ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⴱⴻⴳⴳⴻⵏ-ⴷ ⵉⴱⴻⴷⴷⵉ-ⵉⵏⴻⵙ ⵖⴻⵔ ⵢⵉⴷⵉⵙ ⵏ ⵜⵓⵏⴻⵙ ⵜⵃⵓⵣ ⵜⵅⴰⵣⴰⴱⵉⵜ ⵏ ⵙⵙⵓⵙ
ⵍⴻⵣⵣⴰⵢⴻⵔ- ⵍⴻⵣⵣⴰⵢⴻⵔ ⵜⴻⵡⵡⴻⵜ ⵙ ⵍⴻⵇⵙⴰⵃ ⴷⵉ ⵜⵅⴰⵣⴰⴱⵉⵜ ⵜⴰⵔⴻⴱⵔⴰⴱⵉⵜ ⴷ-ⵢⴻⴹⵕⴰⵏ ⴰⵙⵙ ⵏ ⵍⴵⴻⵎⵄⴰ ⴷⵉ ⵙⵙⵓⵙ (ⵜⵓⵏⴻⵙ) ⵓ ⵜⴱⴻⴳⴳⴻⵏ-ⴷ ⵉⴱⴻⴷⴷⵉ-ⵉⵏⴻⵙ ⵖⴻⵔ ⵢⵉⴷⵉⵙ ⵏ ⵜⵓⵏⴻⵙ, ⴰⵖⵕⴻⴼ ⴷ ⵓⵏⴰⴱⴰⴹ-ⵉⵏⴻⵙ. "ⵍⴻⵣⵣⴰⵢⴻⵔ ⵜⴻⵡⵡⴻⵜ ⵙ ⵍⴻⵇⵙⴰⵃ ⵜⴰⵅⴰⵣⴰⴱⵉⵜ-ⴰⴳⵉ ⵜⴰⵔⴻⴱⵔⴰⴱⵉⵜ ⴷ-ⵢⴻⴹⵕⴰⵏ ⵎⴳⴰⵍ ⵉⵎⵙⵉⴽⵉⵍⴻⵏ ⴷⴻⴳ ⵢⵉⵡⴻⵏ ⵓⵙⴻⵏⵙⵓ ⴷⵉ ⵙⵙⵓⵙ ⴷⵉ ⵜⵓⵏⴻⵙ. ⵜⴱⴻⴳⴳⴻⵏ-ⴷ ⵉⴱⴻⴷⴷⵉ-ⵉⵏⴻⵙ ⴰⴽⴽ ⴷ ⵜⵓⵏⴻⵙ, ⴰⵖⵕⴻⴼ-ⵉⵏⴻⵙ ⴷ ⵓⵏⴰⴱⴰⴹ-ⵉⵏⴻⵙ, ⴰⴽⴽ ⴷ ⵜⵡⴰⵛⵓⵍⵉⵏ ⴷ ⵢⵉⵏⴰⴱⴰⴹⴻⵏ ⵏ ⵡⵉⴷ ⵢⴻⵜⵜⵡⴻⵏⵖⴰⵏ",ⵉⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷⴻⴳ ⵢⵉⵡⵡⴻⵏ ⵏ ⵡⵓⵍⵖⵓ. "ⵜⴰⵅⴰⵣⴰⴱⵉⵜ-ⴰⴳⵉ ⵜⴰⵡⴰⵃⵛⵉⵜ, ⴷ-ⵢⴻⵍⵍⴰⵏ ⵍⴵⴻⵎⵄⴰ-ⵢⴰⴳⵉ ⵏ ⵡⴰⴳⴳⵓⵔ ⵏ ⵕⴻⵎⴹⴰⵏ, ⴷ ⴰⵕⴽⴰⴹ ⵓⵔ ⵏⴻⵜⵜⵡⴰⵇⴱⴰⵍ ⵉⵡⴻⵍⵍⵉⵀⴻⵏ ⵏ ⵜⵏⴻⵙⵍⴻⵎⵜ ⵉⵇⴻⴷⴷⵙⴻⵏ ⴷⵓ ⵜⵓⴷⴻⵔⵜ ⵏ ⵡⴻⵎⴷⴰⵏ. ⵎⴰⵛⴰ ⴰⵢⴰⴳⵉ ⵓⵔ ⵢⴻⵙⵙⴰⵡⴰⴹ ⴰⴷ ⵉⵛⴻⵡⵡⴰⵀ ⵓⴷⴻⵎ ⵢⴻⵍⵀⴰⵏ ⵏ ⵡⴻⵖⵕⴻⴼ ⴰⵜⵓⵏⵙⵉ",ⵉⴷ-ⵢⴻⵏⵏⴰ ⵡⴻⵖⵍⵉⴼ. "ⴰⵇⴻⴷⴷⵉⴼ-ⴰⴳⵉ ⴰⵎⴰⵢⵏⵓⵜ ⴷⴻⴳ ⵓⵣⵓⵣⵣⴻⵍ ⵉⴷⴰⵎⵎⴻⵏ ⵓⵔ ⵏⴻⵙⵄⵉ ⵜⵉⵍⴰⵙ ⵓⵔ ⵢⴻⵙⵙⴰⵡⴰⴹ ⴰⴷ ⵢⴻⵙⵙⴻⴽⵏⵓ ⵍⵉⵎⴰⵏ ⵏ ⵡⴻⴳⴷⵓⴷ ⴰⵜⵓⵏⵙⵉ ⵢⴻⵜⵜⵡⴰⵍⵉⵏ ⴰⵣⴻⴽⴽⴰ-ⵙ ⴷ ⵜⴰⵍⵡⵉⵜ ⴷ ⵜⵓⴷⴻⵔⵜ ⵢⴻⵍⵀⴰⵏ", ⵉⴷ-ⵉⵡⴻⴽⴽⴻⴷ. "ⴷⵉ ⵜⴻⴳⵏⴰⵜⵉⵏ-ⴰⴳⵉ ⵉⵡⴰⵄⵕⴻⵏ, ⵍⴻⵣⵣⴰⵢⴻⵔ, ⵢⴻⴳⴰⵏ ⵜⴻⵜⵜⵉⵍⵉ ⵖⴻⵔ ⵢⵉⴷⵉⵙ ⵉⵜⵓⵏⵙⵉⵢⴻⵏ ⴰⵜⵜⴰⵏ ⴰⴷ ⴷ-ⵜⴰⵍⴻⵙ ⵉ ⵍⴻⴱⵖⵉ ⵏ ⵉⴱⴻⴷⴷⵉ-ⵉⵏⴻⵙ ⴽⵜⴻⵔ ⵏ ⵜⴰⵍⵍⵉⵜⵉⵏ ⵜⵉⵢⴰⴹ ⵉ ⵜⵎⵓⵔⵜ-ⴰⴳⵉ ⵓⴽⵓⴷ ⵏⴻⵛⵔⴻⴽ ⵜⴰⴳⵎⴰⵜⵜ ⵉ ⵓⵏⴰⴱⴰⴹ-ⵉⵏⴻⵙ ⴰⴽⴽ ⴷ ⵓⴽⴻⵎⵎⴻⵍ ⵢⵉⴷ-ⵙⴻⵏ ⴰⵢⴻⵏ ⵉ ⵏⴻⴱⴷⴰ ⴰⵎ ⵉⴱⴻⴷⴷⵉ-ⵏⵏⴻⵖ ⵢⴻⵎⵎⴻⵣⴷⵉⵏ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⴽⵍⵉ-ⵏⵏⴻⵖ ⵜⵓⵛⵔⵉⴽⵜ ⴰⵔⴰ ⵢⴻⵙⵙⴰⵡⴹⴻⵏ ⴰⴷ ⵜⵚⴻⴼⴻⴹ-ⵉⵜ ⵙⴻⴳ ⵓⵥⴰⵕ" ⵉⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰⴳⵉ.
