ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵙⵏⵉ ⵏ ⵜⴻⵎⴷⵉⵏⵉⵏ: ⴰⵙⴻⵏⴼⴰⵔ ⵏ ⵓⵎⵉⵟⵔⵓ ⴷⴻⴳ ⵢⵉⴳⴻⵏⵏⵉ ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵍⵃⴻⵕⵙ ⵖⴻⴼ ⵢⵉⴱⵔⵉⴷⴻⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ

ⵍⴻⵣⵣⴰⵢⴻⵔ – ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵜ ⵏ ⵓⵎⵉⵟⵔⵓ ⵏ ⵍⴻⵣⵣⴰⵢⴻⵔ (ⴻⵎⴰ), ⵎⴰⵙⵙ ⴰⵧⵎⴰⵔ ⵀⴰⴷⴱⵉ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⴱⵏⵉ ⵏ ⵓⵎⵉⵟⵔⵓ ⴰⴳⴻⵏⵡⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵔⴰ ⵢⴻⵇⵇⵏⴻⵏ ⵜⵉⵏⴻⵎⵙⴰⵍ (ⵏ ⵃⴰⵢ ⵍⴱⴰⴷⵕ) ⵖⴻⵔ ⵛⵀⴻⵠⴰⵍⵍⴻⵢ ⴷ ⵢⵉⵡⴻⵜ ⵙⴻⴳ ⵜⴻⴽⵜⴰ ⵢⴻⵍⵀⴰⵏ « ⵉ ⵓⵙⵙⵉⴼⵙⴻⵙ ⵏ ⵜⵉⴷⴷⵉⵜ ⵏ ⵎⴻⴷⴷⴻⵏ, ⵓⵍⴰ ⵎⴰ ⵜⵉⵣⵔⴰⵡⵉⵏ ⵏ ⵓⵙⴻⵏⴼⴰⵔ-ⴰ ⵡⴻⵔⵄⴰⴷ ⵓⵔ ⴷ-ⴱⴷⵉⵏⵜ ⴰⵔⴰ ». « ⵜⵓⵇⵇⵏⴰ ⵏ ⵃⴰⵢ ⵍⴱⴰⴷⵕ ⵖⴻⵔ ⵛⵀⴻⵠⴰⵍⵍⴻⵢ ⵙ ⵓⵎⵉⵟⵔⵓ ⴰⴳⴻⵏⵡⴰⵏ ⴷ ⵜⴰⴽⵜⵉ ⵢⴻⵍⵀⴰⵏ, ⵎⴰⵛⴰ ⵜⵉⵣⵔⴰⵡⵉⵏ ⵏ ⵓⵙⴻⵏⴼⴰⵔ-ⴰ ⵡⴻⵔⵄⴰⴷ ⵓⵔ ⴱⴷⵉⵏⵜ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵀⴰⴷⴱⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵜⴰⵙⵡⵉⵄⵜ-ⴰ, ⵜⴰⴷⵢⴰⵏⵜ ⵜⴰⵎⴻⵇⵔⴰⵏⵜ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⴽⴻⴱⴱⴰⵏⵉⵜ-ⵏⵏⴻⵙ ⴷ ⴰⵔⵥⴰⵎ ⵏ ⵓⵃⵔⵉⵛ ⵏ ⵓⵎⵉⵟⵔⵓ ⴰⵔⴰ ⵢⴻⵇⵇⵏⴻⵏ ⵃⴰⵢ ⵍⴱⴰⴷⵕ ⴷ ⵍⵃⴻⵕⵕⴰⵛ. ⵜⴰⴽⵜⵉ-ⴰ ⵏ ⵓⵙⴻⵏⴼⴰⵔ ⵏ ⵓⵎⵉⵟⵔⵓ ⴰⴳⴻⵏⵡⴰⵏ ⵢⴻⴱⴷⴻⵔ-ⵉⵜⵜ-ⵉⴷ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵓⵏⴻⵖⵍⴰⴼ ⴰⵇⴱⵓⵔ ⵏ ⵓⵎⴻⵙⵏⵉ, ⴰⵎⴰⵔ ⴳⵀⵧⵓⵍ, ⵎⵉ ⵢⴻⵔⵣⴰ ⴷⴻⴳ 2014 ⵖⴻⴼ ⵓⵛⴰⵏⵟⵉ-ⴰ ⵏ ⵃⴰⵢ ⵍⴱⴰⴷⵕ-ⵍⵃⴻⵕⵕⴰⵛ. ⵉⵎⵉⵔ-ⵏⵏⵉ, ⵉⴽⴰⵜⴰⵔⴻⵏ ⵏ ⵜⴽⴻⴱⴱⴰⵏⵉⵜ ⵏ ⵛⵧⵙⵉⴷⴻⵔ ⴳⴰⵏ-ⴷ ⵢⵉⵡⴻⵏ ⵏ ⵓⵇⴻⴷⴷⴻⵎ ⵓⵎⵉ ⵙⴻⵎⵎⴰⵏ « ⵉⵣⵉⵔⵉⴳ ⴰⵎⴰⵢⵏⵓ ⵡⵉⵙ 3 ⵏ ⵓⵎⵉⵟⵔⵓ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ », ⵢⴻⵔⵏⴰ ⵀⴻⵢⵢⴰⵏ-ⴷ ⴰⵇⴻⴷⴷⴻⵎ-ⴰ ⵙ ⵓⵎⵄⴰⵡⴻⵏ ⴷ ⴽⵔⴰ ⵏ ⵜⴽⴻⴱⴱⴰⵏⵉⵢⵉⵏ ⵏ ⵍⴻⴱⵏⵉ ⵜⵉⴼⵕⴻⵏⵙⵉⵙⵉⵏ. ⴰⵏⴻⵖⵍⴰⴼ ⴰⵇⴱⵓⵔ ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⴻⵎⴰ ⵏⵏⴰⵏ-ⴷ ⴷ ⴰⴽⴽⴻⵏ ⵜⴻⵜⵜⵡⴰⵀⴻⵢⵢⴰⵏ-ⴷ ⵜⵎⴰⴽⵉⴹⵜ ⵉ ⵓⵙⴻⵏⴼⴰⵔ-ⴰ, ⵢⴻⵔⵏⴰ ⵅⴻⴱⴱⵔⴻⵏ-ⴷ ⵜⴰⵖⴻⵎⵙⴰ ⴷ ⴰⴽⴽⴻⵏ ⵢⴻⵙⵙⴻⴼⴽ, ⵇⴱⴻⵍ, ⴰⴷ ⴷ-ⵉⵍⵉⵏⵜ ⵜⴻⵣⵔⴰⵡⵉⵏ ⵓⵇⴱⴻⵍ ⵎⴰ ⵢⴻⴱⴷⴰ-ⴷ ⵓⵅⴻⴷⴷⵉⵎ ⵖⴻⴼ ⵓⵙⴻⵏⴼⴰⵔ-ⴰ ⵏ ⵓⵙⵙⴻⵎⵖⴻⵔ ⵏ ⵓⵎⵉⵟⵔⵓ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⵍⴻⵎⵎⴻⵔ ⴰⴷ ⵢⴻⴱⴷⵓ ⵓⵙⴻⵏⴼⴰⵔ-ⴰ, ⵉⵣⵉⵔⵉⴳ-ⴰ ⵢⴻⵣⵎⴻⵔ ⴰⴷ ⵢⴻⵜⵜⵡⴰⴱⵏⵓ ⴷⴻⴳ ⵡⴰⵣⴰⵍ ⵏ 3 ⵏ ⵢⵉⵙⴻⴳⴳⴰⵙⴻⵏ ⴷ ⵓⵣⴳⴻⵏ ⵢⴻⵔⵏⴰ ⴰⴷ ⵢⴻⵙⵙⴰⵡⴰⴹ ⵎⴻⴷⴷⴻⵏ ⵙⴻⴳ ⵜⵏⴻⵎⵙⴰⵍ ⵖⴻⵔ ⵜⵇⵓⴱⴱⴻⵜ, ⵊⵧⵍⵉⴻ ⵠⵓⴻ, ⴳⴰⵔⵉⴷⵉ, ⵍⴻⵙ ⵙⵧⵓⵔⵛⴻⵙ, ⵙⴰⵉⴷ ⵀⴰⵎⴷⵉⵏⴻ, ⵃⵉⴷⵕⴰ, ⴰⵖⴰⵔⴰⵎ ⵏ ⵎⴰⵍⴽⵉ, ⴱⴻⵏⵄⴻⴽⵏⵓⵏ, ⵄⵉⵏ ⵍⵍⴰⵀ ⴷ ⵛⵀⴻⵠⴰⵍⵍⴻⵢ. ⴰⴱⵔⵉⴷ-ⴰ ⵜⵜⴻⴽⴽⴻⵏⵜ ⴼⴻⵍⵍ-ⴰⵙ ⴰⵟⴰⵙ ⵏ ⵜⴽⴻⵕⵕⵓⵙⵉⵏ ⴰⵢ ⵢⴻⵜⵜⴻⴷⴷⵓⵏ ⵖⴻⵔ ⵓⵜⴰⵔⴰⵎ (ⵍⵖⴻⵔⴱ) ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⴰⵙⵎⵉ ⴰⵔⴰ ⴷ-ⵢⴻⵡⵊⴻⴷ ⵢⵉⵣⵉⵔⵉⴳ-ⴰ, ⴰⴷ ⵢⴻⵜⵜⵡⴰⵇⵇⴻⵏ ⵖⴻⵔ ⵢⵉⵣⵉⵔⵉⴳ-ⵏⵏⵉ ⴰⵔⴰ ⴷ-ⵢⴰⵍⵉⵏ ⵙⴻⴳ ⵓⵎⵕⴰⵃ ⵏ ⵢⵉⵎⴻⵖⵔⵓⵙⴻⵏ (ⵛⵛⵓⵀⴰⴷⴰ) ⵖⴻⵔ ⵛⵀⴻⵠⴰⵍⵍⴻⵢ, ⵢⴻⵔⵏⴰ ⴰⴷ ⵢⴻⵇⵇⴻⵍ ⵓⴱⵔⵉⴷ ⵏ ⵓⵎⵉⵟⵔⵓ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⴱⴳⴻⵙ-ⴷ ⴰⴽⴽ ⵉ ⵜⴻⵎⴷⵉⵏⵜ. ⵜⴰⵙⵡⵉⵄⵜ-ⴰ, ⴰⵎⵉⵟⵔⵓ ⵏ ⵍⴻⵣⵣⴰⵢⴻⵔ ⵢⴻⵙⵄⴰ ⵢⵉⵡⴻⵏ ⴽⴰⵏ ⵏ ⵢⵉⵣⵉⵔⵉⴳ, ⵖⴻⵣⵣⵉⴼ 8,5 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴻⵔⵏⴰ ⵢⴻⵙⵙⴰⵡⴰⴹ ⵎⴻⴷⴷⴻⵏ ⵖⴻⵔ 10 ⵏ ⵜⴻⵖⵙⴰⵔ ⵙⴻⴳ ⵜⴰⴼⵓⵔⴰ-ⵜⴰⵙⵔⴻⵇⵇⴻⵙⵜ ⵜⴰⵎⴻⵇⵔⴰⵏⵜ ⴰⵔⵎⴰ ⴷ ⵃⴰⵢ ⵍⴱⴰⴷⵕ. ⴰⵎⵉⵟⵔⵓ ⴰⴳⴻⵏⵡⴰⵏ ⴷ ⵡⵉⵏ ⴰⵔⴰ ⵉⵙⴻⵔⵔⵃⴻⵏ ⵉⴱⵔⵉⴷⴻⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⵔⵏⴰ ⵍⴻⴱⵏⵉ-ⵏⵏⴻⵙ ⴰⴷ ⴷ-ⵢⴻⵙⵙⵉⴳⴻⵔ 30% ⵏ ⵢⵉⴷⵔⵉⵎⴻⵏ ⵖⴻⴼ ⵍⴻⵃⵙⴰⴱ ⵏ ⵍⴻⴱⵏⵉ ⵏ ⵓⵎⵉⵟⵔⵓ ⵏ ⴷⴷⴰⵡ ⵜⵎⵓⵔⵜ ⴰⵢ ⵢⴻⵃⵡⴰⴵⴻⵏ ⵜⴰⵖⵓⵣⵉ ⴷ ⵡⴰⵟⴰⵙ ⵏ ⵢⵉⴷⵔⵉⵎⴻⵏ. ⵙ ⵡⴰⵢⴰ, ⵜⴰⴽⴻⴱⴱⴰⵏⵉⵜ ⵏ ⴻⵎⴰ ⵜⴻⵜⵜⵡⴰⵍⵉ ⴷ ⴰⴽⴽⴻⵏ ⵉⴷⵓⴱⴰ ⵙⵄⴰⵏ ⵍⴼⴰⵢⴷⴰ ⵎⴻⵖⵖⵔⴻⵏ ⵓⴳⴰⵔ ⵍⴻⵎⵎⴻⵔ ⴰⴷ ⵇⴻⴱⵍⴻⵏ ⴰⵙⴻⵏⴼⴰⵔ ⵏ ⵓⵎⵉⵟⵔⵓ ⴰⴳⴻⵏⵡⴰⵏ. ⵜⴰⴽⵜⵉ-ⴰ ⴷⴰⵖ ⵜⴻⵏⴼⴻⵄ ⵉⵎⵉ ⴰⵔⴰ ⵜⴻⴵⴵ ⵜⴰⴽⴻⴱⴱⴰⵏⵉⵜ ⵏ ⵛⵧⵙⵉⴷⴻⵔ ⴰⴷ ⴷ-ⵜⴻⴳ ⵜⵉⵛⵛⵓⵔⴽⴰ ⴷ ⵜⴻⴳⵔⴰⵡⵉⵏ ⵜⵉⴼⵕⴻⵏⵙⵉⵙⵉⵏ ⵏ ⴰⵍⵙⵜⵧⵎ ⴷ ⵠⵙⵍ (ⵏ ⴱⵧⵓⵢⴳⵓⴻⵙ ⵛⵧⵏⵙⵜⵔⵓⵛⵜⵉⵧⵏ) ⴰⵢ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵚⵚⴻⵏⴼ-ⴰ ⵏ ⵍⴻⴱⵏⵉ. ⵖⴻⴼ ⵍⴻⵃⵙⴰⴱ ⵏ ⵜⴻⵡⵔⵉⵇⵜ ⵜⴰⵜⴻⴽⵏⵉⵜ, ⵉⵣⵉⵔⵉⴳ-ⴰ ⴰⴷ ⵢⴻⵙⵄⵓ 11 ⵏ ⵜⴻⵖⵙⴰⵔ ⵢⴻⵔⵏⴰ ⴰⴷ ⵢⴻⵙⵙⴰⵡⴰⴹ ⵎⴻⴷⴷⴻⵏ ⴷⴻⴳ 20 ⵏ ⵜⴻⴷⵇⵉⵇⵉⵏ ⵙⴻⴳ ⵃⴰⵢ ⵍⴱⴰⴷⵕ ⵖⴻⵔ ⵛⵀⴻⵠⴰⵍⵍⴻⵢ. 90 ⵏ ⵜⵙⵉⵏⵉⵏ ⴰⵔⴰ ⵢⵉⵍⵉⵏ ⴳⴰⵔ ⵜⵎⴰⵛⵉⵏⵜ ⴷ ⵜⴰⵢⴻⴹ.