Asebter amenzawi

Lezzayer twet-d « s lǧehd » deg tmenɣiwt n yimwekkel amatu amaṣri

LEZZAYER – Lezzayer tessaẓer s lǧehd ass n letniyen tanṭagt-nni tarebrabt deg tettwet tseglit n yimwekkel amatu amaṣri Hicham Barakat deg yemmut uneggaru-a.

« Nessaẓer s lǧehd tanṭagt-nni s tkeṛṛust yendin ay d-yellan mgal tseglit n yimwekkel amatu amaṣri Hicham Barakat deg yiwen n uzniq yeččuṛen d lɣaci yerna aya yesskanay-d d akken wid ay igan tanṭagt-a ur ttakfen ara akk azal i tmeddurt n umdan », ɣef wakken ay d-yenna uneṭṭaq unṣib n uɣlif n tɣawsiwin n uzɣar, Abdelaziz Benali Cherif, i Tnegga n Yisalan n Lezzayer.

« Nettɛezzi tiwacult n wid yemmuten, tafekka n teɣdemt d unabaḍ amaṣri agmat, yerna nessenfalay-d tigin-nneɣ i rrebrab akken yebɣu yili, am wakken ara d-nɛawed ad d-nwekked d akken nettwasseqneɛ d akken wid ay izerrɛen rrebrab deg wayyur-a nṛṛeḥma d ssmaḥ ulac d acu ay ten-yeqqnen ɣer Lislam d Yinselmen », ɣef wakken ay d-yenna.