti ad tettunefk i uselway n tseqqamutt ara tt-yerren i wemseɣti akken as-iɛiwed.

Ugar n 853 000 imkeyden i yesɛeddan akayad n bakaluṛya di temlilit n yunyu 2015 di yakk tamurt.