Asebter amenzawi

Mass Sellal yemmuger amazun uzzig n uselway n Iṛan

LEZZAYER –Aneɣlaf amenzu, Abdelmalek Sellal, yemmuger ass n ttlata deg Lezzayer Mass Hamid Chitcihan, aneɣlaf iṛani n teẓwert yerna d amazun uzzig n uselway n Iṛan, Hassan Rohani, ɣef wakken ay d-yebder yiwen n ulɣu n yimeẓla n Uneɣlaf amenzu. Imḍebber-a iṛani iqeddem-d, deg umyager-a, « iswan n tqacuct tis kraḍt (3) n yiɣfawen n uwanak d unabaḍ n umnager n tmura timsiǧwin n lgaz (GECF) yerna yella-d waya deg tegnit deg la d-ttilin yibeddilen d imeqranen deg leswaq igraɣlanen n upitṛul », ɣef wakken ay d-yenna ulɣu-nni. Amyager-a yella-d s uḥdaṛ n uneɣlaf n teẓwert, Salah Khebri, yerna yella-d d tagnit i sin-a n yimḍebbren akken « ad qeyymen assaɣen ucriken gar snat-a n tmura ladɣa deg unrar n teẓwert, akken ad ssemyuddsent lecɣal-nsent xir », ɣef wakken ay d-tenna teɣbalut-a