ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴼⵓⴳⴻⵍ ⵏ 5 ⵢⵓⵍⵢⵓ : ⵉⵣⴻⵏ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉ ⵓⵖⵍⴰⵏ

ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⵓⵣⴻⵏ ⴰⵙⵙ ⵏ ⵙⵙⴻⴱⵜ ⵢⵉⵡⴻⵏ ⵢⵉⵣⴻⵏ ⵉ ⵓⵖⵍⴰⵏ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⵉⴷⴻⴳ ⴷ-ⵏⴻⵡⵡⵉ ⴰⵣⴰⵔⵓⴳ ⴷ ⵓⵙⴼⵓⴳⴻⵍ ⵏ ⵜⵎⴻⵖⵔⴰ ⵜⴰⵖⴻⵍⵏⴰⵡⵜ ⵏ ⵢⵉⵍⵎⴻⵥⵢⴻⵏ. ⵀⴰ-ⵜⵜ-ⴰⵏ ⵜⵓⴽⴽⵉⵜ ⵙⴻⴳ ⵓⴹⵔⵉⵙ :

"ⴰⵢ ⴰⵜⵎⴰ, ⴰ ⵢⴻⵙⵙⴻⵜⵎⴰ,

ⴰⴷ ⴱⴷⵓⵖ ⴰⵡⴰⵍ-ⵉⵡ ⵙ ⵓⵙⵎⴰⵍⵉ ⵏ ⵓⵀⴻⵏⵏⵉ ⵉ ⵍⵎⴻⵏⴷ ⵏ ⵡⴰⵢⵢⵓⵔ ⵏ ⵔⴻⵎⴹⴰⵏ, ⴰⴷ ⵏⴻⵙⵙⵓⵜⴻⵔ ⵉ ⵢⴰⴽⵓⵛ ⴰⵎⴻⵇⵔⴰⵏ ⴰⴽⴽⴻⵏ ⴰⴷ ⵢⴻⵇⴱⴻⵍ ⵜⵓⵥⵓⵎⵜ-ⵏⵡⴻⵏ ⴷ ⵜⵥⴰⵍⵍⵉⵡⵉⵏ-ⵏⵡⴻⵏ ⴷ ⵓⵙⴻⵎⵎⴻⵃ ⵏ ⵢⵉⴱⴻⴽⴽⴰⴹⴻⵏ ⵏ ⵡⵉⴷ ⴰⴽⴽ ⵢⴻⵜⵜⴰⵎⵏⴻⵏ.

ⵀⴰ-ⵜ-ⴰⵏ ⵜⴻⵜⵜⵀⴻⵢⵢⵉ ⵜⵎⵓⵔⵜ-ⵏⵏⴻⵖ ⴰⴽⴽⴻⵏ ⴰⴷ ⵜⴻⵙⴼⵓⴳⴻⵍ ⴰⵎⵓⵍⵍⵉ ⵡⵉⵙ 53 ⵏ ⵡⴰⵙⵙ ⵉⴷⴻⴳ ⴷ-ⵏⴻⵡⵡⵉ ⴰⵣⴰⵔⵓⴳ. ⵜⴰⴷⵢⴰⵏ-ⴰ ⵜⴻⵙⵄⴰ ⴰⵣⴰⵍ ⵙ ⵜⵉⵎⵎⴰⴷ-ⵉⵙ, ⵎⴰⵛⴰ ⴰⵙⴻⴳⴳⴰⵙ-ⴰ ⵢⴻⵡⵡⵉ ⵓⴷⴻⵎ ⵏⵏⵉⴹⴻⵏ ⴷ ⴰⵎⴻⵇⵔⴰⵏ, ⵏⴻⵀⴷⴰ-ⵜ ⵉ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 60 ⵏ ⵓⵏⴽⴰⵔ ⵎⵓⵛⴰⵄⴻⵏ ⵏ ⵜⴻⴳⵔⴰⵡⵍⴰ ⵏ ⵏⵓⵡⴻⵎⴱⴻⵔ.

