ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⵉⵍⴻⵖ ⴷ ⵙⵙⵔⴰⴱⴻⵙ ⵏ ⵓⵙⵡⵉⵔ ⵉⴳⴻⵔⵔⵣⴻⵏ ⵉ ⵓⵙⵏⴻⵔⵏⵉ ⵏ ⵜⵎⴻⵔⵔⵉⵜ

ⵍⴻⵣⵣⴰⵢⴻⵔ– ⴰⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ, ⵉⵃⴻⵜⵜⴻⵜ-ⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ, ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵙⵉⵍⴻⵖ ⴷ ⵓⵙⵙⵓⵎⴻⵔ ⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵓⵙⵡⵉⵔ ⵓⵏⵏⵉⴳ ⵉ ⵍⵎⴻⵏⴷ ⵏ ⵜⵏⴻⴼⵍⵉⵜ ⵏ ⵜⵎⴻⵔⵔⵉⵜ ⴷ ⵜⴷⴰⵎⵙⴰ ⵢⴻⵅⴹⴰⵏ ⵉⵙⴻⵔⵖⴰ.

ⴷⴻⴳ ⵢⵉⵡⴻⵜ ⵏ ⵜⴼⵓⴳⴰ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵎⴻⵔⵔⵉⵜ (25 ⵢⵓⵏⵢⵓ), ⴰⵏⴻⵖⵍⴰⴼ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⵏ ⵜⵎⴻⵔⵔⵉⵜ ⴷ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ ⴰⴽⴽⴻⵏ ⴰⴷ ⵢⴻⵜⵜⵡⴰⵔⴼⴻⴷ ⵓⵙⵡⵉⵔ ⵏ ⵜⵎⴻⵔⵔⵉⵜ ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⵡⴰⵢⴰ ⴷⴻⴳ ⵍⴻⴱⵏⵉ ⵏ ⵜⴷⴰⵎⵙⴰ ⵢⴻⵅⴹⴰⵏ ⴰⵒⵉⵜⵕⵓⵍ.

ⵛⵛⴻⵔⴹ ⵏⵉⴹⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⵉⵍⵉ ⵉ ⵜⵏⴻⴼⵍⵉⵜ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ (ⵢⴻⵍⵍⴰⵏ ⴷ ⵜⴰⵎⵓⵔⵜ ⵢⴻⵙⵄⴰⵏ ⵜⵉⵣⴻⵎⵎⴰⵔ ⴷ ⵜⵉⵎⴻⵇⵔⴰⵏⵉⵏ ⴷⴻⴳ ⵜⵎⴻⵔⵔⵉⵜ) ⵏⴻⵜⵜⴰ ⴷ ⴰⴷⴻⵍⵍⴻⵍ ⵉ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ ⴷ ⵓⵖⴻⵍⵍⴻⵜ ⵏ ⵢⵉⴼⴰⵔⵉⵙⴻⵏ ⵉⵡⴻⵊⴷⴻⵏ ⴷⴻⴳ ⵢⵉⵎⵓⴽⴰⵏ-ⴰ.

ⴰⵢⴰ ⵢⴻⵃⵡⴰⴵ, ⴷⴻⴳ ⵜⴰⵣⵡⴰⵔⴰ, ⴰⴱⴻⴷⴷⴻⵍ ⵏ ⵍⵄⴻⵇⵍⴻⵢⵢⴰ ⵏ ⵎⴻⴷⴷⴻⵏ ⴷ ⵓⵎⵄⴰⵡⴻⵏ ⴳⴰⵔ ⴰⴽⴽ ⵉⵎⴻⵥⵍⴰ ⴰⵢ ⵢⴻⵇⵇⵏⴻⵏ ⵖⴻⵔ ⵜⵎⴻⵔⵔⵉⵜ, ⴰⵎⴰ ⴷ ⵜⴰⴷⴱⴻⵍⵜ ⵜⴰⴷⵉⴳⴰⵏⵜ, ⴰⵎⴰ ⴷ ⵓⴼⵔⵉⵏⴻⵏ, ⴰⵎⴰ ⴷ ⵎⴻⴷⴷⴻⵏ ⵏ ⵎⴻⵏⵡⴰⵍⴰ, ⴰⴽⴽⴻⵏ ⴰⴷ ⵙⵔⴻⴱⵃⴻⵏ ⵜⴰⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ.

