ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵙⵎ ⴱⴻⵍⵄⴻⴱⴱⴰⵙ ⵜⴻⵡⵊⴻⴷ ⴰⴷ ⵜⴻⵎⵛⵉⵡⴻⵕ ⵖⴻⴼ ⵊⵧⵏⴰⵜⵀⴰⵏ ⴷ ⵛⵀⴻⵔⵉⴼⵉ
ⵍⴻⵣⵣⴰⵢⴻⵔ –ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵙⵎ ⴱⴻⵍⵄⴻⴱⴱⴰⵙ, ⴷⵊⵉⵍⴰⵍⵉ ⴱⴻⵏⵙⴻⵏⴰⴷⴰ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵢⴻⵡⵊⴻⴷ ⴰⴷ ⵢⴻⵎⵛⵉⵡⴻⵕ ⴰⴽⴽⴻⵏ ⴰⴷ ⵢⴻⴼⴽ ⴰⵄⴻⵙⵙⴰⵙ-ⵏⵏⴻⵙ ⵏ ⵢⵉⵙⵡⵉ, ⵎⴰⵜⵉⵊⴰⵙ ⵊⵧⵏⴰⵜⵀⴰⵏ ⵉ ⵎⵛ ⵍⴻⵣⵣⴰⵢⴻⵔ ⴷ ⵓⵎⴷⴻⴼⴼⵉⵔ-ⵏⵏⴻⵙ ⴰⵣⴻⵍⵎⴰⴹ, ⵔⴻⴷⵧⵓⴰⵏⴻ ⵛⵀⴻⵔⵉⴼⵉ ⵉ ⴻⵙ ⵙⴹⵉⴼ. ⵉ ⵓⵙⵎⴻⴽⵜⵉ, ⵉⵎⴰⵔⵉⵔⴻⵏ-ⴰ ⵎⴰⵣⴰⵍ-ⵉⵜⴻⵏ ⴷⴻⴳ ⵙⵉⵏ ⵢⵉⴷ-ⵙⴻⵏ ⵇⵇⵏⴻⵏ ⵙ ⵍⴻⵄⵇⴻⴷ ⵖⴻⵔ ⴱⴻⵍⵄⴻⴱⴱⴰⵙ ⵢⴻⵔⵏⴰ ⵜⴰⵖⵍⴰⵎⵜ-ⴰ ⵜⴻⵖⵍⵉ ⵖⴻⵔ ⵜⴻⵎⵖⵓⵏⵜ ⵜⵉⵙ 2 ⴷⴻⴳ ⵜⴳⴰⵔⴰ ⵏ ⵜⵙⴻⵎⵀⵓⵢⵜ ⵢⴻⵣⵔⵉⵏ.
« ⵓⵔ ⵏⵊⴻⵎⵎⴻⵄ ⴰⵔⴰ ⵙⵉⵏ-ⴰ ⵏ ⵢⵉⵎⴰⵔⵉⵔⴻⵏ ⵎⴰ ⵓⵔ ⴱⵖⵉⵏ ⴰⵔⴰ ⴰⴷ ⵇⵇⵉⵎⴻⵏ ⵢⵉⴷ-ⵏⴻⵖ, ⴷ ⴰⵛⵓ ⴽⴰⵏ, ⵢⴻⵙⵙⴻⴼⴽ ⴰⴷ ⵏⴻⴳ ⵜⵉⵖⴰⵡⵙⵉⵡⵉⵏ ⵖⴻⴼ ⵍⴻⵃⵙⴰⴱ ⵏ ⵢⵉⵍⵓⴳⴰⵏ ⵏ ⵚⵚⴻⵏⵄⴰ. ⵜⵉⵖⵍⴰⵎⵉⵏ ⴰⵢ ⵢⴻⴱⵖⴰⵏ ⴰⴷ ⵜⴻⵏ-ⴰⵡⵢⴻⵏⵜ, ⵢⴻⵙⵙⴻⴼⴽ ⴰⴷ ⵙⵙⵉⵡⵍⴻⵏⵜ ⵢⵉⴷ-ⵏⴻⵖ ⵢⴻⵔⵏⴰ ⴰⴷ ⵏⴻⵎⵛⵉⵡⴻⵕ ⵖⴻⴼ ⵜⵓⴽⵛⵉ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⵏⵙⴻⵏⴰⴷⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⵊⵧⵏⴰⵜⵀⴰⵏ ⵢⴻⴼⵔⴻⵏ ⴰⴷ ⵢⴻⴷⴷⵓ ⵖⴻⵔ ⵎⵛ ⵍⴻⵣⵣⴰⵢⴻⵔ, ⵎⴰ ⴷ ⵛⵀⴻⵔⵉⴼⵉ ⵢⴻⴱⵖⴰ ⴰⴷ ⵢⴻⴷⴷⵓ ⵖⴻⵔ ⴻⵙ ⵙⴹⵉⴼ. ⵏⵏⵉⴳ ⵡⴰⵢⴰ, ⵙⵉⵏ-ⴰ ⵏ ⵢⵉⵎⴰⵔⵉⵔⴻⵏ ⵛⵛⴻⵜⴽⴰⵏ ⵉ ⵜⵙⴻⵇⵇⴰⵎⵓⵜ ⵏ ⴼⴻⵔⵔⵓ ⵏ ⵢⵉⵎⴳⴻⵔⵔⴰⴷⴻⵏ (ⵛⵔⵍ) ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⴹⴰⵔ (ⴼⴰⴼ) ⴰⴽⴽⴻⵏ ⴰⴷ ⵙⵙⵓⵜⵔⴻⵏ ⴰⴷ ⴷ-ⵜⵜⵉⵅⵔⴻⵏ ⵙⴻⴳ ⵜⴻⵖⵍⴰⵎⵜ-ⴰ ⵉⵎⵉ ⵓⵔ ⴷ-ⴹⴹⵉⴼⴻⵏ ⴰⵔⴰ ⵍⴻⵅⵍⴰⵚ-ⵏⵙⴻⵏ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ.