ⵉ ⵍⵎⴻⵏⴷ ⵏ ⵡⴰⵢⴰ, ⴱⵖⵉⵖ ⴰⴷ ⴱⴹⵓⵖ ⵢⵉⴷ-ⵡⴻⵏ ⴰⴷⴷⵓⴷ ⵏ ⵓⴽⵔⴻⴱⴱⵓ ⴷ ⵓⵅⴻⵎⵎⴻⵎ ⵖⴻⴼ ⵓⵙⴼⴻⵍ ⵓⵔ ⵏⴻⵙⵄⴰ ⴰⵎⴻⴷⵢⴰ ⵏ ⵡⴻⵖⵔⴻⴼ-ⵏⵏⴻⵖ ⴰⴽⴽⴻⵏ ⴰⴷ ⵢⴻⵔⵔ ⵜⵉⵍⴻⵍⵍⵉ-ⵙ ⴷ ⵜⵏⴰⵢⴰ, ⴷ ⵡⴰⵢⴻⵏ ⵉ ⵢⴻⵜⵜⵔⴰⴵⵓⵏ ⵜⴰⵎⵓⵔⵜ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵢⴻⵎⵎⴻⴷ ⵢⵉⵣⴻⵏ ⵏ ⵏⵓⵡⴻⵎⴱⴻⵔ.

ⴰⵢ ⴰⵜⵎⴰ, ⴰ ⵢⴻⵙⵙⴻⵜⵎⴰ,

ⵙⴻⴳ ⵢⵉⵣⴻⵎⵣⴻⵏ ⴰⴽⴽ ⵏ ⵢⵉⵙⴼⵓⴳⵍⴻⵏ ⵉⵄⴻⴷⴷⴰⵏ ⴷⴻⴳ ⵓⵎⴻⵣⵔⵓⵢ-ⵏⵏⴻⵖ, 5 ⵢⵓⵍⵢⵓ ⵢⵓⴼⵔⴰⵔ-ⴷ ⴰⵛⴽⵓ ⴷ ⵜⵉⵡⴹⵉⵏ ⵏ ⵓⵎⴻⵏⵏⵓⵖ ⵖⴻⵣⵣⵉⴼⴻⵏ ⵏ ⵓⵖⵔⴻⴼ-ⵏⵏⴻⵖ ⵎⴳⴰⵍ ⴰⵏⴻⴽⵛⵓⵎ ⴷ ⵓⵖⵎⴰⵔ ⵏ ⵜⴻⵎⵀⴰⵔⵙⴰ.

ⴰⵣⴱⵓ ⴷ ⵡⴰⵍⵍⵓⵙ ⵏ ⵜⵏⴻⴽⵔⵉⵡⵉⵏ ⵏ ⵍⴻⵊⴷⵓⴷ-ⵏⵏⴻⵖ ⴳⵍⴰⵏ-ⴷ ⵉ ⵜⵎⵓⵔⵜ-ⵏⵏⴻⵖ ⵉⵎⴻⵍⵢⵓⵏⴻⵏ ⵏ ⵢⵉⵎⴻⵖⵔⴰⵙ, ⵖⵍⵉⵏ ⵖⴻⴼ ⵏⵏⵉⴼ ⴷ ⵜⵍⴻⵍⵍⵉ, ⵎⴳⴰⵍ ⵜⴰⵙⴻⵀⵔⴻⵙⵜ ⵉ ⵢⴻⵇⵇⵉⵎⴻⵏ ⵜⴻⵍⵀⴰ-ⴷ ⵓⴳⴰⵍ ⵏ ⵍⵇⴻⵔⵏ, ⵙ ⵜⵓⴽⴽⵙⴰ ⵏ ⵡⴰⴽⴰⵍ-ⵏⵏⴻⵖ, ⴰⵏⴼⴰⵢ ⵏ ⵉⵏⴰⵣⴱⴰⵢⴻⵏ, ⴷ ⵜⵔⵉⵔⵉⵜ ⵖⴻⵔ ⵜⴰⵎⴰ ⵏ ⵢⵉⴷⵍⴻⵙ-ⵏⵏⴻⵖ. ⵎⴰ ⵏⴻⵙⵙⴻⴳⵔⴻⵡ-ⴷ ⴷⴻⴳ ⵢⵉⵡⴻⵜ ⵜⴻⴼⵢⵉⵔⵜ, ⵜⴰⵙⴻⵀⵔⴻⵙⵜ ⵜⴻⵔⵔⴰ ⴰⵖⵔⴻⴼ-ⵏⵏⴻⵖ ⴷ « ⵍⴻⵙ ⴷⴰⵎⵏéⵙ ⴷⴻ ⵍⴰ ⵜⴻⵔⵔⴻ » ⴰⵎ ⵡⴰⴽⴽⴻⵏ ⵉ ⵜⵜ-ⵉⴷ-ⵢⴻⵏⵏⴰ ⵓⵎⴻⵔⵃⵓⵎ ⴳⵎⴰⵜ-ⵏⴻⵖ ⵎⵓⵛⴰⵄⴻⵏ, ⴰⵎⴻⴷⴷⴰⴽⴻⵍ ⵏ ⵜⴻⴳⵔⴰⵡⵍⴰ-ⵏⵏⴻⵖ, ⴰⵎⵙⵓⵊⵉ ⴼⵔⴰⵏⵜⵣ ⴼⴰⵏⵧⵏ

