Asebter amenzawi

Tunes: aselway yumeṛ-d ad d-tili tegnit n tuɛjilin

TUNES – Aselway atunsi, Beji Caid Essenso, yumeṛèd, ass n ssebt, ad d-tili deg tmurt n Tunes tegnit n tuɛjilin dduṛt deffir ma tella-d txazabit deg teftist n Susa, ɣef wakken ay d-tenna tselwit. « Aselway n tegduda Beji Caid Essebsi yenna-d, ass n ssebt, d akken yumeṛ ad d-tili tegnit n tuɛjilin deg Tunes. Ad d-yessiwel ass-a, ɣef 5s00 n tmeddit, i Yitunsiyen deg tregwa yemgerraden n tliẓri », ɣef wakken ay d-tenna tegrawt n teɣwalt n tselwit. Tagnit n tuɛjilin d tin ara yefken tizemmar tisurfanin i temsulta d yigen. Deg Yennayer n 2011, Tunes tumeṛ s tegnit n tuɛjilin, sakkin tettwakkes tegnit-a deg Meɣres n 2014. Tikkelt tamezwarut anda ay d-tella tegnit-a d tallit deg d-tella tnekra taɣerfant ay yesseɣlin anhil aqbur n Zine El Abidine Ben Ali. Taselwit txebber-d s waya dduṛt sdeffir ma tella-d txazabit-nni ay yeglan s 38 n tmeddurin deg yiwen n usensu ɣef yiri n lebḥeṛ, gar-asen 30 n Yibriṭaniyen.