ⴰⵙⴼⵓⴳⴻⵍ ⵓⵏⵚⵉⴱ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵎⴻⵔⵔⵉⵜ ⵢⵓⴷⴻⴼ ⴷⴻⴳ ⵓⴽⴰⵔⴰⵔ ⵏ ⵍⴻⵛⵖⴰⵍ ⵢⴻⵣⵡⴰⵔⴻⵏ ⵉ ⵍⵎⴻⵏⴷ ⵏ ⵜⵏⴻⴼⵍⵉⵜ ⵏ ⵓⵃⵔⵉⵛ-ⴰ ⵢⴻⵔⵏⴰ ⴰⵢⴰ ⴷ ⴰⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵡⴻⵏ ⵏ ⵡⴰⵙⵙ ⵏ ⵜⴻⵣⵔⴰⵡⵉⵏ ⵖⴻⴼ ⵜⵏⴻⴼⵍⵉⵜ ⵏ ⵜⵎⴻⵔⵔⵉⵜ ⵜⴰⴷⵉⴳⴰⵏⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⴷⵓⵊⴻⵎⴱⴻⵕ ⵏ 2011 ⴷⴻⴳ ⵍⴻⵣⵣⴰⵢⴻⵔ.

ⴰⵏⴻⵖⵍⴰⴼ ⵏ ⵜⵎⴻⵔⵔⵉⵜ ⵉⵅⴻⴱⴱⴻⵔ-ⴷ ⴷⴰⵖ, ⴷⴻⴳ ⵜⴻⴳⵏⵉⵜ-ⴰ, ⴷ ⴰⴽⴽⴻⵏ ⵜⴻⵏⵏⵓⵍⴼⴰ-ⴷ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵜⵎⴻⵔⵔⵓⵜ (ⵜⵉⵔⵉⵛⵜⵉⵏ ⵏ ⵜⵎⴻⵔⵔⵉⵜ).

ⵉⵙⵡⵉ ⴰⴳⴻⵊⴷⴰⵏ ⵏ ⵜⵉⴷⴷⵓⴽⵍⴰ-ⴰ ⵜⴰⵎⴰⵢⵏⵓⵜ ⵏⴻⵜⵜⴰ ⴷ ⴰⵙⵙⴻⴵⵀⴻⴷ ⵏ ⴷⴷⵓⵕ ⵏ ⵢⵉⵏⴻⵖⵎⴰⵙⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵓⵙⵎⴰⵍ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⴰ ⵛⵛⵖⴻⵍ-ⵏⵙⴻⵏ ⴰⴷ ⵢⴻⴹⴼⴻⵔ ⵜⴰⵏⴻⴼⵍⵉⵜ ⵏ ⵜⵎⴻⵔⵔⵉⵜ ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ-ⴰ.

ⵜⵉⴷⴷⵓⴽⵍⴰ-ⴰ ⵜⴻⴱⵖⴰ ⴷⴰⵖ ⴰⴷ ⵜⵉⵍⵉ ⴷ ⴰⴽⴰⵜⴰⵔ ⵏ ⵓⵅⴻⵎⵎⴻⵎ ⴹ ⵢⵉⵙⵙⵓⵎⴰⵔ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵡⵓⴳⵓⵔⴻⵏ ⵢⴻⵍⵍⴰⵏ ⴷⴻⴳ ⵜⵎⴻⵔⵔⵉⵜ.

ⴰⴷ ⵢⴻⵜⵜⵓⵏⴻⴼⴽ ⵡⴰⵔⵔⴰⵣ ⴰⵖⴻⵍⵏⴰⵡ ⵏ « ⵜⵔⵉⵛⵜⵉⵏ ⵏ ⵜⵎⴻⵔⵔⵉⵜ » ⵢⴰⵍ ⴰⵙⴻⴳⴳⴰⵙ ⴷⴻⴳ 22 ⵟⵓⴱⴻⵔ ⵉ ⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵖⴻⵎⵙⴰ, ⵉ ⵓⵎⴰⵀⵉⵍ (ⴰⵅⴻⴷⴷⵉⵎ) ⵉⵎⵅⴻⵢⵢⴻⵔ ⴰⴽⴽ ⴷⴻⴳ ⵜⵖⴻⵎⵙⴰ.

ⴰⵙⴼⵓⴳⴻⵍ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵎⴻⵔⵔⵉⵜ ⵢⴻⵍⵍⴰ-ⴷ ⴷⴰⵖ ⴷ ⵜⴰⴳⵏⵉⵜ ⵉ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵏ ⵡⴰⵟⴰⵙ ⵏ ⵡⵓⴷⵎⴰⵡⴻⵏ ⵏ ⵜⵎⵓⵔⵜ, ⴰⵎⴻⵣⵡⴰⵔⵓ ⴷⴻⴳ-ⵙⴻⵏ ⴷ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵖⴻⴼ ⵡⴰⴽⴽ ⵍⵎⴻⴵⵀⵓⴷ ⴰⵢ ⴳⴰⵏ ⵉ ⵓⵙⵎⴰⵍ ⴷ ⵜⵏⴻⴼⵍⵉⵜ ⵏ ⵜⵎⴻⵔⵔⵉⵜ.