Asebter amenzawi

Asliẓri : Aɛeggen amyagan i unemhal n terga KBC

LEZZAYER – Adabu n uslugen n usliẓri yuzen ass n letniyen yiwen n uɛeggen s amyagan i unemhal n terga n tliẓri tusligt KBC (El Khabar TV), Ali Djerri ɣef ‘’wufuɣ n ubrid’’ deg tesgilin "Allô oui" d "Jornan el-gosto".

Mass Miloud Chorfi, aselway n udabu n uslugen n usliẓri ‘’yessawel i Ali Djerri, anemhal n KBC i umi yefka aɛeggen amyagan ɣef wallus n wufuɣ n ubrid deg tesgilin "Allô oui" d "Jornan el-gosto" ideg regmen, ttaḍsan akkas ɣef kra n yismawen n yemdanen d yizamulen n Uwanak d yimasayen unnigen n tsuda n Tegduda’’, i d-yenna Udabu deg yiwen n ulɣu.

‘’Tigawin am tid irekḍen ilugal n leqder n umahil, ad ɣlint ddaw n tyita n yisuḍaf n telɣut d wid n yisliẓri’’, i iɛeggen Mass Cherfi, yesmekta-d belli adabu n uslugen n usliẓri yessumer-d akken ad yili usnerni n tlelli n useɣnew d tin n wawal war ma yella lḥers neɣ udras.

Yesmekta-d Mass Chorfi i yimasayen n terga belli yessefk ad qadren isuḍan i ɣef yers umahil, ad nadin ad ṣegmen liḥala akken ad yekfu wufuɣ n ubrid. ‘’ Ma yella ulac, iduba izuyaz ur ttkukrun ara akken ad yexdem ayen i yessefk fell-as ad yexdem, i d-iɛeggen Mass Chorfi.