Asebter amenzawi

Taseqqamut n tɛessast n tbankiwin teḥbes tadbelt tuɛḍilt n Al Salam Bank Algeria

LEZZAYER – Taseqqamut tabankant yellan d abadu adzayri n tɛessast n tbankiwin, tenna-d d akken teḥbes tuɣdaḍt n unedbal uɛḍil n tbanka n Al Salam Bank Algeria. « Assekyed n tegnit n Al Salam Bank Algeria yekcef-d d akken tabanka-a la tessefrak lecɣal-nnes akken iwata. Ɣef waya, Taseqqamut tabankant teɣtes ad teḥbes tuɣdaḍt n unedbal uɛḍil ass n 30 Yunyu 2015 », ɣef wakken ay d-tenna tseqqamut-a deg yiwen n ulɣu ay tuzen i Tnegga n Yisalan n Lezzayer. Deg Yulyu n 2014, taseqqamut tabankant tenna-d d akken tsemma-d anedbal uɛḍil i tbanka-a. Wa yella-d d « aḥezzib ay d-yellan ɣef lǧal n taluft-nni ay d-yellan gar yinafulen n tbanka-a ». Al Salam Bank Algeria d tabanka ay d-yessumuren imeẓla ibankanen islaman. Tabanka-a txeddem daɣ deg ussefti deg lebni, deg yizwal, deg tfulin d yisenduqen n ussefti. Tabanka-a yettunefk-as ttesriḥ n Tbanka n Lezzayer deg 2006, yerna nettat d afurk seg tbanka timaṛatit n Al Salam Bank. Gar yinafulen-nnes (wid yettekkan deg ṛaselmal-nnes), tella tkebbanit n lebni n Emaar, yiwet n tkebbanit timaṛatit n usenkid d yiwet n tbanka talubnanit-takanadit.