Asebter amenzawi

Aselway Bouteflika yemmuger amazun n uselway iṛani

LEZZAYER TAMANEƔT –Aselway n tegduda, Abdelaziz Bouteflika, yemmuger ass n letniyen deg Lezzayer, aneɣlaf iṛani n teẓwert, Hamid Chitchian, ay d-yusan s yisem-nnes d amazun uzzig n uselway Hassan Rohani. Deg yiwet n tseɣrut n tɣemsa sdeffir umyager-nni, Mass Chitchian yenna-d d akken yefka-as i uselway Bouteflika tabṛat n uneɛruḍ sɣur uselway iṛani akken ad yettekki deg temlilit n Unmager n tmura timsiǧwin n lgaz, ara d-yilin deg Wambeṛ ay d-yetteddun deg Ṭehran. Yenna-d daɣ d akken yessawel d uselway n tegduda ɣef temsal yerzan amɛiwen gar snat-a n tmura. « Nemsefham akken timlilit ay d-yetteddun n tseqqamut tuxliḍt tadzayrit-tiṛanit ad d-tili deg tgara n useggas yerna ad d-tessukk tiṭ ɣef temsal n umɛawen gar snat-a n tmura », ɣef wakken ay d-yenna. Mass Chitchian yenna-d d akken yessawel daɣ d uselway Bouteflika ɣef temsal timnaḍanin d tegraɣlanin yesɛan nnfeɛ ucrik.