ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵜⵡⴰⵟⵟⴼⴻⵏ ⵢⵉⵎⴷⴰⵏⴻⵏ ⴰⵢ ⵢⴻⵙⵄⴰⵏ ⴰⵙⵙⴰⵖ ⴷ ⵜⵡⴰⵖⵉⵜ ⵏ ⵙⵓⵙⴰ

ⵜⵓⵏⴻⵙ ⵜⴰⵎⴰⵏⴻⵖⵜ – ⵜⵓⵏⴻⵙ ⵜⴻⵏⵏⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷ ⴰⴽⴽⴻⵏ ⵜⴻⴹⴹⴻⴼ ⵜⵉⵏ ⵏ ⵢⵉⵎⴷⴰⵏⴻⵏ ⴰⵢ ⵢⴻⵙⵄⴰⵏ ⴰⵙⵙⴰⵖ ⴷ ⵜⴻⵏⵟⴰⴳⵜ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵓⵙⴻⵏⵙⵓ ⵏ ⵢⵉⵔⵉ ⵏ ⵍⴻⴱⵃⴻⵕ ⴷⴻⴳ ⵒⵧⵔⵜ ⴻⵍ ⴽⴰⵏⵜⴰⵧⵓⵉ (ⵙⵓⵙⴰ), ⵎⴰⵛⴰ ⵓⵔ ⴷ-ⵜⴻⴱⴷⵉⵔ ⴰⵔⴰ ⴰⵛⵃⴰⵍ ⵏ ⵢⵉⵎⴷⴰⵏⴻⵏ ⵢⴻⵜⵜⵡⴰⵟⵟⴼⴻⵏ ⵏⴻⵖ ⴷ ⴰⵛⵓ-ⵜⴻⵏ. « ⵏⴻⴱⴷⴰ ⵙ ⵜⵓⴹⴹⴼⴰ ⵏ ⵢⵉⵡⴻⵜ ⵏ ⵜⴻⴳⵔⴰⵡⵜ, ⵍⵍⴰⵏ ⴷⴻⴳ-ⵙ ⴰⵟⴰⵙ ⵏ ⵢⵉⵎⴷⴰⵏⴻⵏ, ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⴰⵥⴻⴹⴹⴰ ⴰⵢ ⵢⴻⵍⵍⴰⵏ ⴷⴻⴼⴼⵉⵔ ⵢⵉⵏⵉⵖⵉ-ⵏⵏⵉ ⴰⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⴰⵊⴻⵎ ⴳⵀⴰⵔⵙⴰⵍⵍⵉ. ⵉ ⵓⵙⵎⴻⴽⵜⵉ, ⴰⵔⴻⴱⵔⴰⴱ-ⵏⵏⵉ ⴰⵢ ⵉⴳⴰⵏ ⵜⴰⵏⵟⴰⴳⵜ-ⵏⵏⵉ ⵄⴻⵇⵍⴻⵏ-ⵜ ⵢⵉⴷⵓⴱⴰ ⵢⴻⵔⵏⴰ ⵏⵏⴰⵏ-ⴷ ⴷ ⴰⴽⴽⴻⵏ ⵉⵙⴻⵎ-ⵏⵏⴻⵙ ⵙⴻⵉⴼⴻⴷⴷⵉⵏⴻ ⵔⴻⵣⴳⵓⵉ ⵢⴻⵔⵏⴰ ⵢⴻⵙⵄⴰ 23 ⵏ ⵢⵉⵙⴻⴳⴳⴰⵙⴻⵏ. « ⵙ ⴽⵔⴰ ⵏ ⵓⵎⴷⴰⵏ ⴰⵢ ⴷ-ⵉⵄⴰⵡⵏⴻⵏ ⵙ ⵜⵍⵓⵊⵉⵙⵜⵉⵜ ⵏⴻⵖ ⵙ ⵢⵉⴷⵔⵉⵎⴻⵏ » ⴷⴻⴳ ⵜⴻⵏⵟⴰⴳⵜ-ⵏⵏⵉ ⴰⴷ ⵢⴻⵜⵜⵡⴰⴹⴹⴻⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ: « ⵕⴻⴳⴳⵎⴻⵖ ⵉ ⵜⴻⵖⵜⴰⵙ (…) ⴷ ⴰⴽⴽⴻⵏ ⵉⵎⴻⵏⵖⴰⵡⴻⵏ-ⴰ ⴰⴷ ⵄⴻⴷⴷⵉⵏ ⴷⴻⴳ ⵛⵛⵕⴻⵄ ⴰⵜⵓⵏⵙⵉ ⴰⴽⴽⴻⵏ ⴰⴷ ⵜⵜⵡⴰⵄⴰⵇⴱⴻⵏ ⴰⴽⴽⴻⵏ ⴰⵢ ⵓⴽⵍⴰⵍⴻⵏ ». ⵎⴰⵙⵙ ⴳⵀⴰⵔⵙⴰⵍⵍⵉ ⵢⴻⵏⵏⴰ-ⴷ ⴰⵢⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵏⴷⴰ ⴰⵢ ⴷ-ⵜⴻⵍⵍⴰ ⵜⵡⴰⵖⵉⵜ-ⵏⵏⵉ, ⵖⴻⵔ ⵢⵉⴷⵉⵙ ⵏ ⵢⵉⵎⵜⵉⵍⴻⵏ-ⵏⵏⴻⵙ ⴰⴼⵕⴻⵏⵙⵉⵙ, ⴰⵍⵎⴰⵏⵉ ⴷ ⵓⴱⵔⵉⵟⴰⵏⵉ. ⴰⵏⴻⵖⵍⴰⴼ ⵢⴻⵙⵏⴻⵎⵎⴻⵔ ⵉⵎⵜⵉⵍⴻⵏ-ⵏⵏⴻⵙ ⵉⵎⵉ ⴰⵢ ⵃⴻⴷⵕⴻⵏ ⴷⵉⵏ « ⴷⴻⴳ ⵜⴻⵙⵡⵉⵄⵜ-ⴰ ⵜⴰⵡⴻⵄⵕⴰⵏⵜ » ⴰⵢ ⵍⴰ ⵢⴻⵜⵜⵄⴻⴷⴷⵉⵏ ⵖⴻⴼ ⵜⵓⵏⴻⵙ. « ⴰⵣⴰⵍⴻⵏ ⴰⵢ ⴰⵖ-ⵉⵛⴻⵔⴽⴻⵏ ⵢⴻⵔⵏⴰ ⵏⴻⵜⵜⵃⵓⴷⴷⵓ-ⵜⴻⵏ ⴽⵉⴼⴽⵉⴼ-ⵉⵜⴻⵏ » ⵢⴻⵔⵏⴰ « ⵏⴻⵣⵔⴻⵡ ⴰⵢⴻⵏ ⴰⵢ ⵏⴻⵣⵎⴻⵔ ⴰⴷ ⵜ-ⵏⴻⴳ ⵙⴻⴳ-ⴰ ⵖⴻⵔ ⵙⴷⴰⵜ ⴰⴽⴽⴻⵏ ⴰⴷ ⵏⴻⵙⵏⴻⴼⵍⵉ ⴰⵎⵄⴰⵡⴻⵏ ⴷⴻⴳ ⵓⵏⵔⴰⵔ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⵎⴰⵙⵙ ⴳⵀⴰⵔⵙⴰⵍⵍⵉ ⵢⴻⵙⵎⴻⴽⵜⵉ-ⴷ ⴷⴰⵖ ⴷ ⴰⴽⴽⴻⵏ ⴰⵏⴰⴱⴰⴹ-ⵏⵏⴻⵙ ⵉⵄⴻⵡⵡⴻⵍ ⴰⴷ ⵢⴻⵣⵔⴻⵄ ⵉⵎⵙⵓⵍⵜⴰ ⵢⴻⵜⵜⵡⴰⵙⴻⵍⵍⵃⴻⵏ ⴷⴻⴳ ⵜⴻⴼⵜⵉⵙⵉⵏ ⵏ ⵜⵎⵓⵔⵜ ⴷ ⵙⴷⴰⵅⴻⵍ ⵏ ⵢⵉⵙⴻⵏⵙⴰ, ⵢⴻⵔⵏⴰ ⴰⴷ ⵢⴻⵖⵍⴻⵇ ⴰⴽⴽ ⵜⵉⵎⴻⵙⴳⵉⴷⵉⵡⵉⵏ « ⴰⵢ ⵢⴻⵙⵙⴻⴷⴷⴰⵢⴻⵏ ⵉⵏⴰⵡ ⵏ ⴽⴰⵕⵓⵀ (…) ⵉ ⴱⴻⴹⴹⵓ ⵏ ⵢⵉⵜⵓⵏⵙⵉⵢⴻⵏ ». ⵜⴰⵏⵟⴰⴳⵜ ⵏ ⵡⴰⵙⵙ ⵏ ⵍⵊⴻⵎⵄⴰ ⵜⴻⵔⵔⴰ-ⵜⵜ-ⵉⴷ ⵖⴻⴼ ⵢⵉⵙⴻⵎ-ⵏⵏⴻⵙ ⵜⴻⴳⵔⴰⵡⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ) ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵏⵟⴰⴳⵜ ⵜⴰⵔⴻⴱⵔⴰⴱⵜ ⵜⴰⵎⴻⵇⵔⴰⵏⵜ ⴰⴽⴽ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵎⴻⵣⵔⵓⵢ ⵏ ⵜⵓⵏⴻⵙ.