ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⵡⴻⵜ-ⴷ « ⵙ ⵍⴵⴻⵀⴷ » ⴷⴻⴳ ⵜⵅⴰⵣⴰⴱⵉⵜ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵎⵉⵏⵓⵙⵎⴰ ⴷⴻⴳ ⵓⴳⴰⴼⴰ ⵏ ⵎⴰⵍⵉ
ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⵜⵡⴻⵜ-ⴷ « ⵙ ⵍⴵⴻⵀⴷ » ⴷⴻⴳ ⵜⵅⴰⵣⴰⴱⵉⵜ ⴰⵢ ⴷ-ⵢⴻⵍⵍⴰⵏ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⴻⵎⵏⴰⴹⵜ ⵏ ⵜⵉⵎⴱⵓⴽⵜⵓ, ⴷⴻⴳ ⵓⴳⴰⴼⴰ ⵏ ⵎⴰⵍⵉ, ⵎⴳⴰⵍ ⵢⵉⵖⴰⵍⵍⴻⵏ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ (ⵎⵉⵏⵓⵙⵎⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ. « ⵏⴻⵙⵙⴰⵥⴻⵔ ⵙ ⵍⴵⴻⵀⴷ ⵜⴰⵅⴰⵣⴰⴱⵉⵜ-ⵏⵏⵉ ⵜⴰⵎⴻⵍⵖⵓⵏⵜ ⴰⵢ ⵉⵃⵓⴽⵕⴻⵏ, ⴰⵙⵙ-ⴰ, ⴷⴻⴳ ⵜⴻⵎⵏⴰⴹⵜ ⵏ ⵜⵉⵎⴱⵓⴽⵜⵓ, ⴷⴻⴳ ⵓⴳⴰⴼⴰ ⵏ ⵎⴰⵍⵉ, ⵉⵖⴰⵍⵍⴻⵏ ⵏ ⵜⵓⵖⴷⴰⴹⵜ ⵜⴰⴳⴻⵜⵙⴻⴽⵜⴰⵏⵜ ⵢⴻⵏⵏⵓⵎⵎⴷⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ (ⵎⵉⵏⵓⵙⵎⴰ) ⵢⴻⵔⵏⴰ ⵜⴻⴳⵍⴰ ⵙ ⵜⵎⴻⴷⴷⵓⵔⵉⵏ ⴰⵎ ⵡⴰⴽⴽⴻⵏ ⴰⵢ ⵜⴻⵊⵔⴻⵃ ⵉⵙⴻⵔⴷⴰⵙⴻⵏ ⵏ ⵜⴰⵍⵡⵉⵜ ⵏ ⴱⵓⵔⴽⵉⵏⴰ ⴼⴰⵙⵧ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ. « ⵏⴻⵙⵙⴻⵏⴼⴰⵍⴰⵢ-ⴷ ⵜⴰⵎⵙⴻⵜⵍⴻⵍⵜ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⴱⵓⵔⴽⵉⵏⴰ ⴼⴰⵙⵧ, ⵉⵎⴹⴻⴱⴱⵔⴻⵏ ⴷ ⵡⴰⴽⴽ ⵉⵅⴻⴷⴷⴰⵎⴻⵏ ⵏ ⵎⵉⵏⵓⵙⵎⴰ, ⴰⵎ ⵡⴰⴽⴽⴻⵏ ⴰⵢ ⵏⴻⵜⵜⵄⴰⵡⴰⴷ ⵏⴻⵜⵜⵡⴻⴽⴽⵉⴷ-ⴷ ⵜⵉⴳⵉⵏ-ⵏⵏⴻⵖ ⴷ ⵓⵙⵙⵉⵥⴻⵔ-ⵏⵏⴻⵖ ⵉ ⵔⵔⴻⴱⵔⴰⴱ ⴷ ⵢⵉⵔⴻⴱⵔⴰⴱⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⵢⴻⵔⵏⴰ-ⴷ ⴷ ⴰⴽⴽⴻⵏ « ⵉⵟⴰⴳⴻⵏ-ⴰ ⵙⵙⴽⴰⵏⴰⵢⴻⵏ-ⴷ ⴰⵢⵢⵓⵙ ⵏ ⵡⵉⴷ ⴰⵢ ⵜⴻⵏ-ⵉⴳⴰⵏ ⴷ ⵢⵉⵎⴹⴻⴱⴱⵔⴻⵏ-ⵏⵙⴻⵏ ⴰⵢ ⵢⴻⵥⵔⴰⵏ ⵉⵎⴰⵏ-ⵏⵙⴻⵏ ⵜⵜⵡⴰⵄⴻⵣⵍⴻⵏ, ⵉⵎⵉ ⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ ⵓⵖⵔⴻⴼ ⴰⵎⴰⵍⵉ ⵄⴻⵡⵡⵍⴻⵏ ⴰⴽⴽⴻⵏ ⴰⴷ ⴱⵏⵓⵏ ⵜⴰⵍⵡⵉⵜ ⵢⴻⵔⵏⴰ ⵎⵄⴰⵀⴰⴷⴻⵏ ⵙⴻⴳ ⵡⵓⵍ ⴰⴽⴽⴻⵏ ⴰⴷ ⴷⴷⵓⵏ ⴷⴻⴳ ⵓⴱⵔⵉⴷ ⵏ ⵜⴻⴳⵎⴰⵜ ⴷ ⵓⵎⵙⵓⵖⴰⵍ ».
