ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵉⴱⵢⴰ: ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵍⴰ ⵜⵜⵃⴻⵜⵜⵉⵜⴻⵏ ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ

ⵏⵢⵓ ⵢⵓⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵉⴳⴻⵔ-ⴷ ⵜⵉⵖⵔⵉ, ⴰⵙⵙ ⵏ ⵍⴰⵕⴻⴱⵄⴰ, ⵉ ⵜⴻⴳⵔⴰⵡⵉⵏ ⵜⵉⵍⵉⴱⵉⵢⵉⵏ ⵢⴻⵎⵅⴰⵚⴰⵎⴻⵏ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏⵜ ⵖⴻⴼ ⵓⵎⵜⴰⵡⴰ ⴰⵙⴻⵔⵜⵉ, ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵎⴰ ⵇⵇⵍⴻⵏⵜ ⵖⴻⵔ ⵍⴻⵎⵛⴰⵡⵕⴰⵜ. ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⵙⵄⴻⴷⴷⴰⵏⵜ ⵜⵎⵓⵔⴰ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵙ ⵓⵎⵙⴻⴼⵀⴰⵎ ⴳⴰⵔ-ⴰⵙⴻⵏⵜ, « ⴳⵔⴻⵏⵜ-ⴷ ⵜⵉⵖⵔⵉ ⵉ ⵢⵉⵎⵜⵜⴻⴽⴽⵉⵢⴻⵏ (ⴷⴻⴳ ⵍⴻⵎⵛⴰⵡⵕⴰⵜ) ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵓⵏⴰⴱⴰⴹ ⵏ ⵜⵓⴽⴽⵉⵜ ⵢⴻⵔⵏⴰ ⴰⴷ ⵙⵜⴻⵏⵢⵉⵏ ⴰⵙⴻⵏⴼⴰⵔ » ⵏ ⵓⵎⵜⴰⵡⴰ ⴰⵢ ⴷ-ⵙⵙⵓⵎⵔⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ « ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ». ⴰⵏⴰⴱⴰⴹ ⵏ ⵜⴷⵓⴽⵍⵉ « ⴰⴷ ⵢⵉⵍⵉ ⴷⴻⴳ ⵍⴻⵚⵍⴰⵃ ⵏ ⵓⵖⵔⴻⴼ ⴰⵍⵉⴱⵉ ⴷ ⵓⵣⴻⴽⴽⴰ-ⵏⵏⴻⵙ, ⴰⵛⴽⵓ ⴷ ⴰⵢⴰ ⴰⵔⴰ ⵉⴼⴰⴽⴻⵏ ⵜⵉⵍⵓⴼⴰ ⵏ ⵜⵙⴻⵔⵜⵉⵜ ⴷ ⵜⵖⴻⵍⵍⵉⵙⵜ, ⵢⴻⵔⵏⴰ ⴰⴷ ⵢⴻⴵⴵ ⵜⴰⵎⵓⵔⵜ ⴰⴷ ⵜⵇⴰⴱⴻⵍ ⵜⵓⴳⴳⵣⴰ ⵍⴰ ⵢⴻⵜⵜⵏⴻⵔⵏⵉⵏ ⵏ ⵔⵔⴻⴱⵔⴰⴱ ». ⵍⵉⴱⵢⴰ ⵜⴻⵖⵍⵉ ⴷⴻⴳ ⵛⵛⵡⴰⵍ ⵙⴻⴳ ⵡⴰⵙⵎⵉ ⴰⵢ ⵢⴻⵖⵍⵉ ⵓⵏⵀⵉⵍ ⵏ ⵎⵧⵓⴰⵎⵎⴰⵔ ⴰⵍ ⴳⵓⴻⴷⵀⴰⴼⵉ ⴷⴻⴳ 2011. ⴰⵙⵙ-ⴰ, ⵜⴰⵎⵓⵔⵜ-ⴰ ⵜⴻⵙⵄⴰ 2 ⵏ ⵢⵉⵎⵏⴰⵏ ⴷ 2 ⵏ ⵢⵉⵏⴰⴱⴰⴹⴻⵏ ⴰⵢ ⵍⴰ ⵢⴻⵜⵜⵏⴰⵖⴻⵏ ⵖⴻⴼ ⵓⴷⴰⴱⵓ. ⵢⵉⵡⴻⵏ ⵏ ⵓⵏⴰⴱⴰⴹ ⴰⵜⴰⵏ ⴷⴻⴳ ⵟⵔⴰⴱⵍⴻⵙ, ⵎⴰ ⴷ ⵡⴰⵢⴻⴹ ⴰⵜⴰⵏ ⴷⴻⴳ ⵟⵓⴱⵔⵓⵇ (ⴷⴻⴳ ⵓⴳⵎⵓⴹ), ⵢⴻⵔⵏⴰ ⴷ ⴰⵏⴻⴳⴳⴰⵔⵓ-ⴰ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ. ⴰⵙⴻⵏⴼⴰⵔ ⴰⵎⴻⵣⵡⴰⵔⵓ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵎⵜⴰⵡⴰ ⴳⴰⵔ ⵢⵉⵍⵉⴱⵉⵢⴻⵏ ⴷ ⵡⵉⵏ ⵢⴻⵙⵙⴻⴼⵔⴰⵏ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⵢⴻⴹⴹⴼⴻⵏ ⴰⵙⴻⴳⴳⴰⵙ. ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⵙⴻⵎⵎⵓⵙ ⵏ ⵜⵎⵓⵔⴰ ⵜⵓⵕⵓⴼⵉⵢⵉⵏ (ⵜⴰⴳⴻⵍⴷⴰ ⵢⴻⴷⴷⵓⴽⴽⵍⴻⵏ, ⴼⵕⴰⵏⵙⴰ, ⵍⴰⵍⵎⴰⵏ, ⵟⵟⴰⵍⵢⴰⵏ ⴷ ⵙⵒⴻⵏⵢⵓⵍ) ⴳⵔⴻⵏ-ⴷ ⵜⵉⵖⵔⵉ ⴰⵙⵙ ⵏ ⵍⴰⵕⴻⴱⵄⴰ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵜⵓⵛⵔⵉⴽⵜ, ⵉ ⵙⵉⵏ-ⵏⵏⵉ ⵏ ⵢⵉⵎⵏⴰⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵇⴻⴱⵍⴻⵏ ⴰⵙⴻⵏⴼⴰⵔ ⵏ ⵓⵎⵜⴰⵡⴰ ⴰⵢ ⴷ-ⵙⵙⵓⵎⵔⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.