ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ-ⵛⵛⵉⵏⵡⴰ: ⵙⵙⵓⴽⴽⴻⵏ-ⴷ ⵜⵉⵟ ⵖⴻⴼ ⵓⵎⵄⴰⵡⴻⵏ ⴷⴻⴳ ⵓⵏⵔⴰⵔ ⵏ ⵓⵙⵙⴻⵍⵎⴻⴷ ⴰⵙⴷⴰⵡⴰⵏ

ⵍⴻⵣⵣⴰⵢⴻⵔ – ⴰⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵛⵛⵉⵏⵡⴰ ⴷⴻⴳ ⵓⵏⵔⴰⵔ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⴷ ⵢⵉⴱⵔⵉⴷⴻⵏ ⵏ ⵜⵏⴻⴼⵍⵉⵜ-ⵏⵏⴻⵙ, ⴷ ⵜⵉⵎⵙⴰⵍ ⴰⵢⵖⴻⴼ ⵙⵇⴻⵔⴷⵛⴻⵏ ⴷⴻⴳ ⵜⴻⵎⵍⵉⵍⵉⵜ ⵏ ⵡⴰⵙⵙ ⵏ ⵍⵃⴻⴷⴷ ⴰⵏⴻⵖⵍⴰⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵜⴰⵀⴰⵔ ⵀⴰⴷⵊⴰⵔ, ⴷ ⵓⵏⵎⴰⵀⴰⵍ ⵏ ⵛⵛⵉⵏⵡⴰ ⴷⴻⴳ ⵍⴻⵣⵣⴰⵢⴻⵔ, ⵢⴰⵏⴳ ⴳⵓⴰⵏⴳ ⵢⵓ.

ⵙⵉⵏ-ⴰ ⵏ ⵢⵉⴷⵉⵙⴰⵏ « ⴳⵔⴻⵏ-ⴷ ⵜⴰⵎⴰⵡⵜ ⴷ ⴰⴽⴽⴻⵏ ⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵛⵛⵉⵏⵡⴰ ⴷ ⴰⵙⵙⴰⵖⴻⵏ ⵏ ⵜⵖⴰⵔⴰ ⵢⴻⵔⵏⴰ ⴰⵢⴰ ⴷ ⴰⵢⴻⵏ ⵢⴻⵙⵙⵓⵎⴰⵔⴻⵏ (ⵢⴻⵙⵙⴻⴼⵕⴰⵃⴻⵏ). ⵏⵏⵉⴳ ⵡⴰⵢⴰ, ⴰⵙⵙⴰⵖⴻⵏ-ⴰ ⵍⴰ ⵔⴻⵏⵏⵓⵏ ⴽⴰⵏ ⴵⴻⵀⵀⴷⴻⵏ, ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵓⵙⵙⵉⵍⴻⵖ ⵉⵎⵉⵏⴻⴳ ⵉⵎⵉ ⵓⴳⴰⵔ 100 ⵏ ⵢⵉⵏⴻⵍⵎⴰⴷⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵍⴰ ⵉⵣⴻⵔⵔⵡⴻⵏ ⴷⴻⴳ ⵜⴻⵙⴷⴰⵡⵉⵏ ⵜⵉⵛⵉⵏⵡⴰⵜⵉⵏ ⵢⴻⵎⴳⴻⵔⵔⴰⴷⴻⵏ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴰⵣⴰⵍ ⵏ 20 ⵏ ⵢⵉⵏⴻⵍⵎⴰⴷⴻⵏ ⵉⵛⵉⵏⵡⴰⵜⴻⵏ ⴰⵢ ⵍⴰ ⵢⴻⵜⵜⴹⴰⴼⴰⵔⴻⵏ ⵜⵉⵣⵔⴰⵡⵉⵏ ⵜⵉⵙⴷⴰⵡⴰⵏⵉⵏ ⴷⴻⴳ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ.

ⵙⵉⵏ-ⴰ ⵏ ⵢⵉⴷⵉⵙⴰⵏ ⵙⵙⴰⵔⵎⴻⵏ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ, « ⴰⴷ ⵙⵎⴻⵖⵔⴻⵏ ⴰⵎⴹⴰⵏ ⵏ ⵢⵉⵏⴻⵍⵎⴰⴷⴻⵏ ⵙⴻⴳ ⵙⵉⵏ ⵏ ⵢⵉⴷⵉⵙⴰⵏ ⵢⴻⵔⵏⴰ ⵉ ⵍⴼⴰⵢⴷⴰ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⵢ ⵢⴻⵙⵜⴻⵏⵢⴰⵏ ⵉⵎⵜⴰⵡⴰⵢⴻⵏ ⵙ ⵡⴰⵣⴰⵍ-ⵏⵙⴻⵏ ⴷⴻⴳ ⵜⴻⵔⵣⵉ ⵜⴰⵏⴻⴳⴳⴰⵔⵓⵜ ⴰⵢ ⵉⴳⴰ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵖⴻⴼ ⵛⵛⵉⵏⵡⴰ ».

ⵢⴻⵜⵜⵓⵏⴻⴼⴽ ⴷⴰⵖ ⵡⴰⵣⴰⵍ ⵉ ⵓⵏⵔⴰⵔ ⵏ ⵓⵏⴰⴷⵉ ⵓⵙⵙⵏⴰⵏ ⴷ ⵜⵏⴻⴼⵍⵉⵜ ⵜⴰⴽⵏⵓⵙⵙⵏⴰⵏⵜ, ⵢⴻⵔⵏⴰ ⴷ ⴰⵢⴰ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ « ⵍⴻⴱⵖⵉ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⵍⵡⴰⵃⵉⴷ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵢⵉⵙⴻⵏⴼⴰⵔⴻⵏ ⵓⵛⵔⵉⴽⴻⵏ ⵏ ⵓⵏⴰⴷⵉ ⴷⴻⴳ ⵡⴰⵟⴰⵙ ⵏ ⵢⵉⵏⵓⵔⴰⵔ ⵓⵙⵙⵏⴰⵏⴻⵏ ».

ⴳⴰⵔ ⵢⵉⵙⴻⵏⴼⴰⵔⴻⵏ-ⴰ, ⵢⴻⵜⵜⵡⴰⴱⴷⴻⵔ-ⴷ « ⵓⵙⵙⵉⴽⵏⴻⵡ ⵏ ⵜⴻⵙⴷⴰⵡⵉⵢⵉⵏ, ⴰⴼⴰⵔⴻⵙ ⵓⵙⵙⵏⴰⵏ, ⴰⵎⴱⴰⴷⴷⴻⵍ ⵏ ⵢⵉⵎⴰⵙⵔⴰⴳⴻⵏ ⵏ ⵓⵙⵡⵉⵔ ⵓⵏⵏⵉⴳ, ⴷ ⵓⵜⵜⴻⴽⴽⵉ ⵓⵛⵔⵉⴽ ⴷⴻⴳ ⵜⴻⴷⵢⴰⵏⵉⵏ ⵜⵓⵙⵙⵏⴰⵏⵉⵏ ⴰⵔⴰ ⵢⴻⵜⵜⵡⴰⵙⵙⵓⴷⴷⵙⴻⵏ ⴷⴻⴳ ⵢⴰⵍ ⵢⵉⵡⴻⵜ ⵙⴻⴳ ⵜⵎⵓⵔⴰ-ⴰ, ⴰⵎ ⵡⴰⴽⴽⴻⵏ ⴰⵔⴰ ⵅⴻⴷⵎⴻⵏ ⴰⵟⴰⵙ ⵏ ⵢⵉⵏⴻⵍⵎⴰⴷⴻⵏ ⵏ ⵓⴷⵓⴽⵜⵓⵕⴰ ⴷⴻⴳ ⵢⵉⵏⴻⴳⵎⵉⵢⴻⵏ ⴷ ⵜⴻⵙⴷⴰⵡⵉⵢⵉⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ».

