ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴳⴰïⴷ ⵙⴰⵍⴰⵀ ⵢⴻⴱⴷⴻⵔ-ⴷ ⵍⵎⴻⴵⵀⵓⴷ « ⵢⴻⵜⵜⴽⴻⵎⵎⵉⵍⴻⵏ » ⵉ ⵓⵙⵏⴻⵔⵏⵉ ⵏ ⵢⵉⴳⴻⵏ

ⵍⴻⵣⵣⴰⵢⴻⵔ – ⴰⵙⵙⵓⴽⴽⵓ ⵏ ⵜⵉⵟ ⵖⴻⴼ ⵛⵛⵖⴻⵍ ⵏ ⵓⵙⵙⴻⵜⵔⴻⵔ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⴰⵓⴻⵏ ⴰⵢ ⴷ-ⵢⴻⵙⵙⴻⴽⵏⴻⵏ ⴷ ⴰⴽⴽⴻⵏ ⵢⴻⵍⵍⴰ-ⴷ ⵍⵎⴻⴵⵀⵓⴷ ⴷ « ⴰⵎⴻⵇⵔⴰⵏ » ⵢⴻⵔⵏⴰ « ⵢⴻⵜⵜⴽⴻⵎⵎⵉⵍ » ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵖⴻⵔ ⵢⵉⵙⵡⴰⵏ-ⵏⵙⴻⵏ ⴰⵢ ⴷ-ⵃⵓⴷⴷⴻⵏ ⵉ ⵜⵏⴻⴼⵍⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ, ⴰⵀⵎⴻⴷ ⴳⴰⵉⴷ ⵙⴰⵍⴰⵀ, ⴰⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ. « ⴰⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⴽⴰⵍⴰ ⵏ ⵓⵙⵙⴻⵜⵔⴻⵔ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵙⵙⴽⴰⵏⴰⵢ-ⴷ ⴷ ⴰⴽⴽⴻⵏ ⵢⴻⵍⵍⴰ-ⴷ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⵍⵎⴻⴵⵀⵓⴷ ⴷ ⴰⵎⴻⵇⵔⴰⵏ ⵢⴻⵔⵏⴰ ⵢⴻⵜⵜⴽⴻⵎⵎⵉⵍ, ⵙ ⵕⵕⴰⵢ ⴷ ⵍⴻⵎⵄⴰⵡⵏⴰ ⵏ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⵎⴹⴻⴱⴱⴻⵔ ⴰⵏⴰⴼⴻⵍⵍⴰ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ, ⴰⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⴰⵡⵜ, ⴰⴽⴽⴻⵏ ⵉⵖⴰⵍⵍⴻⵏ-ⵏⵏⴻⵖ ⵉⵎⵙⴻⵍⵍⵃⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵢⵉⵙⵡⴰⵏ ⵏ ⵜⵏⴻⴼⵍⵉⵜ ⴰⵢ ⴷ-ⵢⴻⵜⵜⵡⴰⵃⵓⴷⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⵏ ⵓⵡⴻⵀⵀⵉ ⴰⵢ ⴷ-ⵉⴳⴰ ⵉ ⵓⵏⵣⴰⴹ ⴷ ⵢⵉⴽⴰⵜⴰⵔⴻⵏ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 6 ⴷⴻⴳ ⵜⵎⴻⵏⵖⴻⵙⵜ. ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵢⴻⵏⵏⴰ-ⴷ, ⵉ ⵍⵎⴻⵏⴷ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⴷ ⵓⵎⴰⵀⵉⵍ (ⴰⵅⴻⴷⴷⵉⵎ) ⴰⵢ ⴷ-ⵢⴻⵍⵍⴰⵏ ⴳⴰⵔ 29 ⴷ 30 ⵢⵓⵏⵢⵓ 2015 ⴷⴻⴳ ⵜⴻⵎⵏⴰⴹⵜ-ⴰ, ⴷ ⴰⴽⴽⴻⵏ ⵢⴻⴼⴽⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵍⵎⴻⴵⵀⵓⴷ ⵢⴻⵜⵜⴽⴻⵎⵎⵉⵍⴻⵏ ⴰⵢ ⴷ-ⵢⴻⵜⵜⵓⵏⴻⴼⴽⴻⵏ ⵉ ⵓⵙⵏⴻⵔⵏⵉ, ⵜⴰⵏⴻⴼⵍⵉⵜ ⴷ ⵓⵙⵙⴻⵜⵔⴻⵔ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ». ⵍⵎⴻⴵⵀⵓⴷ-ⴰ « ⴷ ⵏⴻⵜⵜⴰ ⴰⵔⴰ ⵢⴻⵙⵙⵉⴼⴻⵙⵙⴻⵏ ⴰⵇⴰⴱⴻⵍ ⵏ ⵜⵓⴳⴳⵣⵉⵡⵉⵏ ⴷ ⵢⵉⵎⵉⵀⵉⵜⴻⵏ ⴷ ⵙ ⴽⵔⴰ ⵏ ⵜⵖⴰⵡⵙⴰ ⴰⵢⵖⴻⴼ ⵓⵔ ⵏⴻⴱⵏⵉ ⴰⵔⴰ, ⴰⵏⵙⵉ ⴰⵢ ⵢⴻⴱⵖⵓ ⵜⴻⴽⴽ-ⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.