Asebter amenzawi

Tacennayt Souad Massi tuɣal-d ɣer wid tt-iḥemmlen di Lezzayer

LEZZAYER – Tacennayt Souad Massi temyufa-d d wid tt-iḥemmlen izzayriyen ass n ssebt di Lezzayer tamanaɣt deg yiwet n tmaɣṛa anda d-tecna tizlatin-ines tineggura akk d tid yettwasnen aṭaṣ.

Seg 2006 ur tecna di Lezzayer, Souad Massi tecna-d deg umezgun Laâdi-Flici tizlatin id-tessufeɣ umi tsemma "El Mutakallimûn" (iḥeddaden n wawal, 2015), anda tules i tmedyezt n n imedyazen imuqqṛanen aɛṛaben (n tallit send tineslemt armi d lqern wis XX) s uẓawan n lwaqt-agi deg talɣiwin yemmxalfen.

Deg umezgun azegzaw anda yella azgen-is yeččuṛ s yemfeṛǧen, Souad Massi, tekcem-d akk d wid yetturaren yid-s (dderbuka, adinan-basse, adinan aneḍṛuyan, banju, Ɛud), tecna-d El-Mutanabbi, Ilia Abou Madhi akk d yimedyazen-nniḍen yettwasnen, s talɛiwin tiṛukiyin art id n marikan n wadda mebla ma tettu flamenco akk d ccaɛbi.

Ger tezlatin d-yufraren di tgerrujt-agi, asefru "Ila Tuɣat El Alɛam" yura umedyaz amuqqṛan atunsi Abou El Kacem Echebbi (1909-1934) id-tecna s talɣiwin n reggae.

"Ad buddeɣ tizlitt-agi i yakk wid yewwet rrebrab neɣ wid yeddren tamḥeqqṛanit, dagi neɣ deg umaḍal", id-tenna Souad Massi mi d-tebder Tunes, yettewten ass n lǧemɛa s yiwet n txazabit tarebrabit.