ⵉⴷⵉⵙ ⴰⴷⵣⴰⵢⵔⵉ ⵢⴻⴼⴽⴰ, ⴷⴻⴳ ⵜⴻⵎⵙⴰⵍⵜ-ⴰ, « ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵓⵙⵙⴻⴽⴽⵉ ⵏ ⵜⴻⴽⵏⵓⵙⵙⵏⴰ ⴷ ⵜⵎⵓⵙⵙⵏⵉ ⵜⴰⵛⵉⵡⴰⵜ ⵏ ⵓⵙⵙⴻⴼⵔⴻⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴱⴻⴷⵔⴻⵏ-ⴷ ⵙⵉⵏ-ⴰ ⵏ ⵢⵉⴷⵉⵙⴰⵏ « ⴰⵙⵙⴻⴵⵀⴻⴷ ⵏ ⵓⵎⴱⴰⴷⴷⴻⵍ ⵏ ⵜⵎⴰⴳⵍⵉⵡⵉⵏ ⵏ ⵢⵉⵏⴻⵍⵎⴰⴷⴻⵏ, ⵍⴰⴷⵖⴰ ⵉ ⵍⵎⴻⵏⴷ ⵏ ⵜⵖⵉⵎⵉⵜ ⵉ ⵓⵍⵎⴰⴷ ⵏ ⵜⵓⵜⵍⴰⵢⵜ, ⵢⴻⵔⵏⴰ ⴰⵢⴰ ⵢⴻⵍⵍⴰ-ⴷ ⴷ ⵜⵜⴰⵡⵉⵍ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵏⴻⵔⵏⵉ ⴰⵍⵎⴰⴷ ⵏ ⵜⵓⵜⵍⴰⵢⵜ ⵜⴰⵛⵉⵏⵡⴰⵜ ⴷⴻⴳ ⵍⴻⵣⵣⴰⵢⴻⵔ ».

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴰⵖⴱⴰⵍⵓⵜ-ⴰ ⵜⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵍⵍⴰⵏⵜ 5 ⵏ ⵜⴻⵙⴷⴰⵡⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴰⵢ ⵢⴻⵙⵙⴻⵍⵎⴰⴷⴻⵏ ⵜⴰⵛⵉⵏⵡⴰⵜ, ⵢⴻⵔⵏⴰ ⵢⴻⵍⵍⴰ-ⴷ ⵓⵙⵙⵉⵔⴻⵎ ⵉ ⵓⵔⵥⴰⵎ ⵏ ⵓⴳⴻⵣⴷⵓ ⵏ ⵢⵉⴷⵍⴻⵙ ⴷ ⵜⵖⴻⵔⵎⴰ ⵜⴰⵛⵉⵏⵡⴰⵜ ⴷⴻⴳ ⵜⴻⵙⴷⴰⵡⵉⵜ ⵜⴰⴷⵣⴰⵢⵔⵉⵜ ⴷ ⵓⵔⵥⴰⵎ ⵏ ⵡⴰⵎⵎⴰⵙ ⴰⴷⴻⵍⵙⴰⵏ ⴰⵛⵉⵏⵡⴰⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵏⵎⴰⵀⴰⵍ ⴰⵛⵉⵏⵡⴰⵜ ⵢⴻⵄⵔⴻⴹ, ⴷⴻⴳ ⵓⵎⵢⴰⴳⴻⵔ-ⴰ, ⴰⵏⴻⵖⵍⴰⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ ⴰⴽⴽⴻⵏ ⴰⴷ ⵢⴻⵔⵣⵓ ⵖⴻⴼ ⵛⵛⵉⵏⵡⴰ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵏⵎⴰⴳⴻⵔ ⵏ ⵢⵉⵏⴻⵖⵍⴰⴼⴻⵏ ⵏ ⵓⵏⴰⴷⵉ ⵓⵙⵙⵏⴰⵏ ⴳⴰⵔ ⵛⵛⵉⵏⵡⴰ ⴷ ⵜⵎⵓⵔⴰ ⵜⴰⵄⵕⴰⴱⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.