ⴷ ⵜⵓⴳⵉⵏ ⵏⵓⴳⵉ ⴰⵖⵎⴰⵖ ⴰⴱⴻⵕⵕⴰⵏⵉ ⵉ ⴷ-ⵢⴻⴳⴳⴻⵔⵡⴻⵏ ⴷⴻⴳ ⵜⴻⴳⵔⴰⵡⵍⴰ ⵎⵓⵛⴰⵄⴻⵏ ⵏ ⵏⵓⵡⴻⵎⴱⴻⵔ, ⴷⴻⴳ ⵢⵉⵡⴻⵜ ⵏ ⵜⵏⴻⴽⵔⴰ ⵏ ⵜⴻⴱⵖⴻⵙⵜ, ⵜⴻⵙⴷⵓⴽⴻⵍ ⴰⵖⵔⴻⴼ-ⵏⵏⴻⵖ ⴷⴻⴳ ⵜⴰⵎⵓⵔⵜ ⴰⴽⴽ ⴷ ⵢⵉⵏⵉⴳ.

ⴷ ⴰⵎⴻⵏⵏⵓⵖ ⵏ ⴻⵎⵉⵔ ⴰⴱⴷⴻⵍⴽⴰⴷⴻⵔ, ⵏ ⵛⵀⴻⵉⴽⵀ ⴰⵀⴰⴷⴷⴰⴷ, ⵏ ⵛⵀⴻⵉⴽⵀ ⴱⵧⵓⴰⵎⴰⵎⴰ, ⴷ ⵡⴰⵟⴰⵙ ⵏⵏⵉⴹⴻⵏ ⵉⵃⴻⵎⵎⵍⴻⵏ ⵜⴰⵎⵓⵔⵜ, ⵉ ⵢⴻⵔⴼⴻⴷ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵢⴻⵜⵜⴻⵏⵇⴰⵎ-ⴰⵙ-ⴷ, ⴷⵖⴰ, ⴰⵎⴻⵍⵢⵓⵏ ⴷ ⵓⵣⴳⴻⵏ ⵏ ⵢⵉⵎⴻⵖⵔⴰⵙⴻⵏ.

ⴷⴻⴳ ⵡⴰⵙⵙ-ⴰ ⵏ ⵓⵙⴼⵓⴳⴻⵍ ⵏ ⵜⵓⵖⴰⵍⵉⵏ ⵏ ⵍⴻⵣⵣⴰⵢⴻⵔ ⵖⴻⵔ ⴳⴻⵔ ⵢⵉⵖⵍⴰⵏⴻⵏ ⵉⵎⵣⵉⵔⴳⴻⵔ, ⴰⴷ ⵙⴻⵏⵅⴻⵎⵎⴻⵎ ⵙ ⵜⴻⵍⴳⴻⵢ, ⵉ ⵛⴼⴰⵢⴰⵜ ⵏ ⵏ ⵛⵛⵓⵀⴰⴷⴰ ⵏ ⵜⴻⴳⵔⴰⵡⵍⴰ ⵏ ⵏⵓⵡⴻⵎⴱⴻⵔ.

