ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵜⴻⵏⵢⵉ ⵏ ⵍⴻⵄⵇⴻⴷ ⴳⴰⵔ ⵜⵎⴻⵀⵍⴰ ⵏ ⵓⵏⴰⴷⵉ ⵓⵙⵙⵏⴰⵏ ⴷ ⵜⴻⴳⵔⴰⵡⵜ ⵏ ⵓⵙⵉⵎⴰⵏ ⵏ ⴳⵉⵛⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵓⵏⴰⴷⵉ ⵓⵙⵙⵏⴰⵏ ⴷ ⵜⵏⴻⴼⵍⵉⵜ ⵜⴰⴽⵏⵓⵙⵙⵏⴰⵏⵜ (ⴷⴳⵔⵙⴷⵜ) ⴷ ⵜⴻⴳⵔⴰⵡⵜ ⵜⴰⵎⴳⵓⵔⴰⵏⵜ ⵏ ⵓⵙⵉⵎⴰⵏ ⵏ ⵍⴻⵣⵣⴰⵢⴻⵔ (ⴳⵉⵛⴰ) ⵙⵜⴻⵏⵢⴰⵏⵜ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵢⵉⵡⴻⵏ ⵏ ⵓⵎⵜⴰⵡⴰ-ⴰⴽⴰⵜⴰⵔ ⵏ ⵓⵎⵄⴰⵡⴻⵏ ⵓⵙⵙⵏⴰⵏ ⴷ ⵓⴽⵏⵓⵙⵙⵏⴰⵏ ⴰⴽⴽⴻⵏ ⴰⴷ ⵙⴻⵎⵍⴻⵏⵜ ⴰⵎⵎⴰⵙⴻⵏ ⵏ ⵓⵏⴰⴷⵉ. ⴰⵎⵜⴰⵡⴰ-ⴰ ⵢⴻⵙⵜⴻⵏⵢⴰ-ⵜ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵏⴰⴷⵉ ⵓⵙⵙⵏⴰⵏ ⴷ ⵜⵏⴻⴼⵍⵉⵜ ⵜⴰⴽⵏⵓⵙⵙⵏⴰⵏⵜ ⴷⴻⴳ ⵓⵖⵍⵉⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵀⴰⴼⵉⴷⵀ ⴰⵧⵓⵔⴰⴳ, ⴷ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⴳⵉⵛⴰ, ⵔⴰⴱⴰⵀ ⴳⵓⴻⵙⵙⵧⵓⵎ. ⵎⵙⴻⴼⵀⴰⵎⴻⵏ ⵙⵉⵏ-ⴰ ⵏ ⵢⵉⴷⵉⵙⴰⵏ, ⴷⴻⴳ ⵓⵎⵜⴰⵡⴰ-ⴰ, ⴰⴽⴽⴻⵏ « ⴰⴷ ⵙⴻⵎⵍⴻⵏ, ⵙ ⵡⴰⵎⵎⴰⵙⴻⵏ-ⵏⵙⴻⵏ, ⵢⵉⵏⴻⴳⵎⵉⵢⴻⵏ-ⵏⵙⴻⵏ ⵏ ⵓⵏⴰⴷⵉ ⴷ ⵍⵍⵓⵣⵉⵏⴰⵜ-ⵏⵙⴻⵏ, ⴰⵙⵙⴻⵇⴷⴻⵛ ⵏ ⵜⴻⴽⵏⵓⵙⵙⵏⴰⵏ ⵉ ⵜⵏⴻⴼⵍⵉⵜ, ⴰⵙⵙⵉⵍⴻⵖ ⴷ ⵓⵙⵙⴻⵍⵀⵓ ⵏ ⵜⵜⴰⵡⵉⵍⴰⵜ ⵉⵜⴻⴽⵏⵉⵢⴻⵏ ⴷ ⵓⵙⵡⵉⵔ ⵏ ⵢⵉⵅⴻⴷⴷⴰⵎⴻⵏ ⵉ ⵍⴼⴰⵢⴷⴰ ⵏ ⵜⴻⵎⴳⵓⵔⵉ ⵏ ⵓⵙⵉⵎⴰⵏ ⴷ ⵢⵉⵙⵓⴷⴷⵉⵎⴻⵏ-ⵏⵏⴻⵙ ». ⴰⵎⵜⴰⵡⴰ-ⴰ ⵢⴻⵜⵜⵡⴰⵙⵜⴻⵏⵢⴰ ⴰⴽⴽⴻⵏ « ⴰⴷ ⵢⴻⴼⴽ ⴰⵣⴰⵍ ⴷ ⵜⵓⵣⵡⵉⵔⵜ ⵉ ⵜⵏⴻⴼⵍⵉⵜ ⵜⴰⴽⵏⵓⵙⵙⵏⴰⵏⵜ ⴷⴻⴳ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵙⵙⴻⴵⵀⴻⴷ ⴰⵎⵄⴰⵡⴻⵏ ⴳⴰⵔ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵉ ⵓⵙⵎⴰⵍ ⵏ ⵜⵓⵙⵙⵏⴰ, ⵜⴰⴽⵏⵓⵙⵙⵏⴰ ⴷ ⵓⴱⴷⴰⵄ ⵉ ⵍⴼⴰⵢⴷⴰ ⵏ ⵜⴷⴰⵎⵙⴰ ⴷ ⵍⴰⵜⴻⵕ ⴰⵢ ⵜⴻⵣⵎⴻⵔ ⴰⴷ ⵜ-ⵜⴻⵙⵄⵓ ⴷⴻⴳ ⵜⵎⴻⵜⵜⵉ ⵙ ⵓⵎⴰⵜⴰ ». « ⵡⴰ ⴷ ⴰⵙⵓⵔⵉⴼ ⴰⵎⴻⵣⵡⴰⵔⵓ ⵉ ⵓⵙⵙⴻⵇⵔⴻⴱ ⵏ ⵜⴷⴰⵎⵙⴰ ⵖⴻⵔ ⵜⴻⵙⴷⴰⵡⵉⵢⵉⵏ », ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵜⴰⵀⴰⵔ ⵀⴰⴷⵊⴰⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⴰⵀⵉⵍ (ⴰⵅⴻⴷⴷⵉⵎ) ⵉ ⵍⵎⴻⵏⴷ ⵏ ⵓⵙⵙⴻⵇⵔⴻⴱ ⵏ ⵜⴻⵙⴷⴰⵡⵉⵜ ⵖⴻⵔ ⵜⴷⴰⵎⵙⴰ. « ⵣⵣⵎⴻⵏ-ⴷ ⴼⴻⵍⵍ-ⴰⵖ ⴷ ⴰⴽⴽⴻⵏ ⵍⴰ ⴷ-ⵏⴻⵙⵙⴰⵍⴰⵖ ⵎⴻⴷⴷⴻⵏ ⵓⵔ ⵢⴻⵡⵊⵉⴷⴻⵏ ⴰⵔⴰ ⴰⴷ ⵇⴰⴱⵍⴻⵏ ⴰⵏⵔⴰⵔ, ⵎⴰⵛⴰ ⴷ ⵜⵉⴽⴻⴱⴱⴰⵏⵉⵢⵉⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴰⵖ-ⴷ-ⵎⵍⴻⵏⵜ ⴷ ⴰⵛⵓ ⴰⵢ ⵃⵡⴰⴵⴻⵏⵜ (ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⵢⴻⵃⵡⴰⴵ ⵙⵙⵓⵇ) », ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⵎⵇⴰⵔⴻⴱ ⴳⴰⵔ ⵜⴻⵙⴷⴰⵡⵉⵜ ⴷ ⵜⴽⴻⴱⴱⴰⵏⵉⵢⵉⵏ ⴰⴷ ⵢⴻⴵⴵ ⴷⴰⵖ ⵉⵏⴻⵍⵎⴰⴷⴻⵏ ⴰⴷ ⴰⴼⴻⵏ ⴰⴱⵔⵉⴷ ⵉ ⵜⴰⵏⵏⴰⵏⵉⵏ ⵜⵓⵎⵔⵉⵙⵉⵏ.
