ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵎⵎⵓⴳⴻⵔ ⴰⵎⴰⵣⵓⵏ ⵏ ⵓⵙⴻⵍⵡⴰⵢ ⵉⵕⴰⵏⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ –ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵎⵎⵓⴳⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ, ⴰⵏⴻⵖⵍⴰⴼ ⵉⵕⴰⵏⵉ ⵏ ⵜⴻⵥⵡⴻⵔⵜ, ⵀⴰⵎⵉⴷ ⵛⵀⵉⵜⵛⵀⵉⴰⵏ, ⴰⵢ ⴷ-ⵢⵓⵙⴰⵏ ⵙ ⵢⵉⵙⴻⵎ-ⵏⵏⴻⵙ ⴷ ⴰⵎⴰⵣⵓⵏ ⵓⵣⵣⵉⴳ ⵏ ⵓⵙⴻⵍⵡⴰⵢ ⵀⴰⵙⵙⴰⵏ ⵔⵧⵀⴰⵏⵉ. ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵏ ⵜⵖⴻⵎⵙⴰ ⵙⴷⴻⴼⴼⵉⵔ ⵓⵎⵢⴰⴳⴻⵔ-ⵏⵏⵉ, ⵎⴰⵙⵙ ⵛⵀⵉⵜⵛⵀⵉⴰⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⴼⴽⴰ-ⴰⵙ ⵉ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵜⴰⴱⵕⴰⵜ ⵏ ⵓⵏⴻⵄⵔⵓⴹ ⵙⵖⵓⵔ ⵓⵙⴻⵍⵡⴰⵢ ⵉⵕⴰⵏⵉ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ ⵏ ⵓⵏⵎⴰⴳⴻⵔ ⵏ ⵜⵎⵓⵔⴰ ⵜⵉⵎⵙⵉⴵⵡⵉⵏ ⵏ ⵍⴳⴰⵣ, ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵟⴻⵀⵔⴰⵏ. ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵢⴻⵙⵙⴰⵡⴻⵍ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵜⴻⵎⵙⴰⵍ ⵢⴻⵔⵣⴰⵏ ⴰⵎⵄⵉⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ. « ⵏⴻⵎⵙⴻⴼⵀⴰⵎ ⴰⴽⴽⴻⵏ ⵜⵉⵎⵍⵉⵍⵉⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵜⵙⴻⵇⵇⴰⵎⵓⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⵉⵕⴰⵏⵉⵜ ⴰⴷ ⴷ-ⵜⵉⵍⵉ ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ ⵢⴻⵔⵏⴰ ⴰⴷ ⴷ-ⵜⴻⵙⵙⵓⴽⴽ ⵜⵉⵟ ⵖⴻⴼ ⵜⴻⵎⵙⴰⵍ ⵏ ⵓⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⵎⴰⵙⵙ ⵛⵀⵉⵜⵛⵀⵉⴰⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴰⵡⴻⵍ ⴷⴰⵖ ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵖⴻⴼ ⵜⴻⵎⵙⴰⵍ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵢⴻⵙⵄⴰⵏ ⵏⵏⴼⴻⵄ ⵓⵛⵔⵉⴽ.