ⴰⴷ ⵏⵣⵓⵍ ⴷⴰⵖⴻⵏ ⵛⴼⴰⵡⴰⵜ ⵏ ⵢⴻⵎⴵⵓⵀⴰⴷ ⵉ ⵢⴻⵎⵎⵓⵜⴻⵏ ⴷⴻⴳ ⵉⵙⴻⴳⴳⴰⵙⴻⵏ ⵏ ⵓⵣⴰⵔⵓⴳ, ⴰⴷ ⴰⵙⴻⵏ-ⵏⴻⵔⵔ ⵜⴰⵊⵎⵉⵍⵜ ⵉ ⵢⵉⵎⴻⴷⴷⵓⴽⴰⵍ ⵏ ⵓⵎⴻⵏⵏⵓⵖ ⵉ ⵎⴰⵣⴰⵍ ⵉ ⵎⴰⵣⴰⵍ ⴷⵔⴻⵏ, ⵉ ⵓⵎⵉ ⵙⵙⴰⵔⴰⵎⴻⵖ ⵜⴰⴷⴰⵡⵙⴰ ⵜⴰⵎⴻⴳⴳⴰⵣⵜ.

ⴰⵢ ⴰⵜⵎⴰ, ⴰ ⵢⴻⵙⵙⴻⵜⵎⴰ,

ⴰⵣⴰⵔⵓⴳ ⵢⴻⵍⴷⵉ-ⴷ ⴰⴱⵔⵉⴷ ⵉ ⵍⴻⴱⵏⵉ ⵏ ⵍⴻⵣⵣⴰⵢⴻⵔ, ⴷ ⴰⵎⴰⵀⵉⵍ ⵉ ⵢⴻⵙⵙⴰⵡⴰⵍⴻⵏ ⵉ ⵓⵖⵔⴻⴼ-ⵏⵏⴻⵖ, ⵎⴰⵛⴰ ⴰⴱⴻⵄⴷⴰ ⵉⵍⵎⴻⵥⵢⴻⵏ, ⵉⴷⴻⴳ ⴷⴰⵖⴻⵏ 5 ⵢⵓⵍⵢⵓ ⴷ ⵜⴰⵎⴻⵖⵔⴰ ⵜⴰⵖⴻⵍⵏⴰⵡ.

ⵍⴻⴱⵏⵉ ⴰⵖⴻⵍⵏⴰⵡ ⵢⴻⴷⴷⴰⵏ ⴷ ⵜⵉⵎⵔⴰⵡⵉⵏ ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵢⴻⵙⵙⴰⵡⴻⴹ ⵖⴻⵔ ⴷⴷⴻⵇⵙ ⵏ ⵏⵏⴰⴵⴰⵃⴰⵜ ⵎⴰⵛⴰ ⴷⴰⵖⴻⵏ ⵢⴻⴳⵍⴰ-ⴷ ⵙ ⵓⵃⵔⵉⵛ-ⵉⵙ ⵏ ⵍⴻⵅⵚⴰⵚ, ⴷ ⵍⴻⵅⵚⴰⵚ ⵉ ⵢⴻⵙⵙⴰⵡⴹⴻⵏ ⵖⴻⵔ ⵓⵜⵉⵇⵇⴻⴼ ⵏ ⵓⴷⵔⵉⵎ ⵉ ⴷ-ⵢⴻⴳⵍⴰⵏ ⵙ ⵜⵓⵖⴰⵍⵉⵏ ⵖⴻⵔ ⴷⴻⴼⴼⵉⵔ ⵏ ⵜⴷⴰⵎⵙⴰ ⴷ ⵜⵎⴻⵜⵜⵉ ⵙⴻⴳ ⵡⴰⵢⴻⵏ ⵉ ⴰⵖ-ⴷ-ⵃⴻⵜⵜⵎⴻⵏ ⵡⵉⴷ ⵉ ⴷ-ⵉⵔⴻⴹⵍⴻⵏ ⵏ ⵍⴻⵣⵣⴰⵢⴻⵔ. ⵔⵏⵓ-ⴰⵙ, ⵜⴰⵎⵓⵔⵜ-ⵏⵏⴻⵖ ⵜⴻⵜⵜⴻⴷⴷⵓ ⴰⴷ ⵜⴻⵎⵎⴰⴳⴻⵔ ⵜⵓⵛⴹⵉⵡⵉⵏ, ⵎⵉ ⴰⵔⴰ ⵢⴰⵡⴹⴻⵏⵜ ⵖⴻⵔ ⵢⵉⵅⴼ-ⵏⵙⴻⵏⵜ, ⵜⵜⴰⵔⵡⴻⵏⵜ-ⴷ ⵜⴰⵡⴰⵖⵉⵜ ⵜⴰⵖⴻⵍⵏⴰⵡⵜ.

