ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵇⵇⵍⴰ ⵏ ⵡⴰⵙⵙⴰⵖⴻⵏ ⵉⴷⵓⵒⵍⵓⵎⴰⵜⵉⵢⴻⵏ ⴳⴰⵔ ⵡⴰⵙⵀⵉⵏⴳⵜⵧⵏ ⴷ ⴽⵓⴱⴰ ⴷ ⴱⴻⴷⴷⵓ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ

ⵍⴻⵣⵣⴰⵢⴻⵔ – ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴽⵓⴱⴰ ⵏⵏⴰⵏ-ⴷ ⵙ ⵡⵓⴷⴻⵎ ⵓⵏⵚⵉⴱ ⴰⵙⵙ ⵏ ⵍⴰⵕⴻⴱⵄⴰ ⴷ ⴰⴽⴽⴻⵏ ⵔⵔⴰⵏ-ⴷ ⴰⵙⵙⴰⵖⴻⵏ-ⵏⵙⴻⵏ ⵉⴷⵉⵒⵍⵓⵍⵎⴰⵜⵉⵢⴻⵏ ⴰⵢ ⵢⴻⴱⴱⵉⵏ ⵓⴳⴰⵔ ⵏ 50 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵢⴻⵔⵏⴰ ⵏⵏⴰⵏ-ⴷ ⴷ ⴰⴽⴽⴻⵏ ⴰⵢⴰ ⴰⴷ ⴷ-ⵢⴻⴱⴷⵓ ⵜⴰⵍⵍⵉⵜ ⵜⴰⵎⴰⵢⵏⵓⵜ ⴷⴻⴳ ⵓⵎⴻⵣⵔⵓⵢ-ⵏⵙⴻⵏⵜ. ⵙⵏⴰⵜ-ⴰ ⵏ ⵜⵎⵓⵔⴰ ⵏⵏⴰⵏⵜ-ⴷ ⴷ ⴰⴽⴽⴻⵏ ⴰⵔⵥⴰⵎ ⵏ ⵜⵎⵓⵀⴰⵍ ⴷⴻⴳ ⵡⴰⵙⵀⵉⵏⴳⵜⵧⵏ ⴷ ⵀⴰⵠⴰⵏⴰ ⴷ ⴰⵢⴻⵏ ⴰⵔⴰ ⵉⵅⴻⵜⵎⴻⵏ ⵉⵔⵉⵔⵉ-ⴰ ⵏ ⵡⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴳⴰⵔ ⴽⵓⴱⴰ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⵜⵉⵎⵓⵀⴰⵍ-ⴰ ⴰⴷ ⵜⵜⵡⴰⵔⴻⵥⵎⴻⵏⵜ ⴷⴻⴳ 20 ⵢⵓⵍⵢⵓ. « ⴰⵙⵙ-ⴰ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵇⴻⴱⵍⴻⵏ ⵙ ⵡⵓⴷⴻⵎ ⵓⵏⵚⵉⴱ ⴰⴷ ⴷ-ⵔⵔⴻⵏ ⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴷ (…) ⴽⵓⴱⴰ ⴰⴽⴽⴻⵏ ⵢⴰⵍ ⵢⵉⵡⴻⵜ ⵙⴻⴳ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵜⵄⴰⵡⴻⴷ ⴰⴷ ⵜⴻⵔⵥⴻⵎ ⵜⴰⵎⴰⵀⴻⵍⵜ-ⵏⵏⴻⵙ ⵖⴻⵔ ⵜⴰⵢⴻⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⵎⴰⵔⵉⴽⴰⵏⵉ ⴱⴰⵔⴰⵛⴽ ⵧⴱⴰⵎⴰ ⵙⴻⴳ ⵡⵓⵔⵜⵉ ⵏ ⵓⵅⵅⴰⵎ ⴰⵎⴻⵍⵍⴰⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵡⴰ « ⴷ ⴰⵙⵓⵔⵉⴼ ⴰⵔⴰ ⵢⴰⴷⴼⴻⵏ ⴷⴻⴳ ⵓⵎⴻⵣⵔⵓⵢ » ⴷⴻⴳ ⵡⴰⵙⵙⴰⵖⴻⵏ ⴳⴰⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴽⵓⴱⴰ. ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵙⴻⵍⵡⴰⵢ ⵏ ⴽⵓⴱⴰ, ⵔⴰⵓⵍ ⵛⴰⵙⵜⵔⵧ, ⵉⵡⴻⴽⴽⴻⴷ-ⴷ, ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⵉ ⵓⵎⵜⵉⵍ-ⵏⵏⴻⵙ, ⴱⴰⵔⴰⵛⴽ ⵧⴱⴰⵎⴰ, ⴷ ⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⵇⵇⵍⴻⵏ ⵡⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴳⴰⵔ ⴽⵓⴱⴰ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⴷ ⴰⵙⵙⴰⵖⴻⵏ ⴰⵢ ⵢⴻⴱⴱⵉⵏ ⴷⴻⴳ 1961. « ⵙ ⵜⴰⴹⴼⵉ ⴰⵔⴰ ⴰⴽ-ⴷ-ⴰⵣⵏⴻⵖ ⵜⴰⴱⵕⴰⵜ-ⴰ ⴰⴽⴽⴻⵏ ⴰⴷ ⴷ-ⵡⴻⴽⴽⴷⴻⵖ ⴷ ⴰⴽⴽⴻⵏ ⵜⴰⴳⴷⵓⴷⴰ ⵏ ⴽⵓⴱⴰ ⵜⴻⵖⵜⴻⵙ ⴰⴷ ⴷ-ⵜⴻⵔⵔ ⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ ⴰⴷ ⵜⵜⵡⴰⵔⴻⵥⵎⴻⵏⵜ ⵜⵓⵖⴷⴰⴹⵉⵏ ⵜⵉⴷⵉⵒⵍⵓⵎⴰⵜⵉⵢⵉⵏ ⴷⴻⴳ ⵜⵎⵓⵔⴰ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵛⴰⵙⵜⵔⵧ ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⴷ-ⵢⴻⵜⵜⵡⴰⵖⵔⴰⵏ ⴷⴻⴳ ⵜⵍⵉⵥⵔⵉ ⵜⴰⵖⴻⵍⵏⴰⵡⵜ.

