Asebter amenzawi

Lezzayer tbeggen-d ibeddi-ines ɣer yidis n Tunes tḥuz txazabit n Ssus

LEZZAYER- Lezzayer tewwet s leqsaḥ di txazabit tarebrabit d-yeḍṛan ass n lǧemɛa di Ssus (Tunes) u tbeggen-d ibeddi-ines ɣer yidis n Tunes, aɣṛef d unabaḍ-ines. "Lezzayer tewwet s leqsaḥ taxazabit-agi tarebrabit d-yeḍṛan mgal imsikilen deg yiwen usensu di Ssus di Tunes. Tbeggen-d ibeddi-ines akk d Tunes, aɣṛef-ines d unabaḍ-ines, akk d twaculin d yinabaḍen n wid yettwenɣan",id-yenna weɣlif n tɣawsiwin n wezɣaṛ deg yiwwen n wulɣu. "taxazabit-agi tawaḥcit, d-yellan lǧemɛa-yagi n waggur n ṛemḍan, d aṛkaḍ ur nettwaqbal iwellihen n tneslemt iqeddsen du tudert n wemdan. Maca ayagi ur yessawaḍ ad icewwah udem yelhan n weɣṛef atunsi",id-yenna weɣlif. "aqeddif-agi amaynut deg uzuzzel idammen ur nesɛi tilas ur yessawaḍ ad yesseknu liman n wegdud atunsi yettwalin azekka-s d talwit d tudert yelhan", id-iwekked. "di tegnatin-agi iwaɛṛen, Lezzayer, yegan tettili ɣer yidis itunsiyen attan ad d-tales i lebɣi n ibeddi-ines kter n tallitin tiyaḍ i tmurt-agi ukud necrek tagmatt i unabaḍ-ines akk d ukemmel yid-sen ayen i nebda am ibeddi-nneɣ yemmezdin mgal rrebrab d tikli-nneɣ tucrikt ara yessawḍen ad tṣefeḍ-it seg uẓaṛ" id-tenna teɣbalut-agi.