ⴷⴻⴳ ⵢⵉⵡⴻⵏ ⵏ ⵓⴽⵓⴷ, ⴷⴻⴳ ⵡⴰⵙⵙ-ⴰ ⵏ ⵓⵙⴼⵓⴳⴻⵍ ⵏ ⵢⵉⵎⴻⵏⵏⵓⵖⴻⵏ ⵏ ⵍⴻⵊⴷⵓⴷ-ⵏⵏⴻⵖ, ⵏ ⵓⵣⴱⵓ ⴷ ⵓⵏⴵⴰⵃ ⵏ ⵓⵖⵔⴻⴼ-ⵏⵏⴻⵖ, ⴰⴷ ⴰⵡⴻⵏ-ⵙⵉⵡⵍⴻⵖ ⴰⴽⴽ, ⴰⵢ ⴰⵜⵎⴰ, ⴰ ⵢⴻⵙⵙⴻⵜⵎⴰ, ⴰⴽⴽⴻⵏ ⵜⴻⵎⵅⴰⵍⵍⴰⴼⴻⵎ ⴷⴻⴳ ⵜⵎⵓⵖⵍⵉⵡⵉⵏ-ⵏⵡⴻⵏ ⵜⵉⵙⴻⵔⵜⴰⵏⴻⵏ, ⵔⵏⵓ ⴷⴰⵖⴻⵏ ⴷⴻⴳ ⵜⴷⵓⴽⵍⵉ ⵢⵉⵎⴰⵍ-ⵏⵡⴻⵏ ⴰⵖⴻⵍⵏⴰⵡ, ⴰⴽⴽⴻⵏ ⴰⴷ ⵜⵙⴷⵓⴽⵍⴻⵎ ⵉⵖⴰⵍⵍⴻⵏ-ⵏⵡⴻⵏ, ⴰⴽⴽⴻⵏ ⴰⴷ ⵜⴻⴱⵏⵓⵎ ⵓⴳⴰⵔ ⵍⴻⵣⵣⴰⵢⴻⵔ ⵜⴰⵎⵓⵔⵜ-ⵏⵏⴻⵖ, ⴰⴷ ⵏⴰⵡⵉ, ⴰⵙⴻⴳⴳⴰⵙ ⵙⴷⴰⵜ ⵡⴰⵢⴻⴹ, ⵜⴰⵙⵓⵜⴰ ⵙⴷⴰⵜ ⵜⴰⵢⴻⴹ, ⵙ ⴰⵙⵡⵉⵔ ⵏ ⵓⵙⵉⵔⴻⵎ-ⵏⵡⴻⵏ, ⵙ ⵉⵙⵡⵉ ⵉⵖⴻⴼ ⵎⵎⵓⵜⴻⵏ ⵢⵉⵎⴻⵖⵔⴰⵙⴻⵏ".