ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⴻⴼⵕⴻⵃ ⵙ ⵜⵓⵇⵇⵍⴰ ⵏ ⵡⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴳⴰⵔ ⴽⵓⴱⴰ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ

ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⵜⵓⵎⴰⵔ (ⵜⴻⴼⵕⴻⵃ) ⵙ ⵜⵓⵇⵇⵍⴰ ⵏ ⵡⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴳⴰⵔ ⴽⵓⴱⴰ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⴷ ⴰⵙⵙⴰⵖⴻⵏ ⴰⵢ ⵢⴻⴱⴱⵉⵏ ⵓⴳⴰⵔ ⵏ 50 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵍⴻⵣⵣⴰⵢⴻⵔ ⵜⴻⵜⵜⵡⴰⵍⵉ ⴰⵢⴰ ⴷ « ⵉⵙⴰⵍⵉ ⵢⴻⵙⵙⵓⵎⴰⵔⴻⵏ » ⴰⵢ ⴷ-ⵢⴻⵜⵜⴱⴻⵛⵛⵉⵔⴻⵏ ⵙ « ⵓⵣⴻⴽⴽⴰ ⵢⴻⵍⵀⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ. « ⵜⵓⵇⵇⵍⴰ, ⴷⴻⴳ ⵡⴰⵢⵢⵓⵔ-ⴰ ⵏ ⵢⵓⵍⵢⵓ ⵏ 2015, ⵏ ⵡⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴳⴰⵔ ⴽⵓⴱⴰ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⵙⴷⴻⴼⴼⵉⵔ ⵎⴰ ⴱⴱⵉⵏ 50 ⵏ ⵢⵉⵙⴻⴳⴳⴰⵙⴻⵏ, ⴷ ⵓⵔⵥⴰⵎ ⵏ ⵜⵓⵖⴷⴰⴹⵉⵏ ⵜⵉⴷⵉⵒⵍⵓⵎⴰⵜⵉⵢⴻⵏ ⴷⴻⴳ ⵜⵎⵓⵏⴰⵖ ⵏ ⵙⵏⴰⵜ-ⴰ ⵏ ⵜⵎⵓⵔⴰ, ⴷ ⵉⵙⴰⵍⵉ ⵢⴻⵙⵙⵓⵎⴰⵔⴻⵏ ⵢⴻⵔⵏⴰ ⵢⴻⵜⵜⴱⴻⵛⵛⵉⵔ-ⴷ ⵙ ⵓⵣⴻⴽⴽⴰ ⵢⴻⵍⵀⴰⵏ, ⴰⵎⴰ ⵉ ⵢⵉⵖⴻⵔⴼⴰⵏ ⵏ ⴽⵓⴱⴰ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⴰⵎⴰ ⵉ ⵡⴰⴽⴽ ⵉⵖⴻⵔⴼⴰⵏ ⵏ ⵜⴻⵎⵏⴰⴹⵜ-ⴰ, ⴰⵎⴰ ⴰⵏⴷⴰ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ. ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⵉⵀⴻⵏⵏⴰ ⵉⵏⴰⴱⴰⴹⴻⵏ ⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴽⵓⴱⴰ ⵖⴻⴼ ⵓⵙⵓⵔⵉⴼ-ⴰ ⴰⵢ ⴳⴰⵏ ⵖⴻⵔ ⵙⴷⴰⵜ, « ⵢⴻⵔⵏⴰ ⵏⴻⵙⵄⴰ ⴰⵙⵙⵉⵔⴻⵎ ⴷ ⴰⴽⴽⴻⵏ ⴰⵙⵓⵔⵉⴼ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴱⵔⵉⴷ ⵏ ⵓⵎⵇⴰⵔⴰⴱ ⴰⴷ ⵜ-ⵉⴷ-ⴹⴻⴼⵔⴻⵏ ⵢⵉⵙⵓⵔⵉⴼⴻⵏ ⵏⵉⴹⴻⵏ, ⵍⴰⴷⵖⴰ ⵜⵓⴽⴽⵙⴰ ⵏ ⵜⴻⵔⴳⵓⵍⵜ ⴰⵢ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⵖⴻⴼ ⴽⵓⴱⴰ, ⵢⴻⵔⵏⴰ ⴷ ⴰⵢⴰ ⴰⵔⴰ ⵉⴼⴰⴽⴻⵏ ⴰⴽⴰⵍⴰ ⵏ ⵓⵙⵙⴰⴳⵏⵓ ⵏ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⴰⵙⴻⵍⴰⵢ ⴰⵎⴰⵔⵉⴽⴰⵏⵉ ⴱⴰⵔⴰⵛⴽ ⵧⴱⴰⵎⴰ ⵢⴻⵏⵏⴰ-ⴷ, ⴰⵙⵙ ⵏ ⵍⴰⵕⴻⴱⵄⴰ, ⴷ ⴰⴽⴽⴻⵏ ⵇⵇⵍⴻⵏ-ⴷ ⵡⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴳⴰⵔ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴽⵓⴱⴰ, ⵙⴷⴻⴼⴼⵉⵔ ⵎⴰ ⴱⴱⵉⵏ ⵓⴳⴰⵔ ⵏ 50 ⵏ ⵢⵉⵙⴻⴳⴳⴰⵙⴻⵏ ⵖⴻⴼ ⵍⴵⴰⵍ ⵏ ⵛⵛⵡⴰⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵎⴳⴰⵔⵓ ⴰⵙⴻⵎⵎⴰⴹ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵧⴱⴰⵎⴰ ⴷ ⴰⴽⴽⴻⵏ ⴰⵢⴰ ⴰⴷ ⵢⵉⵍⵉ ⴷ ⴱⴻⴷⴷⵓ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ. ⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴳⴰⵔ ⴽⵓⴱⴰ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵢⴻⴱⴱⵉ-ⵜⴻⵏ ⵓⵙⴻⵍⵡⴰⵢ ⴰⵎⴰⵔⵉⴽⴰⵏⵉ ⵊⵧⵀⵏ ⴼ. ⴽⴻⵏⵏⴻⴷⵢ ⴷⴻⴳ 1961. ⴰⵖⵜⴰⵙ-ⴰ ⵢⴻⵍⵍⴰ-ⴷ ⵖⴻⴼ ⵍⴵⴰⵍ ⵏ ⵓⵎⵇⴰⵔⴰⴱ ⴰⵢ ⴷ-ⵢⴻⵍⵍⴰⵏ ⴳⴰⵔ ⵢⵉⴳⵔⴰⵡⴰⵍⴻⵏ ⵏ ⴼⵉⴷⴻⵍ ⵛⴰⵙⵜⵔⵧ ⴷ ⵜⴷⵓⴽⵍⵉ ⵜⴰⵙⵓⵠⵢⴰⵜⵉⵜ. ⵙⵙⴻⴱⴱⴰ ⵏⵉⴹⴻⵏ ⵏⴻⵜⵜⴰⵜ ⵜⵓⴽⴽⵙⴰ ⴰⵢ ⴰⵙⴻⵏ-ⵢⴻⴽⴽⴻⵙ ⵓⵏⴰⴱⴰⴹ ⴰⴽⵓⴱⵉ ⴰⵢⵍⴰ-ⵏⵙⴻⵏ ⵉ ⵢⵉⵎⴰⵔⵉⴽⴰⵏⵉⵢⴻⵏ ⴷⴻⴳ ⴽⵓⴱⴰ.