« ⵖⴻⴼ ⵡⴰⴽⴽⴻⵏ ⵥⵔⵉⵖ, ⵜⴰⵙⴻⵇⵇⴰⵎⵓⵜ ⵏ ⴼⴻⵔⵔⵓ ⵏ ⵢⵉⵎⴳⴻⵔⵔⴰⴷⴻⵏ ⵡⴻⵔⵄⴰⴷ ⵓⵔ ⴷ-ⵜⴻⵙⵙⵓⴼⴼⴻⵖ ⴰⵔⴰ ⵍⴻⵃⴽⴻⵎ ⵓⵏⵚⵉⴱ, ⵢⴻⵔⵏⴰ ⴰⵛⴻⵎⵎⴰ ⵓⵔ ⴷ-ⵢⴻⵙⵙⴽⴰⵏⴰⵢ ⴷ ⴰⴽⴽⴻⵏ ⵉⵎⴰⵔⵉⵔⴻⵏ-ⴰ ⴰⴷ ⵔⴻⴱⵃⴻⵏ ⴷⴻⴳ ⵓⵛⵛⴻⵜⴽⵉ-ⵏⵙⴻⵏ. ⴰⵙⵜⴻⵏⵢⵉ ⵏ ⵍⴻⵄⵇⵓⴷⴰⵜ ⴰⴽⴽⴻⴷ ⵜⴻⵖⵍⴰⵎⵉⵏ ⵏⵉⴹⴻⵏ ⵓⵔ ⵢⴻⵙⵄⵉ ⴰⵔⴰ ⴽⵔⴰ ⵏ ⵡⴰⵣⴰⵍ, ⵢⴻⵔⵏⴰ ⵜⵉⵖⵍⴰⵎⵉⵏ ⵡⵓⵖⵓⵔ ⵙⵜⴻⵏⵢⴰⵏ ⵣⴻⵎⵔⴻⵏⵜ ⴰⴷ ⵜⵜⵡⴰⵄⴰⵇⴱⴻⵏⵜ ⴰⵄⴰⵇⴻⴱ ⴷ ⴰⵎⴻⵇⵔⴰⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵍⵓⴳⴰⵏ ⵢⴻⵍⵍⴰⵏ ⴷⴻⴳ ⵍⴼⴻⵄⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ ⵏ ⵜⴻⵖⵍⴰⵎⵜ-ⴰ ⴰⵢ ⴷ-ⵢⴻⵇⵇⵍⴻⵏ ⵖⴻⵔ ⵜⵙⴻⵍⵡⵉⵜ ⵏ ⵓⵙⵎ ⴱⴻⵍⵄⴻⴱⴱⴰⵙ ⴽⵔⴰ ⵏ ⵍⴻⴷⵡⴰⵕ ⴰⵢⴰ, ⴰⵙⵎⵉ ⴰⵢ ⵢⴻⵜⵜⴰⵅⴻⵔ ⵢⴰⵀⵉⴰ ⴰⵎⵔⵧⵓⵏ.
ⵎⴰⵙⵙ ⴱⴻⵏⵙⴻⵏⴰⴷⴰ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ « ⵢⴻⵕⵜⴰⵃ » ⵉⵎⵉ ⴰⵢ ⴰⵙ-ⵢⴻⴹⵎⴻⵏ ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ (ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ) ⴷ ⴰⴽⴽⴻⵏ « ⵍⵇⴰⵏⵓⵏ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵙ ⵜⴻⵇⵙⴻⵃ-ⵏⵏⴻⵙ ».
