Asebter amenzawi

Agerdas n ulmud alemmas (BEM): 53,97% ay t-id-yewwin (aneɣlaf)

LEZZAYER –Afmiḍi n rrbeḥ deg ukayad n ugerdas n ulmud alemmas (BEM) yewweḍ ɣer 53,97%, ɣef wakken ay d-yenna uneɣlaf n ussegmi aɣelnaw i Tnegga n Yisalan n Lezzayer. 285.392 seg gar 528.829 n yinelmaden ay d-yewwin akayad-a ay d-yellan gar 14 d 16 Yunyu yezrin. D tiqcicin ay yesɛan afmiḍi n rrbeḥ ameqran, s 61,53%, ma d iqcicen, ala 45,69% seg-sen ay irebḥen. Tanarit taɣelnawt n yikayaden d temsizewrin (ONEC) teḥseb-d 534.374 n yinelmaden ay d-yemmeṛkan ɣer ukayad-a, yerna amḍan-a yenqes s 12,09% (49.468 n yinelmaden) ɣef leḥsab n useggas yezrin (591.509 n yinelmaden. Afmiḍi aɣelnaw n rrbeḥ deg ukayad n ugerdas n ulmud alemmas yewweḍ ɣer 59,54% deg 2014, yerna yewweḍ armi d 72,10% deg 2012 (d win ay d afmiḍi imxeyyer akk deg semmus-a n yiseggasen ineggura).