54 ⵏ ⵢⵉⵙⴻⴳⴳⴰⵙⴻⵏ, ⵢⴻⴱⴷⴰ-ⴷ ⵓⵎⴻⵛⵡⴰⵕ ⴷ ⴰⵎⴰⵢⵏⵓ== ⵉⵙⴰⵍⵉ-ⴰ ⵍⴰ ⵜ-ⵜⵜⵕⴰⵊⵓⵏ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⴰ ⵡⴰⵙⵀⵉⵏⴳⵜⵧⵏ ⴷ ⴰⴽⴽⴻⵏ ⵜⴻⴽⴽⴻⵙ, ⴷⴻⴳ ⵜⴳⴰⵔⴰ ⵏ ⵎⴰⵢⵓ, ⵜⴰⵎⵓⵔⵜ ⵏ ⴽⵓⴱⴰ ⵙⴻⴳ ⵡⵓⵎⵓⵖ ⵏ ⵜⵎⵓⵔⴰ ⴰⵢ ⵢⴻⵜⵜⵄⴰⵡⴰⵏⴻⵏ ⵔⵔⴻⴱⵔⴰⴱ. ⴷⴻⴳ 1977, ⵓⵍⴰ ⵎⴰ ⴰⵙⵙⴰⵖⴻⵏ-ⵏⵙⴻⵏⵜ ⵉⴷⵉⵒⵍⵓⵎⴰⵜⵉⵢⴻⵏ ⴱⴱⵉⵏ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⴻⵏ ⴷ ⴽⵓⴱⴰ ⵍⵍⴰⵏⵜ ⵙⵄⴰⵏⵜ ⵜⵉⵏⴰⵔⵉⵢⵉⵏ (ⵍⴱⵉⵔⵓⵡⴰⵜ) ⵏ ⵏⵏⴼⴻⵄ ⴷⴻⴳ ⵡⴰⵙⵀⵉⵏⴳⵜⵧⵏ ⴷ ⵀⴰⵠⴰⵏⴰ ⵉ ⵍⵎⴻⵏⴷ ⵏ ⵜⴻⵎⵙⴰⵍ ⵏ ⵍⵠⵉⵣⴰ. « ⴰⵎⴻⵣⵔⵓⵢ ⴳⴰⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴽⵓⴱⴰ ⵢⴻⵎⵛⵓⴱⴱⴰⴽ (…) ⵎⴰⵛⴰ ⵢⵓⵡⴻⴹ-ⴷ ⵡⴰⴽⵓⴷ ⵉ ⴱⴻⴷⴷⵓ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⴱⴰⵎⴰ ⴷⴻⴳ 17 ⴷⵓⵊⴻⵎⴱⴻⵕ ⵢⴻⵣⵔⵉⵏ, ⵢⴻⵔⵏⴰ ⵢⴻⵏⵏⴰ-ⴷ ⵙ ⵍⴻⴵⵀⴻⵕ ⴷ ⴰⴽⴽⴻⵏ ⵜⴰⵙⴻⵔⵜⵉⵜ ⵏ ⵓⵄⵣⴰⵍ ⵏ ⴽⵓⴱⴰ ⵓⵔ ⴷ-ⵜⵓⵡⵉⵢ ⴰⵛⴻⵎⵎⴰ. ⵧⴱⴰⵎⴰ ⵇⵇⵉⵎⴻⵏ-ⴰⵙ-ⴷ 18 ⵏ ⵡⴰⵢⵢⵓⵔⴻⵏ ⴰⴽⴽⴻⵏ ⴰⴷ ⵢⴻⴼⴼⴻⵖ ⵙⴻⴳ ⵓⵅⵅⴰⵎ ⴰⵎⴻⵍⵍⴰⵍ, ⵢⴻⵔⵏⴰ ⵍⴰ ⵢⴻⵙⵙⴻⴼⵔⴰⵢ ⴰⴷ ⵉⴼⴰⵕⴻⵙ ⵜⴰⵍⵍⵉⵜ-ⴰ ⴰⴽⴽⴻⵏ ⴰⴷ ⵢⴻⵙⵙⴻⴵⵀⴻⴷ ⴰⵎⴽⴰⵏ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⵙⴻⵔⵜⵉⵜ ⵜⴰⴱⴻⵕⵕⴰⵏⵉⵜ. ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵎⴰⵔⵉⴽⴰⵏⵉⵢⴻⵏ ⴷⴷⴰⵏ ⴷ ⵕⵕⴰⵢ-ⴰ. ⴰⵏⴰⴱⴰⴹ ⴰⴰⵔⵉⴽⴰⵏⵉ ⵢⴻⵏⵏⴰ-ⴷ, ⴰⵛⵃⴰⵍ ⴷ ⵜⵉⴽⴽⴻⵍⵜ, ⴷ ⴰⴽⴽⴻⵏ ⵢⴻⵣⵎⴻⵔ ⵍⵃⴰⵍ ⴰⴷ ⵢⴻⵔⵣⵓ ⵎⴰⵙⵙ ⵧⴱⴰⵎⴰ ⵖⴻⴼ ⴽⵓⴱⴰ ⴷⴻⴳ 2016. ⵜⵓⴽⴽⵙⴰ ⵏ ⵜⴻⵔⴳⵓⵍⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵎⵇⴰⵔⴰⴱ ⵉⴳⴻⵔⵔⵣⴻⵏ== ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⴰⵙⴻⵍⵡⴰⵢ ⵧⴱⴰⵎⴰ ⵢⴻⵙⵙⵓⵜⴻⵔ, ⴰⵙⵙ ⵏ ⵍⴰⵕⴻⴱⵄⴰ, ⵙⴻⴳ ⵛⵧⵏⴳⵔⴻⵙⵙ (ⵢⴻⵍⵍⴰⵏ ⴷⴷⴰⵡ ⵓⴷⴰⴱⵓ ⵏ ⵢⵉⵅⵚⵉⵎⴻⵏ-ⵏⵏⴻⵙ ⵏ ⵓⴽⴰⴱⴰⵔ ⴰⴳⴷⵓⴷⴰⵏ) ⴰⴽⴽⴻⵏ ⴰⴷ ⴽⴽⵙⴻⵏ ⵜⴰⵔⴳⵓⵍⵜ-ⵏⵏⵉ ⵢⴻⵍⵍⴰⵏ ⵎⴳⴰⵍ ⴽⵓⴱⴰ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴰⵎⴰⵔⵉⴽⴰⵏⵉ, ⵊⵧⵀⵏ ⴽⴻⵔⵔⵢ, ⴰⴷ ⵢⴻⵔⵣⵓ ⵖⴻⴼ ⵜⵎⵓⵔⵜ-ⴰ ⴷⴻⴳ ⵓⵏⴻⴱⴷⵓ-ⴰ. « ⴷⴻⴳ ⵓⵏⴻⴱⴷⵓ-ⴰ, ⴰⴷ ⵢⴻⴳ ⵓⵎⴰⵔⵓ ⵏ ⵓⵡⴰⵏⴰⴽ ⵊⵧⵀⵏ ⴽⴻⵔⵔⵢ ⵜⵉⵔⵣⵉ ⵜⵓⵏⵚⵉⴱⵜ ⵖⴻⴼ ⴽⵓⴱⴰ ⴰⴽⴽⴻⵏ ⴰⴷ ⵢⴻⵙⵙⴰⵍⴻⵢ, ⵙ ⵣⵣⵓⵅ, ⵜⴰⴽⴱⴰⴱⵜ ⵜⴰⵎⴰⵔⵉⴽⴰⵏⵉⵜ ⵉ ⵜⵉⴽⴽⴻⵍⵜ ⵏⵉⴹⴻⵏ ⴷⴻⴳ ⵜⵎⴰⵀⴻⵍⵜ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⴱⴰⵎⴰ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵎⴰⵔⵉⴽⴰⵏⵉⵢⴻⵏ ⴷ ⵢⵉⴽⵓⴱⵉⵢⴻⵏ ⵡⴻⵊⴷⴻⵏ ⴰⴷ ⴽⴻⵎⵎⵍⴻⵏ ⵜⵉⴷⴷⵉⵜ ⵖⴻⵔ ⵙⴷⴰⵜ. « ⵛⵉⴽⴽⴻⵖ ⴷ ⴰⴽⵓⴷ ⴰⴽⴽⴻⵏ ⵛⵧⵏⴳⵔⴻⵙⵙ ⴰⴷ ⵢⴻⴳ ⵓⵍⴰ ⴷ ⵏⴻⵜⵜⴰ ⴰⵢⴰ. ⴳⵔⴻⵖ-ⴷ ⵜⵉⵖⵔⵉ ⵉ ⵛⵧⵏⴳⵔⴻⵙⵙ ⴰⴽⴽⴻⵏ ⴰⴷ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⵉ ⵜⵓⴽⴽⵙⴰ ⵏ ⵜⴻⵔⴳⵓⵍⵜ ⵓⵔ ⵢⴻⵜⵜⴰⴵⴵⴰⵏ ⴰⵔⴰ ⵉⵎⴰⵔⵉⴽⴰⵏⵉⵢⴻⵏ ⴰⴷ ⵙⵙⵉⴽⵍⴻⵏ ⵏⴻⵖ ⴰⴷ ⴳⴻⵏ ⵜⵜⵊⴰⵕⴰ ⴷ ⴽⵓⴱⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⴱⴰⵎⴰ. ⵜⴰⵔⴳⵓⵍⵜ-ⴰ ⵉⵃⴻⵜⵜⴻⵎ-ⵉⵜⵜ-ⵉⴷ ⵊⵧⵀⵏ ⴼ. ⴽⴻⵏⵏⴻⴷⵢ ⴷⴻⴳ 1962 ⵖⴻⴼ ⴽⵓⴱⴰ, ⵢⴻⵔⵏⴰ ⵜⴻⵜⵜⵡⴰⵙⵙⴻⴵⵀⴻⴷ ⴷⴻⴳ 1996 ⵙ ⵍⵇⴰⵏⵓⵏ ⵏ ⵀⴻⵍⵎⵙ-ⴱⵓⵔⵜⵧⵏ. ⵜⴰⵔⴳⵓⵍⵜ-ⴰ ⵎⴰⵣⴰⵍ-ⵉⵜⵜ ⴷⴻⴳ ⵍⴼⴻⵄⵍ, ⵢⴻⵔⵏⴰ ⴷ ⵜⵉⵏ ⴰⵢ ⵉⴳⴻⴷⵍⴻⵏ ⵜⵜⵊⴰⵕⴰ ⴷ ⵓⵙⵄⴻⴷⴷⵉ ⵏ ⵢⵉⴷⵔⵉⵎⴻⵏ ⴳⴰⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴽⵓⴱⴰ. ⴰⵏⴰⴱⴰⴹ ⵏ ⴽⵓⴱⴰ ⵢⴻⵣⴳⴰ ⵢⴻⴽⴽⴰⵜ-ⴷ ⴷⴻⴳ-ⵙ ⵉⵎⵉ ⴰⵢ ⵜⴻⵔⴳⴻⵍ ⴰⴱⵔⵉⴷ ⵉ ⵜⵎⵓⵔⵜ-ⴰ ⴰⴽⴽⴻⵏ ⴰⴷ ⵜⴻⵏⵏⴻⴼⵍⵉ. ⴰⵙⴻⵎⵎⵉ ⵏ ⵢⵉⵏⵎⵓⵀⴰⵍ ⴳⴰⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴽⵓⴱⴰ ⴷ ⴰⵢⴻⵏ ⴰⵔⴰ ⵢⴻⵙⵙⴻⵍⵀⵓⵏ ⴰⵙⵙⴰⵖⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⴽⵓⴱⵉ ⵔⴰⵓⵍ ⵛⴰⵙⵜⵔⵧ. ⴰⵎⵇⴰⵔⴰⴱ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵙⵜⴻⵕⵃⴱⴻⵏⵜⵢⴻⵙ-ⵙ ⵜⵎⵓⵔⴰ ⵏ ⵜⴻⵎⵏⴰⴹⵜ-ⴰ, ⵢⴻⵔⵏⴰ ⵜⴻⵛⴽⴻⵕ-ⵉⵜ-ⵉⴷ ⵙ ⵡⴰⵟⴰⵙ ⵜⵙⴻⵍⵡⴰⵢⵜ ⵏ ⴱⵔⵉⵣⵉⵍ, ⴷⵉⵍⵎⴰ ⵔⵧⵓⵙⵙⴻⴼⴼ, ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵡⴰ ⴷ « ⴰⵙⵓⵔⵉⴼ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵡⴰⵙⵙⴰⵖⴻⵏ ⴳⴰⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⵜⴻⵎⵔⵉⴽⵜ ⵜⴰⵍⴰⵜⵉⵏⵉⵜ ». ⵜⴰⵙⴻⵍⵡⴰⵢⵜ ⵏ ⴱⵔⵉⵣⵉⵍ ⵜⴻⵜⵜⵡⴰⵍⵉ ⴷ ⴰⴽⴽⴻⵏ ⴰⵢⴰ « ⴰⴷ ⵢⴻⵙⴼⴻⴹ ⵍⴰⵜⴻⵕ ⴰⵏⴻⴳⴳⴰⵔⵓ ⵏ ⵟⵟⵔⴰⴷ ⴰⵙⴻⵎⵎⴰⴹ ». « ⴱⵖⵉⵖ ⴰⴷ ⴷ-ⵊⴻⴱⴷⴻⵖ ⵍⵡⴻⵍⵀⴰ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵡⴰⵢⴰ ⵖⴻⴼ ⵡⴰⴽⴽ ⵜⵉⵎⵓⵔⴰ ⵏ ⵜⴻⵎⵔⵉⴽⵜ ⵜⴰⵍⴰⵜⵉⵏⵉⵜⴷ ⵜⴰⵍⵡⵉⵜ ⴷⴻⴳ ⵓⵎⴰⴹⴰⵍ ⵙ ⵓⵎⴰⵜⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷ ⴰⴽⴽⴻⵏ ⵡⴰ ⴷ ⴰⵎⴻⴷⵢⴰ ⴰⵢ ⵢⵓⴽⵍⴰⵍⴻⵏ ⴰⴷ ⵢⴻⵜⵜⵡⴰⴹⴼⴻⵔ.