ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⵡⴻⵜ-ⴷ « ⵙ ⵜⴻⵇⵙⴻⵃ » ⴷⴻⴳ ⵜⵅⴰⵣⴰⴱⵉⵜ ⵜⴰⵔⴻⴱⵔⴰⴱⵜ ⵎⴳⴰⵍ ⵢⵉⵙⴻⵔⴷⴰⵙⴻⵏ ⵉⵎⴰⵚⵔⵉⵢⴻⵏ ⴷⴻⴳ ⵙⵉⵏⴰⵢ
ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⵜⴻⵙⵙⴰⵥⴻⵔ « ⵙ ⵜⴻⵇⵙⴻⵃ », ⵙ ⵢⵉⵍⴻⵙ ⵏ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ, ⵜⵉⵅⴰⵣⴰⴱⵉⵢⵉⵏ-ⵏⵏⵉ ⵜⵉⵔⴻⴱⵔⴰⴱⵉⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴰⵕⴻⴱⵄⴰ ⵎⴳⴰⵍ ⵢⵉⵙⴻⵔⴷⴰⵙⴻⵏ ⵉⵎⴰⵚⵔⵉⵢⴻⵏ ⴷⴻⴳ ⵜⴻⵎⵏⴰⴹⵜ ⵏ ⵙⵉⵏⴰⵢ (ⵎⴰⵚⴻⵔ), ⵢⴻⵔⵏⴰ ⴳⵍⴰⵏⵜ ⵙ ⵡⴰⵟⴰⵙ ⵙⴻⴳ ⵢⵉⵔⴳⴰⵣⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ). ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵅⵎⵉⵙ ⵜⴰⵎⵙⴻⵜⵍⴻⵍⵜ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴷ ⵓⵏⴰⴱⴰⴹ ⵉⵎⴰⵚⵔⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ « ⵉⵏⵟⴰⴳⴻⵏ-ⴰ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴻⵙⵡⵉⵄⵜ ⵎⴳⴰⵍ ⵢⵉⵎⵓⴽⴰⵏ ⵏ ⵢⵉⴳⴻⵏ ⴷ ⵜⴻⵏⵇⵉⴹⵉⵏ ⵏ ⵓⵙⵙⴻⴼⵇⴻⴷ ⴷⴻⴳ ⵓⴳⴰⴼⴰ ⵏ ⵙⵉⵏⴰⵢ ⴳⵍⴰⵏ ⵙ ⵡⴰⵛⵃⴰⵍ ⵏ ⵜⴻⵖⵜⴰⵙ ⴳⴰⵔ ⵢⵉⵙⴻⵔⴷⴰⵙⴻⵏ ⴷ ⵢⵉⵔⴳⴰⵣⴻⵏ ⵏ ⵜⵖⴻⵍⵍⵉⵙⵜ, ⴷ ⵛⵛⵖⴻⵍ ⴰⵔⴻⴱⵔⴰⴱ ⴰⵎⴻⵍⵖⵓⵏ ⴰⵢ ⵏⴻⵙⵙⴰⵥⴻⵔ ⵙ ⵜⴻⵇⵙⴻⵃ ». « ⴰⵖⵔⴻⴼ ⴰⵎⴰⵚⵔⵉ ⴰⴳⵎⴰⵜ ⴰⴷ ⵢⴻⵙⵙⵉⵡⴻⴹ, ⵡⴰⵔ ⵛⵛⴻⴽ, ⴰⴷ ⵢⴻⴷⴷⵓⴽⴽⴻⵍ ⴰⴽⴽⴻⵏ ⴰⴷ ⵉⵇⴰⴱⴻⵍ ⵔⵔⴻⴱⵔⴰⴱ ⴷ ⵡⵉⴷ ⴰⵢ ⵉⴳⴰⵏ ⵜⴰⵊⵔⵉⵎⵜ-ⴰ ⵜⵓⵛⵎⵉⵜ, ⵜⴰⵡⴻⵃⵛⵉⵜ, ⵓⵔ ⵢⴻⵙⵄⵉⵏ ⵜⴰⵎⵜⵉⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⵎⴰⵚⵔⵉⵢⴻⵏ ⵎⴰⵛⵉ ⴷ ⵛⵛⵖⴻⵍ ⴰⵎ ⵡⴰ ⴰⵔⴰ ⵜⴻⵏ-ⵢⴻⵙⵙⴻⵏⵀⴻⵣⵣⴻⵏ ». ⵍⴻⵣⵣⴰⵢⴻⵔ « ⴰⵢ ⵢⴻⵏⴹⴻⵔⵔⴻⵏ ⵎⵍⵉⵃ ⵙⴻⴳ ⵜⵡⵓⵖⴰ ⵏ ⵔⵔⴻⴱⵔⴰⴱ ⵜⴻⵜⵜⵄⴰⵡⴰⴷ ⵜⴻⵜⵜⵡⴻⴽⴽⵉⴷ-ⴷ ⵜⴰⵎⵙⴻⵜⵍⴻⵍⵜ-ⵏⵏⴻⵙ ⵏ ⵜⴻⴳⵎⴰⵜ ⵖⴻⵔ ⵢⵉⴷⵉⵙ ⵏ ⵓⵏⴰⴱⴰⴹ ⴷ ⵓⵖⵔⴻⴼ ⵉⵎⴰⵚⵔⵉⵢⴻⵏ ⵢⴻⵔⵏⴰ ⵜⴻⵜⵜⵄⴰⵡⴰⴷ-ⴷ ⵉ ⵜⴻⵖⵔⵉ-ⵏⵏⴻⵙ ⵉ ⵍⵎⴻⵏⴷ ⵏ ⵓⵙⴷⵓⴽⴽⴻⵍ ⵏ ⵍⵎⴻⴵⵀⵓⴷ ⵏ ⵡⴰⴽⴽ ⵜⵉⵎⵓⵔⴰ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵢⵉⵅⴻⵚⵚⴰⵔⴻⵏ ⵉⵎⵉⵀⴰⵡⴻⵏ ⴰⵢⵢⴻⵙ ⴰⵢ ⴷ-ⵉⴳⴻⵍⵍⵓ ⵖⴻⴼ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⵜⴰⵍⵡⵉⵜ ⴷⴻⴳ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ.
