ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵉⵔ ⴰⵍⴳⴻⵔⵉⴻ ⵜⴻⵟⵟⴻⴼ-ⴷ ⴰⵙⴰⴼⴰⴳ ⵡⵉⵙ 3 ⵏ ⴰⵉⵔⴱⵓⵙ ⴰ330-200
ⵍⴻⵣⵣⴰⵢⴻⵔ – ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⵏ ⴰⵉⵔ ⴰⵍⴳⴻⵔⵉⴻ ⵜⴻⵟⵟⴻⴼ-ⴷ, ⴰⵙ ⵏ ⵍⴰⵕⴻⴱⵄⴰ, ⴷⴻⴳ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵡⴻⵏ ⵏ ⵓⵙⴰⴼⴰⴳ ⵏ ⴰⵉⵔⴱⵓⵙ ⴰ330-200, ⵢⴻⵔⵏⴰ ⴷ ⵡⴰ ⴰⵢ ⴷ ⴰⵙⴰⴼⴰⴳ ⵡⵉⵙ ⴽⵔⴰⴹ ⴰⵔⴰ ⴷ-ⵜⴻⴹⴹⴻⴼ ⴷⴻⴳ ⵡⴰⵀⵉⵍ-ⵏⵏⴻⵙ ⵏ ⵜⵉⵖⵉⵏ ⵏ 16 ⵏ ⵢⵉⵙⴰⴼⴰⴳⴻⵏ ⵉⵎⴰⵢⵏⵓⵜⵉⵏ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴽⴻⴱⴱⴰⵏⵉⵜ ⴷⴻⴳ ⵢⵉⵡⴻⵏ ⵏ ⵓⵍⵖⵓ. ⴰⵙⴰⴼⴰⴳ-ⴰ ⵢⴻⵙⵄⴰ ⵜⴰⵅⵅⴰⵎⵜ ⴷⴻⴳ ⵢⴻⵍⵍⴰ ⵓⵏⴰⴳⵔⴰⵡ ⵏ ⵓⴷⵀⴰⵢ ⵏ ⵜⵙⵓⵜⴰ ⵜⴰⵏⴻⴳⴳⴰⵔⵓⵜ ⴷ ⵢⵉⴽⴻⵔⵙⵉⵢⴻⵏ ⵉⵡⴻⵙⵄⴰⵏⴻⵏ ⵓⴳⴰⵔ, ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⴰⵡⵉ ⴳⴰⵔ 250 ⴷ 300 ⵏ ⵢⵉⵎⵙⵓⴽⵍⴻⵏ, ⴳⴰⵔ-ⴰⵙⴻⵏ 18 ⴷⴻⴳ ⵜⵙⴻⵔⴽⴻⵎⵜ ⵏ ⵢⵉⵡⴻⵥⵍⴰ, 14 ⴷⴻⴳ ⵜⵙⴻⵔⴽⴻⵎⵜ ⵜⵉⵎⵙⵉⴳⴻⵔⵜ ⵜⵉⵎⴳⴻⵔⵔⴻⵣⵜ ⴷ 219 ⴷⴻⴳ ⵜⵙⴻⵔⴽⴻⵎⵜ ⵜⵉⵎⵙⵉⴳⴻⵔⵜ. « ⴰⵙⴰⴼⴰⴳ-ⴰ ⴰⵎⴰⵢⵏⵓ ⴰⴷ ⵢⴻⴵⴵ ⴰⵉⵔ ⴰⵍⴳⴻⵔⵉⴻ ⴰⴷ ⵜⴻⵙⵙⴻⵍⵀⵓ ⵍⴼⴰⵢⴷⴰ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵔⴰ ⵜⴻⴵⴵ ⵉⵎⵙⵉⴽⵍⴻⵏ ⴰⴷ ⵙⵙⴰⴽⴰⵍⴻⵏ ⴷⴻⴳ ⵕⵕⴰⵃⴰ ⵜⵉⵎⵅⴻⵢⵢⴻⵔⵜ ⴰⴽⴽ, ⵍⴰⴷⵖⴰ ⵎⵉ ⴰⵔⴰ ⵙⵙⵉⴽⵍⴻⵏ ⵖⴻⵔ ⵎⴻⴱⵄⵉⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴽⴻⴱⴱⴰⵏⵉⵜ-ⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ. ⴰⵉⵔ ⴰⵍⴳⴻⵔⵉⴻ ⵜⴻⴱⴷⴰ-ⴷ ⴰⵀⵉⵍ ⵉ ⵓⵄⴰⵡⴻⴷ ⵏ ⵜⴰⵏⴰⵡⵜ-ⵏⵏⴻⵙ ⵏ ⵢⵉⵙⴰⴼⴰⴳⴻⵏ ⵢⴻⵔⵏⴰ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴰⵖ ⵙⴰ (7) ⵏ ⵢⵉⵙⴰⴼⴰⴳⴻⵏ ⵏ ⴰⵉⵔⴱⵓⵙ ⴰⵙⴻⴳⴳⴰⵙ-ⴰ ⴷ ⵟⴰⵎ (8) ⵏ ⵢⵉⵙⴰⴼⴰⴳⴻⵏ ⵏ ⴱⵧⴻⵉⵏⴳ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 2016. ⵙⵙⵓⵎⴰ ⵏ ⵓⵊⴻⵎⵎⴰⵍ ⴰⵔⴰ ⴷ-ⵜⴻⵙⵇⴰⵎ ⵜⵉⵖⵉⵏ ⵏ ⵢⵉⵙⴰⴼⴰⴳⴻⵏ-ⴰ ⵜⵓⵡⴻⴹ ⵖⴻⵔ 1,073 ⴷ ⴰⵎⴻⵍⵢⴰⵕ ⵏ ⵢⵉⴷⵓⵍⴰⵕⴻⵏ, ⵏⴻⵖ ⴰⵣⴰⵍ ⵏ 93,3 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ. ⵜⵉⵖⵉⵏ-ⴰ ⵜⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ ⵏ ⵜⵏⴻⴼⵍⵉⵜ ⵙ ⵍⵇⵉⵙ ⴰⵍⴻⵎⵎⴰⵙ ⵏ ⵜⴽⴻⴱⴱⴰⵏⵉⵜ-ⴰ ⵜⴰⵖⴻⵍⵏⴰⵡⵜ (2013-2017), ⵢⴻⵔⵏⴰ ⵉⵙⵡⵉ ⵏ ⵡⴰⵀⵉⵍ-ⴰ ⵏⴻⵜⵜⴰ ⴷ ⴰⵙⵙⴻⵍⵀⵓ ⵏ ⵍⴼⴰⵢⴷⴰ ⴷ ⵓⵎⴽⴰⵏ ⵏ ⵜⴽⴻⴱⴱⴰⵏⵉⵜ-ⴰ ⴷⴻⴳ ⵙⵙⵓⵇ ⴰⴷⵣⴰⵢⵔⵉ ⴷⴻⴳ ⵍⵍⴰⵏⵜ 20 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴳⴻⵏⵡⴰⵏⵉⵏ, ⴳⴰⵔ-ⴰⵙⴻⵏⵜ 18 ⴷ ⵜⵉⴱⴻⵕⵕⴰⵏⵉⵢⵉⵏ.
